الله يا زحمة اعمار .. وش هــ البلد اللي مطفر بشعبه

[خالد الحربي]

اليوم الظهر جالس اتمشى انتظر متى يفتح تداول اعمار (( مانيب مثل المطافيق اللي يبيعون لا أشتريت من هالمخفات والفقراء واللي على باب الله )) ..

ناظرت الصرفات والبنوك لقيت أمه محمد واقفين طوابير وسروات ..

وما تسمعون إلا لعان وطعان بين خلق الله ..

كل البنوك بدون أستثناء كان الضغط عليها رهيييييييييييب لدرجة لا تصدق ..
سيارات مسكرة الشوارع .. كله عشان يبيع له كم سهم يجيبون له ألف ريال
وحريم جالسات على الأرصفة .. عشان يبيعن أسهمهن ..(( لا حول ولا قوة إلا بالله )) ..

قسم بالله صرنا مضحكة ومسخرة لخلق الله في بلاد ثانية ..

يعني تخيلوا قناة الجزيرة تبي تلقا لها مقطع فديو قسمن بالله ان تنشره وتوري العالم حالة الفقر اللي يعيش فيها المواطن السعودي الغلبان ****************

عشان ألف ريال يركض ليل نهار يسد جوع بطون عياله ...


حسبي الله على من كان السبب

[فنانه أم كلثوم]

قاضين مايلزم اكثر اللي جاين للبنوك نقزات من الصحراء او ماعندهم وضائف

[المستبدة]

ياخي ماشاهدت ليس دليلا على فقر او ان البلد وشعبة في حالة يرثى لها
ياخي الخلل فينا نحن وهو اللهث وراء اي شي حديد
نتيجة لقلة الوعي والتخلف وقلة التفكير
واللة لو اغدقت عليهم بكنوز الدنيا هذا هو تفكيرهم وديدنهم
اشكرك إقلاع كان بودي ان اضيف ولكن الوقت لايسمح لي
تقبل تحياتي

[فريـــد]

في كل دولة يوجد الغني والفقير .. والفقر ليس عيباً , والعيب يكون في التصرفات المخجلة ..

ولايضر السحاب نبح الكلاب ( لو نشرت الجزيرة أي مقطع مغرض عن السعودية ) لأننا اعتدنا منها ذلك بمناسبة وبدون مناسبة

شكراً أخي .

[مباشر]

أقول الى متى وأنتم راضين بالفقر . والله لو كاتبه الله عليكم ماقلنا شي لاكن ؟؟؟؟؟

[جوااااااااد]

احمد ربك يا اخي

الدوله فتحت لك ان واشكالك باب رزق

تشتري السهم (( اكتتاب )) بــ 10 ريالات

وتبيعة بعد اسبوعين بــ 50 ريال

والدوله ما قصرت معنا

[الذاهبة]

مرحبا إقلاع حتى الضياع .. المحترم

الحمد لله و الشكر على النعمة ..

ربي مغنينا و معافينا ..


لكن مشكلتنا ..

( عرب ) ..

و علامَ تدل كلمة ( عرب ) .. ؟!

يعني نظام .. ماكو ، دقة .. ماكو ، ترتيب .. ماكو ،

هدوء و روقان .. ماكو ، ذوق .. أكو ولا ماكو .. ؟

أعتقد .. ماكو !!





العيب يا استاذ اقلاع في المواطنين ..

مو في الحكومة ..

هذا بدال ما تدعي لهم .. اشتر بــ عشرة و بيع بــ خمس أضعاف على أقل تقدير .. !!



عندك يا سيدي الإمارات العربية المتحدة .. الشقيقة ..

و اعتقد ما تقدر تنفي أن ( الدراهم ) تكب على روسهم ( كب ) ..

و ما عندهم مواطنين ساكنين بالأجار .. مثلك

شفهم وقت الإكتتاب ..

أو البيع ..



زحمة و هيصة و طقاق ..

