|
...هل تأيدون كلام شقيقي؟؟أم تخالفون؟؟تفضلوا
[align=center] هالمرة موضوعي يخص كلا الجنسين ...ويعتمد بالأول والأخير ع (الزوجة)
...إفهموا الفكرة بالأول....ولاعليكم أمر مرة من الممارير كنت خارجة أنا وإختي مع إخيي للسوق....المهم وحنا بالسيارة...نمشي نسولف قال اخوي :شوفي هذي شقة(فلان الفلاني)قلت أنا أهاا هنا...قال شوفي سيارته....(طبعاً هالفلان الفلاني قريب لنا) أنا جلست أفكر من زمان ودي أفتح هالموضوع مع أحد....قلت له:الحين وشوله يجدع زوجته عند أهله ويروح يسهر لأنصاف الليالي..؟ يعني تخيلوا يومياً يجدعها عند أهلها وإلا عند أهله....وبعد العشاء إلى قبل صلاة الفجر مع الشباب بالشقة.. يعني ماكأنه متزوج....قلت لأخوي كذا انا...وقلت له بعد:لاصار كل ليلة بيجدعني عند أهلي ليه يتزوجني أنا لي حق عليه...أقولكم هو ييطلع هو وياها لمطاعم لسوق لكذا...لكن ناااااادراً جداً... لاصار بيبتل ع نظام يوم هو عزوبي ليه يتزوج..كان فكني وفك عمره وكمل وناسته..؟ قال أخوي:شوفي هي ع الزوجة... يعني أنا يوم أتزوج وإلى الحين...أنا وزوجتي شيل وحط...لاجيت أروح لهم...والحين صار يروح لهم خميس وجمعة بس...وأحياناً لاصار جاي احد من برا بريدة يوم من ايام الأسبوع يروح لهم... قلت أنا:المفروض كذا...مرة لاصرت مو طالعه..يطلع هو لحد الساعة 10 ويرجع نجلس أنا وإياه بالبيت نتعشى سوى...يمكن تطري لنا ونطلع برا....يعني مو حالة بس يجي ينام وياكل ويجلس تقل ملحوق ويطلع.... يااااارب وصلت لكم الفكرة...هل تأيدون كلام أخوي إنه ع الزوجة قعدة الرجل بالبيت وترغيبه؟ أنا بصراحة بعد تفكير عميق بهالموضوع.أيدت أخويا...فعلاً ... يارب ماتنبطون بي...وتفهمون قصدي...مع إني لسى عزوبية...بس البنات فديتهن شجعنن ع طرحه بالعام... أنا بنتظار آرائكم....وكل عام وأنتم بخير<<<<بدري أحسن تحيتي[/align] |
[align=center]
http://filaty.com/i/710/f3dd562.h---11.gif للأسف هناك من لا يقدر مسئولية الزواج ! فيعتقد أن الزوجة واجبها الطبخ والتنظيف وإنجاب الأطفال وتلبية حاجته الـ.... عفواً ... هذه واجباتها فعلاً ، ولكن أين واجباتك أيها الرجل ؟ أين حقها عليك ؟ أليست تنتظر منك كلمة جميلة ؟ و(طلعة) رومانسية ألا تريد أن تسافر معك وتتنزه معك من خلالك تستطلع العالم وتجوب البلاد تريد أن تتبادل معك أطراف الحديث بما يخصك وبأدق الأمور تريد أن تشعر أنها تتخللـك حتى النخاع ! هل حققت لها ذلك ؟؟ http://filaty.com/i/710/f3dd562.hh----2.gif [/align] |
كلام اخوك صحيح بس مو دايم يعني بعض الزوجات وانا اقولها صريحه تصير عله ودايم هوش وطلبات او تكون نفسيتها زفت معه بسبب حوسة البزران بس مو الكل
بالاخير هي معذوره تلقاها من حوسة البيت والا من صجة البزران والا من الرجال اللي يحتاج كلمه حلوووووووووووه و وجه مبسوط وهي ماهي فاظيه مع كل هالحوسه |
صباح الخير.. وحيده ومتى كانت الزوجه مثل البضاعه يطلق عليها الجدع كم أكره قول هذه الكلمه ياوحيده .. وحيده لايمكنني الجزم بأي توقع لأنني لاأعرف مايدور بينهما وكيفما هي علاقتهما ومامدى حبها لآخر .. وأين مكمن الخطأ في العلاقه قد يكون هو الرجل او قد تكون هي الزوجه من أبعدته من البيت .. فقط اكتفي بقول البيو ت أسرار.. تحياتي .. |
اقتباس:
حياك الله ياهامة....بإنتظار ردود ومناقشة الرجال في هذا الجانب فأنا ماوضعت هذا الموضوع إلا للنقاش الجاد...وكما قلت في سابق موضوعي لها حق عليك ايها الزوج...بالسفر وبالجلسة وببببالخ....؟ تحيتي وشكراً لحضورك...[/align] |
اقتباس:
وأنا قلت سابقاً هي ع الزوجة...جلسته وإلا تنفيره.... شررفتيني...[/align] |
اقتباس:
