يدخل عليها وابوها يدري ؟؟؟؟

[راعي الاوله]

السلام عليكم ....

مسيكم بالخير جميعا ..

ادري ان العنوان قوي بس حبيت اشد انتباهك عشان صراحه ودي اعرف رايك ...

نا انسان متزوج مسيار .. يعني متزوج وحده وهي في بيت ابوها اجي اشوفها من وقت لوقت ونكون مبسوطين ليله ولا ليلتين في الاسبوع والوجه من الوجه ابيض ليومين ولا ثلاثه ايام ولا اسبوع .. وهي في بيت ابوها زي ماقلت بس عندنا جناحنا الخاص اذا جيت عندها .. صراحه مع اني الحين متزوج لي 4 شهور بس احس انها قويه اخش والقا ابوها واخوتها بالصاله جالسين اسلم وانا ماشي راقي لغرفتنا ... المهم اننا اتفقنا ان مالي خص بمصارفيها وهذا مو بخل بس هي مو محتاجه واساس فكره المسيار هو عدم تحمل المصاريف.. بس ماقصر معهم يعني ما تصير يدي فاضيه اذا جيت عندهم ...

صراحه انا مرتاح بهالزواج وهي ايضا مرتاحه وسعيده معي .. يعني صراحه مبسوطه وتقول الله لايغير علينا .. بس بديت احس انها ودها تبوح بحبها لي بالفتره الاخيره .. حسيت تصرفاتها صارت اكثر لطف . حتى لمستها صارت غير.. اظن انها خايفه ادري اني احبها عشان ماتحس انها تظغط علي بالعلاقه. وانا ودي اقولها عادي ترا لو تبوحين بحبك لي بس اخاف افتح باب انا في غنى عنه .. يعني اخاف تقول خل نسكن لحالنا ولا ابي عيال ولا ابي حياة زوجيه كامله ..

طبعا للحين عادي ... طيب انزل تحت
:
:
:
:
:
:
:
:
:
:
:
:
:
:
:
:
:
:
:
:
:

الحين ؟؟؟؟؟ وش رايك ؟؟ وش حسيت جوا نفسك .. وش دار بعقلك من افكار .. وش كانت نظرتك للموضوع ؟

طبعا انا لاني متزوج لا مسيار ولا غيره . عزوبي وافتخر <---- يعني يقاله ماهمه بطل .... المهم انا كتبت هالموضوع عشان سوال واحد بس وهو وش نظرتك لزواج المسيار ؟؟ وش تنظر للشخص اللي متزوج مسيار ؟؟ سواء كان اخوك خالك خويك وايضا البنت وش تنظر للموضوع اذا كانت اختها عمتها ولا صاحبتها ؟
كنت اقدر ادخل بالسوال علطول بدون تأليف سالفه ..... انا كتبت هالبدايه بس حبيت اخلي اللي يقرا يدخل جوا مع السالفه عشان يكتب وش الاحساس اللي حسه وهو يقرا ؟ يعني هل شاف الموضوع صح ولا غلط...
ياريت اسمع رايك ورايك يهمنا مهما كانت نظرتك للموضوع ؟ وخلك على راحتك وقل رايك وانت مرتاح ...

معذره على فبركة السالفه اول شي.. بس حبيت تعيش السالفه كانها حقيقه عشان تقول وش تحس فيه

بمان الله

[الكبري]

[align=center]في البداية أسلوبك جيد وممتع ،،،

أما زواج المسيار فرأيي به من خلال نظرة عقلي فقط وتصوره اجتماعياَ نفسياَ زواج قبيح إلا للضروره ،،،

إذا كانت الفتاة مضطرة فالضرورة قد تبيح المحرمات ،،

أما من تتزوج مسيار إذعان منها لعدم النصيب ،،،

فمن تزوجها عليه وزرها ،،،

وفي ضني أن اكثر من يتزوج مسيار من الرجال لغير حاجة الفتاة يعني أن الفتاة ليسة مظطرة للزواج مسيار

