ياويلي ويلاه ... ياطر جيبي طرّاه ...!

[فور يو]

اخواني , أخواتي , منتسبي ومتصفحي منتديات بريده

أسعد الله اوقات الجميع بكل خير ...


_______________


في هذه الأيام من اواخر شهر رمضان تمتلىء الأسواق عن بكرة ابيها

كلٍ يريد ان يتبضع ويشتري لأبنائه و لأهل بيته ملابس العيد ...

لا افهم لماذا البعض وخصوصا القادرين ماديا والغير معتمدين على الراتب الشهري ,

لماذا لايجهزون اغراضهم واولادهم من بدري وقبل ان تتكدس الأسواق بالزحام ..؟!



ياويلي ويلاه ... ياطر جيبي طرّاه ...!

صرخه من إمراه , تلطم على صدرها تاره , وتاره تضع يديها على وجهها ,

صرخه من ام , تبحث عن ابنها بعد ان ضاع وسط زحام السوق الشعبي الممتلىء بالزبائن والمتسوقين ...


بعض اولياء الأمور يأتون إلى الأسواق وفي عز الزحام ومعهم طابور من الأولاد والبنات الصغار ...!

ألا يمكن للوالدين اختيار الوقت والمكان المناسب للتسوق حفاظا على اطفالهم من الضياع ...؟؟

كذلك أليس من المفترض على الوالدين الخروج لوحدهم للتسوق و وضع ابنائهم وبناتهم لمن يثقون و يعتني بهم ...؟


__________

تقديري للكل .

[هادي الطبع]

اقتباس:  المشاركة الأصلية كتبت بواسطة for you     اخواني , أخواتي , منتسبي ومتصفحي منتديات بريده أسعد الله اوقات الجميع بكل خير ... _______________ في هذه الأيام من اواخر شهر رمضان تمتلىء الأسواق عن بكرة ابيها كلٍ يريد ان يتبضع ويشتري لأبنائه و لأهل بيته ملابس العيد ... لا افهم لماذا البعض وخصوصا القادرين ماديا والغير معتمدين على الراتب الشهري , لماذا لايجهزون اغراضهم واولادهم من بدري وقبل ان تتكدس الأسواق بالزحام ..؟! ياويلي ويلاه ... ياطر جيبي طرّاه ...! صرخه من إمراه , تلطم على صدرها تاره , وتاره تضع يديها على وجهها , صرخه من ام , تبحث عن ابنها بعد ان ضاع وسط زحام السوق الشعبي الممتلىء بالزبائن والمتسوقين ... بعض اولياء الأمور يأتون إلى الأسواق وفي عز الزحام ومعهم طابور من الأولاد والبنات الصغار ...! ألا يمكن للوالدين اختيار الوقت والمكان المناسب للتسوق حفاظا على اطفالهم من الضياع ...؟؟ كذلك أليس من المفترض على الوالدين الخروج لوحدهم للتسوق و وضع ابنائهم وبناتهم لمن يثقون و يعتني بهم ...؟ __________ تقديري للكل .

مشكلاتنا في الحريم هذا الموديل انتهى لازم اشوف غيره وبنسبه لرجال ثيابهم وشمغتهم وحده لذلك نواجه من ناسئنا ومديلاتهن الي ماتقضي ابد

[ابو هليل]

for you


هذه المشكلة منتشرة في مجتمعنا وكأن بعض الآباء لا يجدون لأبنائهم مكان يتنزهزون فيه غير السوق
نتمنى أن نجد حلا لهذه المشكلة ............ مع إني لا أتوقع .....!!!

