الـسلام عليـكـم أخـواني وأخـواتـي والصـراحـه أول مـره أنـزل وحده من طبـخـاتـي بالـمنــتـدى وأتـمـنـى هالـطـبـخـه تـعـجـبـكـم وحـقـوق الطبخ محفوظه لـي المهم إسـم الـطـبـخـه (( مـحـمـوسـه حـمـام )) نبـدأ بالمقاديـر : من 6 إلى 7 حبات بصل شرائـح 2 فـلـفـل رومـي شـرائـح وللمعلوميه الطبخه بدون طـمـاطـم وبدون ماء !! قطعه زبده بهارات وملح مشكل ليمون اسود ودارسين وورق غار نـبـدأ بـوضـع البصـل والفلفل الرومي مع قطعـه زبـده للكشنه كمـا فـي الصـوره :
ثـم نـظـيف الفـراخـه وتـكـون منظفه ومغسوله ونصفها بالكاتـم بالشكل هذا كما في الصـوره
بـعــد كـذا نـحـط المشكـل ليمون أسود ودارسين والملح والبهـارات ونسكر الكاتم ونـكـتـمه وبعد مايتش نحسب له من 20 إلى 22 دقيقه كـمـا فـي الـصـوره !
وقبل لانحط الحمام بالكاتم نكون غاسلين الرز ونكون محطين ببريق الفواح ماء ومسخنينه لين يفوح ونقوم نصب الماء على الـرز كمـا هـو موضح بالصـوره ونحـط معاه قرنفل ونــتـركه 25 دقيقه
وبـعـد كـذا نشيل الحـمـام والبصل وكل شيء ونحـطهـا بقـدر ثاني ونحط معاه شوي بهارات ونقصر عليه مع التحريك لين يخلص الرز ، ويكون بالكاتم بس الـمـاء ، والمـاء هذا يكون طالع من الحـمـام والبصل يعني مافي إضافه ماء وبعد كـذا نـحـط الـرز بالـكـاتـم ونضغطـه ونـتـركـه بعد مايتش 20 دقيقه !! وهــذا النـاتـج الـنـهـائـي :
ماشاءلله تبارك الله بالعافيه بس فيه سؤال ؟
هل نوع الحمام نجدي او زاجل او مهجن او فرنسي ماوضح لي بالصوره !.
والقصد من السؤال ان طريقة الطبخ هل هي تناسب جميع الأنواع ؟
شغل مرتب وموادك الخام جيدة وعليكم بالعافية
لكن الناتج مهروس حمام
حبيبي نصيحة لايزيد طبخ الحمام اكثر من 20 دقيقه بالقدر العادي فمبالك بالكاتم
مجموع الدقايق التي طبخت فيها الحمام حوالي الساعة
تقبل مروري ونقدي
التوقيع
سامحت كل من جرحني وبحته......... الله يبيحه .. ما أبي منه تبرير !
واللي معه قصّرت و إلا جرحته........ ياليت يسامحنيْ على كل تقصير !
العرض العادي
