لا يربطونكم بس !

[خالد الحربي]

بعد غياب شوي طويل عن النت ..

جالس أفرفر بين المنتديات والمواقع الأخبارية لقيت لي خبر مررررررة أزعجني

وقض مضاجعي من نومي


بصراحة انا كنت ناوي ما أكتب أي شي عن الدولة لا نقد ولا أشادة

(( أصلاً من متى أشدت بها انا )) ..

بس مع الأسف لقيت لي خبر صدمني .. وبقوة .. ما أدري عاد عنكم أنتم .. وش رايكم في هالموضوع ؟!

بس أكيد أنكم ممتعضين منه (( بس خوفاً ما تبون تبينون هالشي ))

لأن وزارة الداخلية ما شاء الله عليها (( ناوية تخلي السعودية حوش مسكر بالشبوك ))

(( عاد هي ما هيب قايلة لكم أنها تبي تحجر عليكم ))

ما علينا ..

الخبر يقول ...

(( أن وزارة الداخلية ناوية تحط سور أمني بين الحدود السعودية العراقية .. لمنع ً الأرهابيين ً من دخول الأراضي السعودية بقيمة 45 مليار ريال )) ...

طبعاً طوله 900 كيلو متر .. ويمكن بعد يشمل الحدود بين الأردن والكويت والبحرين وقطر والأمارات وعمان واليمن ويمكن بين جدة والبحر الأحمر .. لأن الحدود لازم يحمونها من تسلل الأرهابيين من كل الجهات

(( الميزانية طلعت ولأول مرة تصل لهذا المبلغ الخرافي 280 مليار ريال )) .. الكل يبي يلحق عليها وياخذ نصيبه
ما فيه حجة لقتها وزارة الداخلية لأن كل الحجج خلصوها وجات هالفكرة من الحاجز الأمني

طيب ليش الأردن اللي معها علاقات مع إسرائيل .. أو سوريا بلد الفجور والأنحلال .. أو أيران الشيعية .. أو تركيا العلمانية (( ما سوت مثل هالحاجز )) .. لأنها أولى من حماية بلدانهم من الأرهاب ؟! ..
ليش بس بس بس السعودية هي المهددة ؟ .. (( هذا على حسب كلامهم الغير منطقي والغير معقول ؟ ))
ليش بس نحنا اللي نهدر بغير وجه حق هذه الأموال الطائلة تحت حجج وهمية (( فقط لمجرد السلب )) ..

وين قانون (( المحاسبة )) اللي في مجلس الشورى ؟
وش دور هالمجلس .. بس تصديق القرارات ؟
مافيه محاسبة .. ما فيه أستجواب ؟
ونفترض أن الحاجز أقيم .. هل رايح يؤدي دوره ؟!

أكيد ومتأكد أن اللي أصدر هالقرار عارف وواثق أنه ما رايح يؤدي دوره .. فيه ألف طريقة وطريقة لتجاوز هالحاجز (( التعيس )) ..

أطالب من الملك عبدالله أن يتدخل لوقف العبث وأهدار المال العام من فئة لا يهمها مصلحة الوطن همها مصلحة (( جيوبها ))


حفظ الله هذا الوطن من شر العابثين