سقوط مروج الخمور ليلة العيد

[عمار القصيمي]

[align=center]في كمين نفذته هيئة المعروف بأم الحمام أمام أحد الأسواق الشهيرة

سقوط مروج الخمور ليلة العيد



كمية من الخمور المضبوطة

سقط اثنان من مروجي الخمور في كمين نفذته هيئة المعروف والنهي عن المنكر بأم الحمام مساء يوم الأحد الفائت أمام أحد الأسواق الشهيرة وسط الرياض.
وكانت هيئة الأمر بالمعروف والنهي عن المنكر بأم الحمام قد رصدت تحركات مروج الخمور وفي خطة أمنية تم تتبعه ووضع كمين للاطاحة به وتم ضبطه أثناء احضاره لكمية من الخمور تقدر قيمتها بثلاثين ألف ريال وكان المروج البالغ من العمر ثلاثة وعشرين عاماً حضر برفقة أحد زملائه لتسليم أكثر من خمسين قارورة من الخمر متنوعة كان سعر الزجاجة الواحدة خمسين ريالاً.

وقد تم تسليم المروجين لمركز الشرطة لتتولى عملية التحقيق معهم واحالتهم للجهات المختصة وقام فرع هيئة الأمر بالمعروف والنهي عن المنكر بأم الحمام باتلاف الخمور المضبوطة من المروجين
الرياض.[/align]

[واحد من الربع]

الحمد لله
والله يعطيهم العافية
رجال الهيئة
وناقل الخبر ...
وياليت اللي ينتقدون الهيئة
يقدرون حجم الإنجاز اللي تحقق ...
------------------------
كل عام وأنتم بخير .....

[عيون الصقر]

اقول والله خمور متعوب عليها مختومه مصنعيا

وبخمسين ريال يابلاش

والمروج صغير في السن

على صفة انواع الويسكي حشا بار اوروبي ماهو حي ام الحمام

وشعار الهيئة وسط زجاجات الويسكي طالع نشاز وفشيله

لكن هذا نقطة من بحر كمية دخلت البلد

اين هي ؟

وكيف دخلت ؟

وين الجمارك اللي يفرغون زيت السيارة للتأكد ؟

احسن شي بانجازات الهيئة المشابهه انهم يكتفون بالفرحة بالانجاز

وهذا استعراض من الهيئة شبعنا منه ماراح يقدم ولا يؤخر

الانجاز الحقيقي هو بأن يقطعوا دابره من البلد

بتتبع مصادره وكشف ملابساته بالدقة والتفصيل

[لمبة شارع]

امممممم




ياجماعة احيانا الواحد وده يتوظف بالهيئة بلا راتب ...بس عشان اذا جت ضبطية مثل هذي يصير بلجنة الاتلاف!!

ويصفهن فوق جدار ثم يجيب ام صتمة .. ثم خذ تنقيز وحده ورا الثانية !!!


لا ومن زود النغالة اجيب المروج واخليه يجلس ورا الجدار اللي فوقه القوارير ... ويقعد يناظرهن وهن يتفنقسن من فوق الجدار ....!!! بس عشان ينلهد زود...

اقتباس:  المشاركة الأصلية كتبت بواسطة عيون الصقر     اقول والله خمور متعوب عليها مختومه مصنعيا وبخمسين ريال يابلاش والمروج صغير في السن على صفة انواع الويسكي حشا بار اوروبي ماهو حي ام الحمام وشعار الهيئة وسط زجاجات الويسكي طالع نشاز وفشيله لكن هذا نقطة من بحر كمية دخلت البلد اين هي ؟ وكيف دخلت ؟ وين الجمارك اللي يفرغون زيت السيارة للتأكد ؟ احسن شي بانجازات الهيئة المشابهه انهم يكتفون بالفرحة بالانجاز وهذا استعراض من الهيئة شبعنا منه ماراح يقدم ولا يؤخر الانجاز الحقيقي هو بأن يقطعوا دابره من البلد بتتبع مصادره وكشف ملابساته بالدقة والتفصيل

والله منتب حولش ياعيون !!!

وش تقرب لك زاوية(( يارا)) بجريدة الجزيرة ؟؟؟... ملامحك في الاقتباس نفس ملامح ذيك الزاوية !!! بس الفرق انك تطالب الهيئة بمهام ليست من اختصاصها عشان تقر لها بالانجازات.... وذيك الزاوية تطالب الجهات الثانية بأخذ مهام الهيئة حتى يتم اغلاقها. ...

[أبو هذال]

وجزاهم الله خير الجزاء ..