[شمس الرياض]

الاخ الكريم فور يو

هي كذا صارت طبع مايشترون ويجهزون للمدارس الا قبل الدراسه بيوم

ولا اغراض ارمضان الا ليلة رمضان

ولا ملابس العيد الا قبلها بيوم ولا كم يوم تعال شوف الزحمه في الرياض

وشوف الشوارع الحين تطلع مشوار

ترجع متضايق من الزحمه

يافور يو حتى الصرفات في ليلة العيد تتعطل والسبب معروف

مااقول الا الله يكون بالعون وشوية وعي يامجتمع تتعدل امور كثيره

تحياتي فور يو

[سامي]

بعض الرجال يتميهن ولا يتفرغ وينتبة ويطلُب من أهل بيته الطلعة" هاه قبل الزحمة " لأن طلعة السوق والمقاضي و " الترجيع" فيه لا محالة..
و
هناك من أصحاب المحلات الله يهديهم يستغل تلك العشر برفع السعر,,,وإن اتيت قبل الزحمة

بالعشر الأوائل لا تجد ما هو جديد ..

يعني مغبونين وملزومين بكلا الحالتين والله يكون بالعون.

دمت بحفظ من الله اخي فور لنا.

[فور يو]

الأخ العزيز هادي الطبع

اذا كانت المره ( بعضهن ) تبغي كل شي واي شي وفي اي وقت , لازم يكون الرجال مو رخمه ويوافقها ,

وعلى كل طلب يقول سمي ...!

يجب عليه ان لايشد ولا يرخي ...

بمعنى

لايشد الحبل فينقطع . ولايرخيه فينعوج ...

شرفتني بمرورك الكريم ... لا عدمتك ...

باقة ورد


_____________


الأخ العزيز ابو هليل

للأسف الشديد بعض اولياء الأمور عند ذاهبهم للسوق فاكرين انهم مودين عيالهم للملاهي ...

مشاهد كثيره غير مؤدبه من الأطفال في الأسواق ...

و الأدهى و الأمر بعضهم ايضا فاكرين انهم في مطعم , تجد بعض الأطفال وقليل من الفتيات والشباب

في المحلات اللي معاه عصير واللي معاه كوفي . واللي معاه ساندويش ..!!

مرورك اسعدني , شرفتني كثيرا به ... دُمت بنقاء ...


باقة ورد


____________


الأخت الفاضله شمس الرياض

ما تفضلتِ به صحيح للأسف الشديد , في الأوقات الحرجه وفي عز الذروه يتذكرون ...!

التوعيه والوعي مطلوب , والتنظيم مهم لتيسير الأمور ...

اكرمتيني بمرورك , زادك الله من فضله وكرمه ...


____________

الأخ العزيز ابوضيف88


صدقت اخي الكريم هُناك من اصحاب المحلات من يستغل الفرصه ويرفع السعر , وفي وقت الزحمه والمحل ممتلىء

عند مخاطبته للزيون كأن حال لسانه يقول تبي والا ضف وجهك ..؟ و اذا مو عاجبك السعر المحلات على قفى من يشيل ..!

السؤال

لماذا يعرض البعض انفسهم لمثل هذا الموقف ..؟؟

ابوضيف 88

أسرتني بتواصلك وحُسن مفرداتك مع مواضيعي ... كل الشكر على اطلالتك الجميله ...


باقة ورد

[الذاهبة]

هههههههههههههههههه

العنوان حلو ..

[عبدالله الحلوه]

اخي العزيز فور يو


ذكرتني بما يحدث لحظة رؤيتنا لحادث سير


نشاهد الحادث ونتألم لكن بمجرد مفارقتنا للموقع ننسى مارأينا ولانتعظ ونعود للسرعه


اجزم بأن تلك المرأه كانت امام ناظر اكثر من ام تجرجر اطفالها لكن هل فكرت احداهن ان من الممكن ان تكون مكانها


تقبل تحياتي ,,,

[روح مرتاحه]

الحمدلله اول اسبوع من رمضان وانا مخلصه كل اغراضي

[العندليب]

أخي العزيز فو ر يو >>

لا أخفيكــ أني دائماً أطالب الأهل بسرعة الذهاب للسوق وخاصة قبل دخول العشر الأواخر !!

