بـــاف الفرنسيه

[أنوار المدينة]

[align=center]السلام عليكم و رحمة الله و بركاته

اليوم سويت حلاوة فرنسيه سهله مره

المقادير و الطريقه في نفس الوقت :

كوب و نص طحين تحطين معاه ملعقة شاي بيكنج باودر و نص ملعقة شاي ملح و تخلطينهن مع بعض

نص زبدة + نص كوب سكر خلطيهن مع بعض

نص كوب حليب + بيضه خلطيهن مع بعض

بعدين ضيفي الطحين على خليط السكر و الزبدة و ضيفي خليط الحليب مع البيضه و حركي الخلطة زين بس مش وايد و تأكدي أن الخلط في اتجاه واحد

بعدين هاتي صينيه ذات قوالب صغيره و حطي من الخلطه فيها و دخليها الفرن تقريبا 12 او 15 دقيقه بس راقبيها لا تنحرق

راح تطلع لج مثل الكيك الصغير

المهم على جنب كوني مجهزة

نص زبدة ذايبه

سكر و قرفه مع بعض

كل مره أخذي قطعة من الكيك و غمسي الراس فقط و بعدين رشي عليه السكر و القرفه

و هني و عافيه

يلي كلوها قالوا حلوه [/align]

[Queen of buraydh]

مممممممممم حلوه الطريقه وسهله

بس انا ما احب اسوي الكيك ما يضبط معاااااااي


يعطيك العافيه انوار المدينه

[سيدة الحور]

طريقه سهله

يعطيك العافيه انوار المدينه

[جناان]

شكلها
لذيذ
تم الحفظ وان شاء الله رااح اجربها

سلمت ايدك انوار المدينه

[iiigil]

مشكووووووووووووره اول ما اجربها اعلمك بالأخبار

[أنوار المدينة]

[align=center]Qween

جربي تسوينها إن شاء الله راح تضبط معاج إذا إتبعتي الخطوات زين



شاكرة لج ردج و تواجدج الكريم[/align]

[أنوار المدينة]

[align=center]سيدة الحور

الله يعافيج

إذا سويتيها خبرينا بالنتيجه

على فكرة هالحلاوه الفرنسيه أو الكيك بالأصح ياكلونه مع القهوة



شاكرة لج ردج و تواجدج الكريم[/align]

[أنوار المدينة]

[align=center]جناان



إن شاء الله بتعجبج

اليوم ما لقيت في الصحن إلا حبه وحدة عبروها الأهل ما شاء الله عليهم



شاكرة لج ردج و تواجدج الكريم[/align]

[أنوار المدينة]

[align=center]انسه مطنشه

وراح أكون بانتظار الأخبار

إن شاء الله تضبط معاج و تطلع حلوه



شاكرة لج ردج و تواجدج الكريم[/align]