ربي رجلك واخوك و ابوك تعيشي حياتك

[**الهنوف**]

ربي رجلك واخوك و ابوك تعيشي حياتك



نبدا الموضوع


وندخل على طول لاني ودي اعطي البنات هالدرس الرائع المفيد وما كتبته الا عشان تستفيدون


اول شي اقولكم السالفه اللي منها استنجت الدرس<<<لا والله تكفين يا درس


المهم .....



في يوم من الايام (يوم الثلاثاء) وفي منطقة من المناطق(القصيم يا بعد اهلي ) وفي استراحة من الاستراحات(ما اذكر اسمها ) <<<<< اخلصي



كنا نسولف عادي وكان معنا مرت عمي توه ما تخرجت من الجامعه الغاليه ام الغالي <<<اخلصي وقولي ام زوزه

المهم <<<<يا كثر مهمك



كانت لا بسه كم جبونيز استغربت ما خبرت عمي يوافق على كذا كان دايم يشرشحني اذا لبست كم جوبنيز حتى يوم زواجه ما سلمت عليه عشان لا يشوف لبسي على انه عادي بس خفت والحين يوافق لمرته غرييييببه طبعا اختكم في الله شبت النار بصدرها تبي تعرف شلووووووون وافق لها <<<و الله من اللقافه

قلت : خاله**** ممكن اعرف شلون وافق لك صقيل (طنزة عمي من وراه) على هالكم
قالت: انا مسويه حرام
- لا بس غريبه
- قالت اصلا انا وياه من شهر العسل هواش على اللبس تذكرين يوم اول يوم اجي
- يوم بعد الزواج بـ 4 ايام؟
- ايه شفتي كنت لابسه جكيت صح
- ايه بس ترا كان كمك عادي
- عشان حظرت عمك حلف ما اطلع الا بجكيت عليه والا اغير اللبس وانا خبله استحيت ارد ولبست
- طيب والحين
- مره من المرات قبل لا اعرف اني حامل بيوم يعني بعد زواجي بـ9او 8 شهور كنت لابسه تنوره مدي حتى مب شانل قال ما في طلعه بهاللبس والله ياهو معقد وانقهرت منه همن رحت جبت له احكام اللباس وقلت له انا ماسويت شي حرام فرجاء لبسي لاتعلق عليه انا اعرف انا وش اسوي وهو صح او لا وانت اخذتني وعارف انا من اكون ووش اسوي لاتقعد تهذر علي كلام ماله داعي لاسرت اسوي شي حرام قلي واذا مو عاجبك زي مادخلنا بالمعروف نطلع بالمعروف مارح استحمل هالعيشه همن شوي ضحكت تصدقين حتى قدامه يقول لا تلبسين قصير عشان لا تتعودين
- من غير قطوعه لكلامك تراي اعرف صقيل اكيد اسكت تراه خواف شوي هههههه
- عاد من بكره رحت المستشفى وقالت الدكتوره اني بالثاني او الثالث وترا الرجال لو ما وقفتيه عند حده من اول مره صدقيني رح يتمادى ويحسب انك ضعيفه عشان كذا من اول مره وقفقيه عند حده عشان يحس انك قويه ولو انك ضعيفه ويبدا يحسب لك الف حساب وحساب واذا مب مصدقتني اقري بكتب التعامل مع الرجال والله حلوه يمشون لك زي المسطره بس مب عاد خاتم بيدك لانه مب حلو االرجال ماله شخصيه ولا له كلمه




بصراحه كلامها كان صح وعين العقل ادري الرجال يقولون غلط بس في يوم الجمعه اللي توها رايحه في منتدى الاستشارات بقناة المجد قال الضيف وهو متخصص في هذي القضايا نفس الكلام

[نعسانة]

صرااااحه روووعه .. لكن ما اقدر على ابوي .. اسويها انشاء الله اذا تزوجت <<< يالليل مطولك ..

يسلموووو والله صادقه مرة عمك ((( صقيل ))) خخخخخخخخخخخخخخخخخخخخخخخخخخخخخ

سلااااااااااموووووو.........