بعد حنا في نعمة ياربي لك الحمد .. السبل متوفرة و مستخدمين وسائل تقنية حديثة

صرافات و هاتف مصرفي و خدمات أونلاين

( صحيح إنها ما تشبك بس مشي حالك ) ..




تحية .. للإقلاع

[فور يو]

بعض الناس يبي الفلوس تجيه وهوا جالس في بيته من عير تعب ولا مشقه ...

أيام البذخ والترف و الإسراف والطفره انتهى الى غير رجعه ...

الفرص متوفره , من جد وجد , ومن زرع حصد ...

الحياة تبي تعب , تبي بذل , تبي عطاء , حتى يحصل الإنسان على لقمة العيش ...

يجب ان يكون الإنسان منتج يكد ويتعب حتى يحصل على مايريد , ولا يجلس في يته ويمد رجلينه ويقول

نحن اغنى دوله نفطيه لازم اكون غني من غير تعب ...

[أنوار المدينة]

[align=center]

اقتباس:  المشاركة الأصلية كتبت بواسطة الذاهبة     عندك يا سيدي الإمارات العربية المتحدة .. الشقيقة .. و اعتقد ما تقدر تنفي أن ( الدراهم ) تكب على روسهم ( كب ) .. و ما عندهم مواطنين ساكنين بالأجار .. مثلك شفهم وقت الإكتتاب .. أو البيع .. زحمة و هيصة و طقاق ..

ملاحظه : الدراهم ما تنكب على روسنا كب حالنا من حال الجميع

تعرفين جملتج ذكرتني بنظرة الأجانب لنا ( يحسبون أنا نعيش في خيمة و عدالنا بير نفط )

إن ما سعينا في رزقنا ما راح نحصل دراهم

و على فكرة وقت الإكتتاب مش الموجودين بس المواطنين الإماراتيين بالعكس أكثرهم من دول الخليج المجاورة و الوافدين

بعدين الخدمات متوفرة عن طريق الهاتف أو الانترنت نقدر نصرف أمورنا في الأسهم


شو دراج أن ما في مواطنين ساكنين بالأجار ؟

وحدة من الأهل ساكنه بالإيجار هيه وزوجها و عيالها

شكرا جزيلا[/align]

[سامي]

اقتباس: أقول الى متى وأنتم راضين بالفقر . والله لو كاتبه الله عليكم ماقلنا شي لاكن ؟؟؟؟؟

اخي الحبيب...

كلمة لا تلقي لها بال تحرمك وتفسد عليك دنياك و آخرتك..." اللهم لا اعتراض""

ــــــــــــــــــــــ

سنة الله في خلقة... لو لم يكن هناك فقير و غني لم نجد من تتصدق عليه " الصدقة" ماهو فضلها..!!..

احمد الله يزيدك من فضله...

[الذاهبة]

مرحبا أنوار المدينة ..

كنت متوقعة حضورك .. حياك حبيبتي ..

و هذا دورك يا غاليتي .. إن غلطنا .. عدلي لنا ..




بالنسبة لشعب الإمارات و الكويت ..

اللهم لا حسد

شعوب مرفهة و غنية ..

و أحسن حال مادي .. من شعبنا الأبيّ ..

لان تعدادهم قليل .. و مساحاتهم صغيرة ..


حبيبتي أنا ما سويت بحث و لا دراسات ميدانية ..

ولا أنسب هذي المعلومات لي ..

لكن هذا شي معروف ..

حتى رواتبكم اعلى من رواتبنا ..

و الله يهنيكم ..

..


بالنسبة للإكتتابات ..

كنا العام الماضي .. في الإمارات .. و أخبرني زوجي عن طريقة بيع الأسهم عندكم

لازم ينزل للفرع عشان يبيع ..

ترى هذا العام الماضي .. مادريت أنهم حدثوا الوضع هذي السنة ..

مع أن عندكم ( مدن كاملة للإتصالات و الأنترنت ) .. و قديمة بعد !


..


بالنسبة للاجار ..

أذكر مرة كنت اتابع برنامج .. على أيام والدكم الشيخ زايد الله يرحمه ..

كان يتكلم في امور كثير ..

