خااااااااااص لرجال؟؟؟؟؟؟؟؟؟

[نور الليالي]

[grade="00008B FF6347 008000 4B0082"]

الفكره الاولى:


طبعا هي بتموت عشان تعرف انت وشو راح تهديها وكل ساعة تبغي تضرب لك خشات ونغزات عشان تذكرك بالمناسبة بس انت يا ابو الشباب اعمل نفسك ولا تدري بالسالفة ومطنش حدك وقول لها بوديش اليوم بيت اختي او بيت امي ودهم يشوفونك ؟؟؟ وانت روح بيتكم وزينه بالبالونات والشموع والزين .........الخ ؟؟ ومحضر لها الهدية اللي خاطرها ونفسها فيها ؟؟ مثل عطر نظارة ساعة شئ ذهب خاتم اسواراة ؟؟؟ وطبعا لا تنسى تشتري العشاء الجاهز وانت بعد جهز روحك من لبسك وكشختك ؟؟ تمر عليها وتوديها البيت وتفاجأها بالحفلة الصغننونة اللي مسونها ؟؟؟<<< حركــات


الفكرة الثانية :


تقول لها يا ام فلان روحي هاتي الغرض الفلاني من السيارة بسرعة ضروري ؟؟ واعمل نفسك مشغول بشئ وما تقدر تروح تجيبه ؟؟ طبعا هي بتروح طوالي على السيارة بس انت بتكون محضر لها مفاجأة وردة حمراء ندية مع رسالة حب او شعر جميل ؟؟ تحطه لها فوق الغرض اللي طلبت منها اتجيبه ؟؟


الفكرة الثالثة :


لما تعزم اصحابك مثلا للبيت وتكون زوجتك تاعبه نفسها بالطباخ وما خلت طبخة الا وسوتها ؟؟؟ وحتى لو كان قدوع بسيط ؟؟
بعد ما تودي الاكل للمجلس والجماعة يخلصون الاكل كله ويحشونه حش ؟؟ تروح لها تجيب الشاي وبعدين اتسوي لها بأصبع الابهام انتي جذي ؟؟ عرفتون الحركة ؟؟ عشان اتبين لها ان الاكل كان تمام وكل شئ كان مميز ولذيذ ولا تنسى طبعا كلامك ومدحك للأكل حتى لو كان مغبر ومالح وماله طعم ؟؟ تعرف ان التعب اللي تحس فيه كله بيروح من كلماتك اللي صارت مثل البلسم على قلبها ؟؟ايوة على الأقل راح ترفع من معنوياتها


الفكرة الرابعة :


لما انت تجي من العمل وهي تكون مشغولة بالطباخ وما تدري ؟؟ مو تقعد تصارخ يا فلانة وشو صار بالغداء استوى لو بعده ؟؟ وكأنك ملهوف ؟؟؟ ادخل بالعدال وبدون ما تحس فيك وروح لها المطبخ وفاجأها وضمها اليك ؟؟ وقول لها طبعا من بعض الكلام الحلو وانك مشتاق لها وطوال عملك كنت تفكر فيها؟؟ وحتى لو كانت ريحتها ثوم وبصل لما اتشوف منك هالحركة بسرعة بتخلص الطباخ وبتعدل روحها وتسنع حالها ؟؟


الفكرة الخامسة :


طبعا يوم الاجازة الزوجة محتاجة للتغيير والطلعات والروحات بس في رجال ما يودو زوجاتهم الا بالحنة والزن على دماغهم يالله يرضون ؟؟ بس انت عاد لازم تصير هالمرة غير تقولها جهزي نفسك بنروح بيت واحد صديقي ؟؟ طبعا هي بتصدق ؟؟؟ وحاول في السيارة تكون الاجواء مختلفة تحط موسيقى وتقول لها كلام حلو عشان تحلو الطلعة ؟؟ بس المفاجأة انك ما بتوديها بيت صديقك لا بتوديها المكان اللي هي اتحب تروحه او مكان حلو ما راحته مثلا مطعم البحر الملاهي السينما تطالعون فيلم مجمع او أي مكان خاطرها تروحه ؟؟؟ والله انها بتسانس وما بتصدق؟




وتذكروا يا اخواني ان زوجاتكم قلوبهم طيبة ويحبونكم بس محتاجين منكم اتحسسونهم بالحنان والحب وادلعونهم اشويه ؟؟ سمعتوو

والله يهنيكم مع بعض ويجعل المودة والرحمة تعشش بقلوبكم [/grade]

[الذاهبة]

اقتباس:  المشاركة الأصلية كتبت بواسطة نور الليالي     [grade="00008B FF6347 008000 4B0082"] ؟؟؟ وحتى لو كان قدوع بسيط ؟؟ [/grade]

هاهاهاهاهاهاهاها

قدوع !!

قدوع !!

الله يذكرك بالخير يا جدي

من وين طلعتها يا شيخ !!...!!



عموماً حلوة الأفكار .. تهبل مرة

بس المشكلة أنها خاص للرجال ..!

[مـر كـب الشـوق]

السلام عليكم
الموضوع حلو وكلامك مايقل حلاوة عن الموضوع
ولكن الطرف الثاني مشكله اشوي
يعني الدلع الزايد يخليها تشوف نفسه



هذا بنظري انا علما اني ماعندي خبر لسى على الزواج


وشكر