ألـيــكــم طـبــخ الــمـنــدي الـــــرائــــع

[عادل الحبيتر]

صباح \ مساء الخير للجميع

كما وعدتكم وكما طلبوا الاكثريه بشأن طلب طبخ رز المندي

وانا الان راح اعرض لكم المقادير والصور لطبخي الرز المندي وأن شاء الله يعجبكم
طبعا انا طبختها في البيت .. لان الاغلبيه ماعندهم برميل مندي علشان كذا راح اعرض لكم طريقة طبخ المندي في بيوتكم

يالله نبدأ

أول ماتدخلوا للمطبخ عالطول في البداية تحضروا الاشياء هذي

تقطعوا بصل وتجيبوا رز وتخمروه بمويه حاره لمدة عشر دقايق

نبدأ معكم بوصف الصور

نكشن البصل مع الزيت

نخمر الرز بمويه حاره لمدة عشر دقايق







بعد ما نكشن البصل ونكب الرز ثم نكب على الرز ماء طبعا من غير مانغلي الرز مع الماء ونحط فوق الماء درسين وحبحر احمر علشان يعطي للرز نكهه

طبعا نكون جايبين الدجاج ومتبلينه ببهارات وسنوت

وأول ما نكب الرز مع الكشنه والماء طبعا من غير مانغلي الماء مع الرز يكون نغطي القدر بقصدير لكن ما نشد على القصدير نرخي عليه اشوي علشان نقدر اذا حطينا الدجاج نحط غطا القدر فوقه ونجيب السكين ونحط فتحات صغيره على القصدير

بعد مانتبل الدجاج نحطه فوق القصدير علشان مرقة الدجاج تنزل على الرز

ملاحظه \\ لازم قبل كل شي يكون مشغلين النار على الفرن لمدة عشر دقايق علشان اذا حطينا الرز يكون الفرن حار وطبعا نفتح نار الفرن اللي تحت لكن اللي فوق لا تفتحونه

ونحطه بوسط الفرن ونخليه لمدة ساعه بوسط الفرن ويكون نخلي نار الفرن مخلينها على الوسط ونسكر باب الفرن

نجيب قطعه او قطعتين فحم صغار ونشب عليهم النار

طبعا خلال المده الساعه راح نكشن البصل مع قطعه زبده صغيره ونحط الزبيب

ونسوي قرع وكوسه واشوي مكرونه طبعا هي على حسب طلبكم اذا رغبتوا

وبعد ماتخلص الساعه نسكر على الفرن اللي تحت ونفتح النار اللي فوق علشان يحمر الدجاج من فوق وبعد مايحمر نطلع القدر من الفرن ونطلع الدجاج ونحطهم بصحن

ونجيب الكشنه حقت البصل والزبيب ونحطها فوق الرز ونجيب صحن صغير ونحط بوسطه زيت ونحفر للصحن ونحطه بوسط الرز

ونجيب الفحم ونحطه بوسط الصحن الصغير اللي بوسطه اشوي زيت

ملاحظه مهمه \\\ بعد مانحط الفحم عالطول نسكره بغطأ القدر علشان ريحة الفحم ماتطلع برا

و لازم نحط الفحم عالطول نسكره بالغطأ ويكون محضرين منشفه مبلله اشوي بالماء ونحطها على جوانب الغطا علشان ما يطلع دخان الفحم برا القدر

ونتركه لمدة خمس دقايق ثم نفتح الغطاء ونكب الرز لتقديمه للضيوف او للاهل

واليكم النتيجه

بالهناء والعافيه

اتمنى تكون عجبتكم الطريقه وطبختي

تحياتي لكم

عادل

[عاشق الخير]

[align=right]ما شاء الله يا جدودنا ..[/align][align=right]

وش راايك ابيع البااااص ونتشارك بمطعم اناعلي المقلوبه وانت المندي ..

هاا ارووح للمعارض [/align]

[»‏جـوري«]

تم الحفظ ان شاء الله بجربه

تشكرآآآآت عادل وننتظر جديدك

[لولو الصغيره]

ماشاالله تبارك الله ..

شغل سنع وشرح مفهوم...ان شالله الى ذا اسويه

يعطيك العافيه ...شكرا

[عادل الحبيتر]

اقتباس:  المشاركة الأصلية كتبت بواسطة عاشق الخير     [align=right]ما شاء الله يا جدودنا ..[/align][align=right] وش راايك ابيع البااااص ونتشارك بمطعم اناعلي المقلوبه وانت المندي .. هاا ارووح للمعارض [/align]

هاه تحريه مناسبه بس من اللي يودي الطالبات اذا بعت باصك بس اهم شئ تضبط المقلووبه



يسلموا على تفاعلك

ومروك شرفني ياغااااالي


لك تحياتي وتقديري

عادل

[عادل الحبيتر]

اقتباس:  المشاركة الأصلية كتبت بواسطة مملكة فرح     تم الحفظ ان شاء الله بجربه تشكرآآآآت عادل وننتظر جديدك

مشكوره على تفاعلك

ومرورك شرفني لك

تحياتي وتقديري

عادل

[عادل الحبيتر]

اقتباس:  المشاركة الأصلية كتبت بواسطة لولو الصغيره     ماشاالله تبارك الله .. شغل سنع وشرح مفهوم...ان شالله الى ذا اسويه يعطيك العافيه ...شكرا

انتظر ردك بعد ماتصلحين الطريقه


مرورك وتفاعلك شرفني

لك تحياتي وتقديري

عادل

[أسيل محمد]

يعـطــ العافيهـ ـيك ابجربها إن شاء الله ...
جزاك الله خير ..لو انت منزلها بموضوعي كان اقيمك عليها..

[عادل الحبيتر]

اقتباس:  المشاركة الأصلية كتبت بواسطة جندوانا     يعـطــ العافيهـ ـيك ابجربها إن شاء الله ... جزاك الله خير ..لو انت منزلها بموضوعي كان اقيمك عليها..

يوووه فاتت علي

جربي الطريقه وعلمينا النتيجه

تشرفت بمرورك

لك تحياتي وتقديري

[بندر الحمر]

يمي يمي طبخه روووووووووووووووعه

وراك ما عزمتنا عليها ههههههههههههههههه

صحه وعافيه

واحلى طبيخ

[عادل الحبيتر]

اقتباس:  المشاركة الأصلية كتبت بواسطة بندر الحمر     يمي يمي طبخه روووووووووووووووعه وراك ما عزمتنا عليها ههههههههههههههههه صحه وعافيه واحلى طبيخ

عزمتك بس ما جيت انت ههه


تشرفني والله

[ămōяẻ]

روعة

ماودك تعزمينى والاغراض علي

[عَآزِفةالحَرّفّ]

عادل ماشاءالله وعدت ووفيت بوعدك
شغل عدل
يعطيك الف الف عااااااااااااااافيه

[عادل الحبيتر]

اقتباس:  المشاركة الأصلية كتبت بواسطة ămōяẻ     روعة ماودك تعزمينى والاغراض علي

هاه يالله حياك الله بس عليك الاغراض والغسيل

وانا موافق

[عادل الحبيتر]

اقتباس:  المشاركة الأصلية كتبت بواسطة عَآزِفةالحَرّفّ     عادل ماشاءالله وعدت ووفيت بوعدك شغل عدل يعطيك الف الف عااااااااااااااافيه

اكيد لانكم طلبتوا والاغلبيه طلبوا المندي



شرفتيني بمرورك