و فجأة رد على أحد المتسائلين .. و الله ما نسيت كلامه :

يقول (( فيه أحد مستأجر في ديرته .. ؟! ))

عاد ما أذكر الباقي ..

المهم أنتم كويسين مرة






أنوار المدينة الكريمة ..

من دواعي سرورنا و فخرنا .. أن تشاركينا الحوار في المنتدى ..

و تكشفي الحقائق كونك انت المصدر الأقرب .. و الأصح ..


تحياتي ..

[هادي الطبع]

يابن الحلال مو فقر بل شفحه انتم نسيتوا يوم اكتتاب الي في الامارات وش صارت الامارات ذاك الوقت كلهم سعوديين
وحجز ياكافي
تقل والله الدنيا تبي تطير

[خالد الحربي]

يا جماعة الخير ..

اللي يقول أن الفقر سنة الله في أرضه وعباده .. أقوله صح ..

بسسسسسسسسسسسسسس لو كانت الأرض فقيرة

بس السعودية دولة من أغنى دول العالم ..

سواء من حيث الدخل القومي (( ما أقول الدخل الفردي ))

صح أن الإمارات والكويت .. صغيرة الحجم والسكان .. بس دخلها أقل بنسبة 60 % من دخل السعودية .

وعندهم تضخم .. وعندهم عجز في الموازنات .. بس بكل تاكيد ما ينعكس على المواطن .

مثل ما ينعكس علينا ..

تدرون ليه ؟

لأن عندهم قانون أسمه قانون المحاسبة

انا أذكر مرتن من المرات ان الكويت حاولت تشري صفقة أسلحة ..
قبوا في وجه الحكومة مجلس الأمة ورفض هالصفقة

حنا نقدر نسوي مثلهم ؟

هه يا حسرة يا ويل اللي يفك فمه

الحاير منه أقرب من حبل الوريد


واللي يقول أن اغلب اللي على الصرافات والبنوك هم من البدو او اللي ماعندهم وظايف

أقوله كيف الحال بس ..

اليوم تغيب عن الدوام أو خرج أثناء الدوام بس ..
أكثر من 400 ألف موظف .. سواء حكومي أو خاص ..
هذولا بعد ما يشتغلون

وش حاد الموظف يسوي كذا ؟

ماهو الأقساط والديون اللي راكبه فوق راسه عشان يعيش عياله ..
وراتبه يالله يكفيه لنص الشهر وزين ان كفاه لنص الشهر ..

(( خدعوهم فقالوا 15% زيادة .. زيادة احسن عشان اخشن ))

هالمشافيح اللي تقول عنهم هم اللي ذابحهم الفقر .. يبون يحسنون دخلهم .. وش يسوون .. غصب
الأقساط وذبحتهم .. والأسهم لعبوا عليهم فيها ..سرقوهم ونهبوهم .. وتركوهم .

وفعلا كان أكتتاب دانة الغاز فضيحة بكل المقاييس لدولة السعودية ..

العالم كلها شافت تهافت السعوديين على أسواق الخليج ..عشان ريال واحد ..

وهذا دليل أكبر وأشمل أن الدولة تسعى بكل طاقاتها ..لأفقار المواطن الغلبان بكل السبل الممكن

(( المثل يقول جوع كلبك يتبعك ويعطك الولاء وصك البراء ))

جواااد يا اخوي ما أبي شي من هالدولة لو يعطوني شي ماهوب لي ما اخذته ..

انا بس ابيهم يعطوني حقي بس .. أصلا ماعمري اخذت ريال واحد من هالدولة

تدري أن اطالب الراجحي بــ 3800000 ريال .. ثلاثة مليون وثمانمية ألف ريال .. لها اكثر من عشر سنوات
والدولة اجلها الله ماهيب راضية تلزم سليمان الراجحي بالسداد

واناما اطالب إلا عشان هالمواطن الفقير المسكين .. حالة تكسر الخاطر ..

قسمن بالله لو هالدخل في دولة ثانية نقول مصر مثلا ..
كان شايفهم عايشين بحاله أفضل من الحال اللي حنا فيها ..