ولكن حجتهم (( أن الجديد بقرب العيد )) .. المشكلة أنه يتأزم الموقف عند دخولنا مساءً وما تدري هل تبحث عن موقف أو تنظر لمن وقف وعطل حركة السير ..

عشان كذا اليوم اللي يقولون نبي السوق من الظهر ما تسمع إلا (( التنهد )) <== قوووه زمل

لكن وش نسوي كل شئ لفرحتهم .. بس ماش لو يخلونها بدري شوي <==

[Queen of buraydh]

صحيح كلامك .. اصلاا ليه الحرمه او الرجل ياخذ اطفاله معاه ؟؟

السوق مو للأطفال .. وشي طبيعي انو بيضيعون .. اكيد الحرمه بتلتهي وبتجلس تدورلها على اغراضها وبتنسى الطفل ..

اكبر غلط ان الاطفال يروحون السوق ..



وليته على كذا وبس


شوف الرجال اللي يزاحمون الحريم في السوق

صدق ما يستحون


المحل متروس حريم تلاقيه داخل مع زوجته ويزاحم الحريم .. والله عييييييييييييب عليك


يعني اش فيها اذا وقفت عند باب المحل واستنيت زوجتك لحد ما تخلص وتطلع لك ؟



والله هذي مشكله نعاني منها احنا يالحريم

+++++


يعطيك العافيه فور يو ..

[نـدى الـورد]

هذا ثاني موضوع لك يافور يوو ...خاص باحداث السوق


ويش سالفتك ...لايكون معسكر هناك؟





















.

[سيدة الحور]

ولله الحمد لي تقريبا ست سنوات ما ادخل السوق في رمضان اشتري قبل

يدخل رمضان بسبوع وذلك بسبب موقف حصل لي بعدها حلفت ما اطب السوق

برمضان::::::::::::مشكور اخوي على إيثارت الموضوع

[فور يو]

الذاهبه : شكرا لمرورك .

________

الأخ العزيز عبدالله الحلوه

صحيح , المرأه التي اضاعة ولدها تلطم على صدرها وحولها العشرات من النساء والأطفال في السوق ...

من لم يتعظ بغيره ندم ...

شكرا لمرورك الكريم .

_____________

الأخت روح مرتاحه

هذا هوا الصحيح , في بدايه رمضان التسوق بهدوء وبلا زحمه وعلى رواق ...

شكرا لمروركِ الكريم .

____________

الأخ العزيز العندليب

لا اعتقد بأن الجديد كله في اواخر رمضان , لي صديق صاحب محل جاهز سألته ذات يوم وقلت هل صحيح انكم ما تنزلون الجديد الا من عشرين رمضان وطالع ؟

اجاب وقال : هذا غير صحيح , اغلب محلات الجاهز يقسمون بضاعة العيد الى اربعة دفعات في نزولها للمحل

الدفعه الأولى : 5 رمضان

الثانيه 10 رمضان

الثالثه 15 رمضان

الرابعه و الأخيره 20 رمضان ... واضاف الأخيره تكون الكميه اكبر من الدفعات الثلاث ...

شاكر لك مرورك الكريم .

__________

الأخت ماهزتني الفرقا

الأطفال لايبنبغى لهم الذهاب للسوق وخصوصا وقت الزحام والمواسم ,

كذلك الرجال لا ينبغى مزاحمتهم للنساء في المحلات ...

___________

الأخت سكون الليل

معسكر هناك لظروف العمل ...

شكرا لمروركِ الكريم .

_____________

الأخت سيدة الحور

انتِ الربحانه , وشوله الزحمه و وجع الراس بالأسواق في ليالي رمضان ...

شاكر لكِ مرورك الكريم .

[خـــــــــــــــالـــــــــد]

اخي for you

ببساطه ..


لاننا شعب فوضوي لانعترف بترتيب الالولويات و لاتنظيم اعمالنا