البارحه كلم حبيبي وفزيت
من عز نومي قمت مدري بحالي
قال انت وينك قلت نايم وبالبيت
لاكن خيالك عايشن في خيالي
في قومتي في جلستي ما تهنيت
إلا معك يا نور كل الليالي
شفت البشر كل البشر يوم لي جيت
ما اشوفهم دامك وحيدن ببالي
قالت أنا من يوم روحت و اقفيت
عرفت كيف انك عزيزن وغالي
لاكن أقول إن كنت رجلن ولك صيت
أرجوك لا تقطع رجاك بوصالي
تعال تكفى والله اليوم مليت
ادخل وخربها ترى الصبر طالي
قلت اصبري والحي أبقى من الميت
والنجم لو ينزل مكانه بعالي
ودي و ودي بس مهما تمنيت
أخاف من قولن بعرضك يقالي
لا تحسبين اني تركت وتخليت
والله ماني عن وصالك بسالي
يا ليت كلمة ليت يا ليت ياليت
تنفع واقول اليوم عندي تعالي
إن الّذين يتلون كتاب الله وأقاموا الصلاة وأنفقوا مما رزقناهم سراً وعلانيةً
العرض العادي