الذاهبة ..

بالنسبة للامارات .. حرام وظلم انا نقارنهم فينا ..
أصلا مافيه وجه للمقارنه وظلم مجحف بحق الإمارات إذا قارنا الإمارات فينا ..
أصلا المقارنة تعتبر سب لشيخ زايد الله يرحمه ..

الإماراتي اللي ماعنده بيت الدولة تدفع عنه الأجار إذا كان موظف عندها وش بلاتس انت ؟

بعدين هناك قانون فيدرالي لكل إمارة مستقل عن الإمارة الثانية .. ماعندهم هدر للاموال أو نهب المواطن .. بأسم التبرع للبنان مسلا مسلا .. أو صفقة أو صفعة أسلحة مسلا مسلا

الله يرحم الشيخ زايد جعل المواطن الإماراتي يفخر ويتعز بحكومته ودولته .. لأنها فعلا حكومة تستحق كل الشكر والثناء .. (( أحد عنده جنسية إماراتية تكفون ))


for you
أجل تقول ماأحدن جايته الفلوس وهو نايم

يا اخي كل الناس تكفر ويلعن جدفها بالكرف وآخرتها أسعار مرتفعة ورواتب قليلة (( خدعونا بقولهم تخفيض البنزين )) ماهي مكرمة

[فور يو]

اقتباس:  المشاركة الأصلية كتبت بواسطة اقلاع حـتى الضياع     ماهو الأقساط والديون اللي راكبه فوق راسه عشان يعيش عياله .. وراتبه يالله يكفيه لنص الشهر وزين ان كفاه لنص الشهر ..

الـــ (( بعض )) من الناس وشوله ما يمد رجله على قدر الحافه ..!

تجد هؤلاء البعض يشتري سياره فاخره آخر موديل اقساط وراتبه لا يتجاوز 5000 ريال ..!

يا اخي اشتر سياره معقوله على قد حالك ولا تركب نفسك اقساط ...

كذلك يا اخي افرش بيتك اثاث معقول على قد حالك ولا تركب نفسك ديون ...

كذلك تجد لدى هؤلاء البعض

جوالين وزوجته جوالين وبنته جوال وابنه جوال وخادمه وسواق ...!!

وشوله الفشخره وهو مايقدر عليها ..!!

كل انسان لابد ان يعيش على حسب الدخل اللي عنده , لا يسوي نفسه من النوع المليان ومن الداخل فارغ ...

لا يسمع كلام المره ليه فلانه وعلانه عندهم كذا وكذا وحنا لا ..


و لا يسمع كلام البنت والا الولد ليه بنت عمي والا بنت خالي معها كذا وعندها كذا , كذلك الولد نفس الشي ...

ليه الواحد اللي على قد حاله يركب على نفسه ديون و اقساط ممكن يتلافاها ويرضى باللي قاسمه له الله ويعيش على قده ...

متى يعي هؤلاء البعض ان

القناعه كنز لا يفنى ...

[المتزن]

شف وانا اخوك :

شعب متخلف يقابله استغلال بنوك وسكوت مسؤولين !!


اللي شاف التزاحم والهواش عند الصرافات أمس يقول إن هذا الشعب إما متخلف أو ما شاف عيشة أو كل الثنتين ( وهي الحروة ) !!!!

عاد رح اليوم الأحد وشف الصرافات .. ما عندهن أحد !!!!!!

وراااااااااه ؟؟؟؟؟؟؟؟؟؟؟؟!!!!!!!!!!!

وين الفقارى ووين المحتاجين ؟؟؟!!!

المشكلة بصراحة مهيب بالمحتاجين - وهم كثير - , المشكلة بالدمايج اللي تنقط دلاخة ..

والا وش اللي حادكم تتهاوشون عند الصرافات للبيع وانتم تدرون إن تدافعكم هذا للبيع هو اللي ينزل قيمة السهم ؟؟؟؟!!!!


شكراً لك أخي إقلاع ,,



وتقبل تحياتي 00
المتزن