فهو رجل في نظري قاصر الرجولة ،، وفيه من النذالة ما فيه ،،،

ولعلنا نفهم أن الزواج مودة وسكناَ وليس جنساَ ومكراَ واستغلالاَ ،،،

أما من ناحية شرعيته فهو زواج شرعي أما من الناحية الإجتماعية فهو مرفوض ،،

وربما جوهر القواعد الإجتماعية الإسلامية قاعدة ماترضاه لنفسك وأهلك هو ما يرضاه الناس لأنفسهم وأهلهم ،،،

فمن يرضى لأخواته وبناته الزواج مسيار فليتزوج مسيار ،،،


تحياتي [/align]

[:: ابعـاد ::]

زواج المسيار

سلب حقوق وإذلا زوجــهـ

وهدر كرامــهـ / مجتمعيا مروض جملة وتفصيلا

اعرف واحده متزوجــهـ مسيار هي مسكينه مضطره

اما هو فلاااااااا ويعاملها معاملة البهائم ولايريد منها قولا

واشترط عليها عدم الإنجاب بتاتا فحملت رغما عنها فأقام الدنيا ولم يقعدهـــا !!!!!!!!!!!


ان هذا لشيء عجــــــــــاب !!

[مباشر]

((( زواج المسيار ))) يذكرني بالعصر الجاهلي ؟؟

[هادي الطبع]

زواج المسيار للمحتاجات من العانسات لانه امر ضروري لها ولاتطيح في حرام

[قصيميه ولي الفخر]

زواج المسيار بنظري خطاء
وش فرق زواج المسيار عن الزواج العرفي والفرندز والا السياحي في بعض الدول؟؟؟؟
احس ان الرجل الي يتزوج مسيار ناقص رجوله
ممكن تكون البنت مضطره في بعض الحالات بس المسيار مو عذر.
بعدين تخيلوها يمر واحد قدامكم ويسلم ويدخل غرفة اختك ولا عمتك ولا خالتك<<والله شينه صراحه.
تسلم اخوي راعي الاوله ..

[alnesf1]

زواج المسيار كما يتحدث عنه الناس هو زواج شرعي يتميز عن الزواج العادي أن المرأة أو الزوجة فيه تتنازل عن بعض حقوقها على الزوج، مثل مثلاً أنها لا تطالبه بالنفقة، امرأة غنية أو موظفة أو غير ذلك مستورة وليست في حاجة إلى من ينفق عليها، تتنازل مثلاً عن المبيت الليلي، عن حقها في القسم إذا كان الرجل متزوجاً، والغالب أن زواج المسيار هذا يكون الزواج الثاني أو الثالث يعني لا أعرف من يتزوج للمرأة الأولي زواج المسيار هذا، هو نوع من تعدد الزوجات، فالمرأة الأصل في الإسلام أن من يتزوج علي امرأته لابد أن يعدل بين الاثنتين، (فإن خفتم ألا تعدلوا فواحدة) والعدل يُقصد به العدل في النفقة والمأكل والمشرب والكسوة والمبيت، إذا بات عند دي ليلة عند دي ليلة، إن بات عند دي أسبوع يبات عند دي أسبوع المرأة هذه تقول له أنا.. يعني لا أطالب بحقي في القسم العدل هي متنازلة، حسب ما يتيسر له وفق ظروفه هي قابلة لهذا، فأبرز ما في هذا الزواج أن المرأة بكامل حريتها واختيارها تتنازل عن بعض حقوقها، هذا هو الذي أفهمه مما يُسمي زواج المسيار، ولا أعرف ما معني المسيار، يعني المسيار دول يعني سهي عليه كده يمر عليها

[الراي]

معليش ابقول شي لو زعلتو على ممكن انا لا اضاه لخواتي لكن اذا اني ابي المسيار اهم شي ان البنت و ابوها واخوانها راضين انا راضي ....مهو معناته اني ارضاها لخواتي .وتبون الصراحه بغيت اقول بالبدايه خلها لي (دام ان المسيار شرعي )