[طاهرة النوايا]

بعد ميب غراش موية

الله لا يبلانا ويهديهم ويكفي المسلمين شرّهم

وجزاهم الله خير الهيئة على جهودهم

[تميم الداري]

الله لا يبلانا ويهديهم ويكفي المسلمين شرّهم

وجزاهم الله خير الهيئة على جهودهم

[الراي]

والله الهيئه لها جهود جباره مع انها مغلوب على امرها شوي وإلا تشوفون منها كل مايسركم ...ومهما انتقدت إلا ألاجابيات

كثيره وناس فيها مجتهده وبنفس الوقت تراها تتعب .... مهما اخطأت فهي مثلها مثل غيرها ..لها الصواب والخطأ

وفي اغلب الأحيان ياتي الخطأ من افراد ..ولا يمكن ان نحمل الهيئه كل الخطأ.....

على العموم.... جزاهم الله خير ونفع الله بهم امتهم...


تحياتي للجميع

[مجرد رأي]

انشاالله يكون سقوط المروج اول خيط لمعرفة من وراءهــ لقطع راس الحيهــ وعدم الاكتفاء بهذا الحد من الانجاااز

لاننا شبعنا من هذا النوع من الانجازات المتواضعهـــ ....


،،،

[جوكم]

هيهيه اي انجاز والخمارين لهم روس تشم الغربي

ميلو على الخارجي مهوب سادهم العرق الوصخ

[نـدى الـورد]

والخافي اعظم













.

[انسان ثاني]

الحمد لله على النعمة


هولاء هدفهم الدماااااار ثم كسب المااااال لكن كيف ومتى لايهم المهم كيفة الوصول


باسهل الامور نحن الى متااابعة وحذر

[mam999]

جزاهم الله خيرا الهيئة
بس اول مرة اسمع الخمور في كراتين كنها كراتين عطور
ههههه

[عيون الصقر]

لمبة شارع الغالي كل عام وانت والجميع بخير

مفهوم الانجاز عندي ان يتوج بثمرة الجهد النهائية

اما ان كل قبضية تافهة يعتبر انجاز هذا اقل من حق الهيئة

ليتها لاتضفي عليه صفة الانجاز تكتفي باتلافه بدون اعلام وتسويق دعاية

جهودهم ماينكرها الا جاهل ولسنا بحاجة دعاية هي بالواقع تصور حجمها الضئيل في هذا المجال

تضحك وانت ترى زجاجات خمور وشعار الهيئة بالوسط واللي دخل البلد اطنان منها غير التصنيع المحلي

تصدق يالمبة شارع لما اشوف هالخمور وشيوعها وكثرة معاقريها يجي في بالي اننا بالمستقبل يمكن يقر عندنا نظام المقاطعات المستقلة بقوانينها ونظامها مثل ولايات امريكا والامارات العربية وشرايك بهالشطحه اللي ماصلت على النبي هل نحن قريبين منها ام نحن الى التصنيع المحلي اقرب

[لمبة شارع]

اقتباس:  المشاركة الأصلية كتبت بواسطة عيون الصقر     لمبة شارع الغالي كل عام وانت والجميع بخير مفهوم الانجاز عندي ان يتوج بثمرة الجهد النهائية اما ان كل قبضية تافهة يعتبر انجاز هذا اقل من حق الهيئة ليتها لاتضفي عليه صفة الانجاز تكتفي باتلافه بدون اعلام وتسويق دعاية جهودهم ماينكرها الا جاهل ولسنا بحاجة دعاية هي بالواقع تصور حجمها الضئيل في هذا المجال تضحك وانت ترى زجاجات خمور وشعار الهيئة بالوسط واللي دخل البلد اطنان منها غير التصنيع المحلي تصدق يالمبة شارع لما اشوف هالخمور وشيوعها وكثرة معاقريها يجي في بالي اننا بالمستقبل يمكن يقر عندنا نظام المقاطعات المستقلة بقوانينها ونظامها مثل ولايات امريكا والامارات العربية وشرايك بهالشطحه اللي ماصلت على النبي هل نحن قريبين منها ام نحن الى التصنيع المحلي اقرب

ياعيون الهيئة يحاربها اعداء الفضيلة على كل هفوة وزلة ويجعلون من الحبة قبة اذا كانت ضد الهيئة ...
ولذلك من الطبيعي ان تبرز الهيئة كل اعمالها مهما صغرت فيما يتعلق بالخمور ...وانت تعلم ان الهيئة تتكتم في قضايا الدعارة والعهر والمطرسة ... وتعلم ان الهيئة جهاز تحري وضبط ودوريات ميدانية وليست شبكة مباحث متقدمة تعمل وفق تخطيط استخباراتي طويل النفس ولا تمتلك اي سلطة خارج ميدان عملها ... ولو كان اخلاص وتفاني الجهات ذات العلاقة بمثل اخلاص جهاز الهيئة ماشرب فيها عربيد جرعة خمر ...