...هل تأيدون كلام شقيقي؟؟أم تخالفون؟؟تفضلوا

[ღ ][ وحيدة كالقمر ][ღ]

[align=center] هالمرة موضوعي يخص كلا الجنسين ...ويعتمد بالأول والأخير ع (الزوجة)





...إفهموا الفكرة بالأول....ولاعليكم أمر


مرة من الممارير كنت خارجة أنا وإختي مع إخيي للسوق....المهم وحنا بالسيارة...نمشي نسولف قال اخوي

:شوفي هذي شقة(فلان الفلاني)قلت أنا أهاا هنا...قال شوفي سيارته....(طبعاً هالفلان الفلاني قريب لنا)


أنا جلست أفكر من زمان ودي أفتح هالموضوع مع أحد....قلت له:الحين وشوله يجدع زوجته عند أهله ويروح يسهر لأنصاف الليالي..؟


يعني تخيلوا يومياً يجدعها عند أهلها وإلا عند أهله....وبعد العشاء إلى قبل صلاة الفجر مع الشباب بالشقة..

يعني ماكأنه متزوج....قلت لأخوي كذا انا...وقلت له بعد:لاصار كل ليلة بيجدعني عند أهلي ليه يتزوجني


أنا لي حق عليه...أقولكم هو ييطلع هو وياها لمطاعم لسوق لكذا...لكن ناااااادراً جداً...


لاصار بيبتل ع نظام يوم هو عزوبي ليه يتزوج..كان فكني وفك عمره وكمل وناسته..؟


قال أخوي:شوفي هي ع الزوجة...

يعني أنا يوم أتزوج وإلى الحين...أنا وزوجتي شيل وحط...لاجيت أروح لهم...والحين صار يروح لهم خميس وجمعة بس...وأحياناً لاصار جاي احد من برا بريدة يوم من ايام الأسبوع يروح لهم...


قلت أنا:المفروض كذا...مرة لاصرت مو طالعه..يطلع هو لحد الساعة 10 ويرجع نجلس أنا وإياه بالبيت نتعشى سوى...يمكن تطري لنا ونطلع برا....يعني مو حالة بس يجي ينام وياكل ويجلس تقل ملحوق ويطلع....


يااااارب وصلت لكم الفكرة...هل تأيدون كلام أخوي إنه ع الزوجة قعدة الرجل بالبيت وترغيبه؟

أنا بصراحة بعد تفكير عميق بهالموضوع.أيدت أخويا...فعلاً ...


يارب ماتنبطون بي...وتفهمون قصدي...مع إني لسى عزوبية...بس البنات فديتهن شجعنن ع طرحه بالعام...

أنا بنتظار آرائكم....وكل عام وأنتم بخير<<<<بدري أحسن


تحيتي[/align]