[align=center]صبحك الله بالرضا والعافية أيها الحصان الأسود... الحصان...لاتلومني من كثر ماأشوف وأسمع...صرت أطلق عليها كذا..من حر(ن) بستبدي... وش تقول عنه لاصار كل يوم ياعند أهله وإلا عند اهلها.؟وش تسميها يومياً؟ ياأخوي العزيز....أنا أبصم بالمليونين بأن علاقتهم جداً قوية وممتازة ماشاء الله الله يديم عليهم (وماقلت كذا هباء لأني اعرفها حق المعرفة) قلت لك بالأول والأخير هي ع الزوجة...جلسته وتنفيره ياأخي العزيز,,,, نعم للبيوت أسرار...؟وأنا أريد حل للمشكلة مادخل البيوت... شررفني حضورك المبكر وعذراً إذا (كلمتي)ضايقتك... تحيتي[/align] |
[align=center]شوفي ياقلبي كلام اخوك صحيح مئه بالمئه ،،يمكن تستغربي اني مرأه واقول إن الزوجه هي السبب بأن زوجها يطلع من البيت مو كلهم طبعا ،،وبنفس الوقت هي التي تستطيع ان ترغبه بجلوس البيت والجلوس بجانبها ،،وعلى فكره الزوجه هي الي تبي تروح لهلها كثير ،،انا لي صديقات مايجلسون في بيتهم ابدا دائما لزم يطلعون ،،اليوم امها لحالها وبكرى اختها جايه وبعد بكرى زوجة اخوها تبي تجي لهلها وتبي تروح تشوفها ووووو،،طيب متى تجلسين بالبيت متى ترتبي ومتى تستعدي بالأكل ودراست الأطفال ونومتهم بدري ،،الرجال في هالحاله طبيعي ماراح يجلس بالبيت ،،والزوجه الي حريصه على بيتها تجلس هي وزوجها ويظبطون مواعيد روحاتهم بحيث انه يكون متنوع يعني يوم بالسبوع الاستراحه ،،وهي لها يوم لهله ويم لهل زوجها فقط ،،وكذا راح يكون الوقت كافي انهم يطلعون سوى او يسهرون في بيتهم ،،
كل الود[/align] |
أختي الفاضلة
الرجل متعود أيام العزوبية على جدول معين ومن الصعب تغييره بسهوله لذلك لابد للزوجة أن تعمل على تغيير هذا الروتين بشكل متدرج حتى تكسب هي في النهاية زوج محافظ على حقوقها . ولك تحيتي |
لا ليس للزوجة أي دور في هذا _ _ _
|
بكل تأكيد
الزوجة احيانا تكون سبباً لهروب الزوج من البلد بكبره فيدمن السفر محاولا الهروب منها ولو لبضع ايام يريح فيها رأسه الزوجة لديها قدرة عجيبة على فعل كل شئ متى ما ارادت وادركت ذلك لست متزوج ولكن هذا ما اسمعه تحياتي بيس:) |
[align=center]
مرحبا خيتو وحيدة .. أولاً أوأيد كلام أخوك .. فعلاً يجب أن تغير مسار حياته القديمه بشتى الطرق .. ولن أزيد على كلام أخواني الاعضاء وخاصة أبوهليل .. تحيتي .. [/align] |
كأني أذكر أن هناك قسم إجتماعي ومزيداً من متصفحات الإشباع ... |
ياحوووووووول يهالزوجة..الله يعينه عليكم.. المهم انا ارى ان السبب الاول من الزوج.. لأنه هو اللي يطلع يعني هو من قام بالفعل..فلذلك هو المسؤول عن تصرفاته.. وربما تكون الزوجة هي السبب.. اذا كانت هي اللي تبي تطلع(مثل ماقالت قارئة الفنجان) لأنها هي اللي قامت بالفعل.. امااننا نقول انها هي السبب في كثرةخروج زوجها!!!!!!!!!!!! والله انك منتيب بعيدة عن اللي تقول ان الرجل اذا ماجهزت له زوجته ملابسه.. يروح بملابس وسخة..وهي المسؤولة عن قذارته!!!!!!!!!!!!!!!!!!!!!!!!!!!!!!!!!!!!! ليش الرجل ماعنده عقل؟؟؟ مهب مسؤول عن تصرفاته؟؟؟؟؟؟؟ ياأختي حنا مجتمع تعودنا ان نلقي باللوم على المرأة.. حتى اخطاء الرجل نحملها المرأة.. انا برايي ان الرجل يتحمل مسؤولية كثرةخروجه من بيته.. وحتى لو قصرت زوجته معه..لايعالج الخطأ بخطأ اكبر منه.. فالحوار يحل جميع المشاكل.. لكن رجالنا ماعندهم استعداد يعالجون شي..ولاألومهم.. |
تنظيم وترتيب حياة الاسرة بيد الزوجة فلو جلست في بيتها ورتبت ايام خروجها وعرف الزوج منها ذلك لتقلصت سهرااته الخارجيه دون ان يشعر المهم انه يحس ان هناك احدا في البيت ينتظره .
... من يسهرون غالبا زوجاتهم على نفس النمط اللي ذكرتيه يعني كل يوم طلعة يعني بيت فوضوي ملابس مبعثره في كل مكان أثاث بيت لا يتغير والروتين الممل مخيم عليه واذا كان هناك ابناء فمستوياتهم المدرسية متدنيه وهي ليس عندها وقت كي تصلح من شكلها فيهرب الاب من هذا البيت الكئيب وهي الى الآن لا تعرف مالسبب . |
| الساعة الآن 10:11 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة