التمر السكري هل هو لحم حاشي !! ....... إذن ما يفطر ( و عندك واحد شاي و صلحوه ) ....

[د . سداح]

[align=center]




نفتتح الموضوع بالإبتسامه العريضه المذكورة أعلاه ... علشان نلطف الجو المكهرب ..

بتيار 220 فولت >>> ما ودنا نتعمق حتى ما يتحول الموضوع لطقاق و نسب و حسب ...

و ليالي متنيله بـــ 62 نيله ..

الحمد لله رب العالمين .. و الصلاة و السلام على أشرف الأنبياء و المرسلين ..

نبينا و حبيبنا محمد عليه أفضل الصلاة و أتم التسليم ...

عاد مفطرين هالحزه و ناوين نعطيكم كم شلخه عساها تكون قد المقام ...

حبايبنا المشاهدين مثل ما أنتم عارفين دائماً العنوان ما يقرب للموضوع ...

بس تقدرون تقولون جيران أخوان من الرضاعه زملاء عمل إصابة عمل >>>> بدينا بالشلخات

شباب أنا حبيت أتطرق >>>> ترى متعوب على هالكلمة و حقوق اللطش مسروقه

لموضوع هام و حساس و ما يفيد معاه معجون سونسوداين حق الأسنان الحساسه اللي غثونا فيه القنوات

الفضائيه المتعددة الخرابيط و المتغيرة الشواهد >>>> يا شيني لا تحمست ما أرحم

الموضوع هو صلة الرحم و خصوصن في هذا الشهر الفضيل شهر رمضان المبارك ....

يا جماعه وش فينا كذا الواحد ما يعرف أهله إلا بهالشهر

( من زينك حتى خالتك هيله ما تشوفه إلا بالعيد )

خلونا من خالتي هيله و نرجع حق محور حديثنا ....

بصراحه أنا مقصر ... و إذا سلمت على عمي يقووووول وش إسمك الحزه >>> قاهرني

ايه يا ما في الحبس مظاليم .. و ياما نطلنا فش فاش من البنغالي يالله لا تعاقبنا ...

أنا أقول يا شباب الله الله بصلة الرحم .. و لا تصيرون مثل بعض ناس >>>> يقاله مسوي تشويق

و اللي تسويه في أهلك بيسووونه عيالك فيك ...

و تذكرون كلامي .. و بتقولون قالها ولد سادس ج أبو ضروس فسفوريه




آسفين على كثرة الهرج و بس حبينا نشارك في خضم هذا المنتدى

( ما تلاحظون إني صاير حريف بالحتسي )



[glow1=000000]( سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ )[/glow1]

** نستقبل تبرعاتكم من الشوربه إلى السمبوسه ولا تهون إختنا لقيمات **

* على العنوان التالي *

++ الرياض طريق الملك فهد برج الفيصليه الطابق 25 شقه رقم 33 خلف محطة البنزين ++

من الساعة 4 العصر إلى 4و خمس دقايق و لا ترن الجرس الله لا يهينك ترى عندنا بزارين زين إن ردينا عليك ..





تقبلوا تحياتي ...

أقووووى عريف بالعالم ....



سداح بن سادس ج ...



[blink]و القاااااااادم مذهل أكثرررررر [/blink][/align]