[متغربه]

يسلموووووووو

[**الهنوف**]

مشكووووووووووووووريييييييييييييييييييين على المرور

[**الهنوف**]

والله يا نعسانه حتى انا على ابوي ما اقدر


بس ما اخليه يشوفني اببببببببد الا الامني رجعت


بس والله لازم نقوي عيونا على الاب<<وااااااااااااااااضح علمي نفسك


بس بهالحالات الله يخلي ماما هي اللي تلف وتدور وتخليه ينسى


هههههههههههههههههههههههههههههههههههههههههههههه

[جلوي العتيبي]

الله يستر عليك من نصائح مرة عمك

الرجال ماله إلا سمع وطاعه يامال الصلاح


....

ماواجهته مرة عمك اختي الهنوف تواجه الكثير من المتزوجات حديثاً فالتفاهم بين الزوجين ضعيف

وبعض الرجال يحاول فرض شخصيته بطريقه خاطئه (أجل يقول ماتلبس قصير عنده علشان ماتتعود!!!!!!)

لكن مع التعامل الراقي وحسن التواصل تبداء الحياة الزوجيه في السير على الطريق الصحيح

بس انتبهي من لغة التهديد

لأني اشك إن مرة عمك قالت:

اقتباس: وانت اخذتني وعارف انا من اكون ووش اسوي لاتقعد تهذر علي كلام ماله داعي لاسرت اسوي شي حرام قلي واذا مو عاجبك زي مادخلنا بالمعروف نطلع بالمعروف مارح استحمل هالعيشه

لأن عنفوان الكرامه والرجوله يصل لأعلى مؤشر في هالحاله وممكن يقولها توكلي على الله !!

الله يوفق كل زوجين لحياة زوجيه هانئه

وإن شاء الله الرجال مايحتاجون تربيه من نوع خاص !

دمتي بعز

[**الهنوف**]

والله كلامها صح وعين الصح



وبعدين هي وش لها برجل يدبل كبدها على كل شي لا



باللي مايرده زي ماهو عنده عزة نفس هي بعد عندها عزة نفس والله يعجبه والا ما يعجبه



الله يخلي لكل بنت امها

[قصيمي مدني]

اشوف طالعن لكن قرون
ههههههههههههههه
الهنوف انتي مندفعة مرررة وشايلة بخاطرك
الدنيا فيها حلاوة ومرارة ودروس وعبر
الرجال المعقدين والحمدلله قليل احنا نقول الله يستر لايتعدون للحرام
انا اعترف انو فيه رجال يعقد زوجته عشان يوريها انو يفرض سيطرته هذولا حياتهم جحيم
وفيه زوجات ياخذهم العناد والكبرياء عشان تفرض سيطرتها وهذولا كمان حياتهم حجيم
يازين التفاهم من دون عنفوان
الرجل يحس ان اللي قدامه امرأة لها عقل واحاسيس ولها عاطفية ياخذها مما تحب وبالقناعة
وهي تحس انه هو القيم عليها وتعتز انو فيه رجل يغار عليها يحميها تلوذ به
وليعلما ان سعادتهما اذا اتفقوا على كل شي

اذكر قرأت نادرة في كتاب وهي
زوجان في بداية طريقهما في الحياة الزوجية قضم الزوج جزءا من تفاحة فأعطى الباقي زوجته فرفضت ان تأكل تدرون ليش؟؟ (ماتشتهيه)
قال الزوج هذا اولها انتي طالق ا.هـ

اعجبني كلام الزعيم بارك الله فيه ومتى ماصار فيها (مثل مادخلنابالمعروف نطلع بالمعروف..) اعرف الامور موليه من اولها


اشكر الهنوف على هذا الطرح المهم
واعذروني على وجهة نظري ودمتم

[أنوار المدينة]

[align=center]السلام عليكم و رحمة الله و بركاته


برايي الشخصي

من ناحيه اللبس : تلبس الزوجه يلي يعجب زوجها و يلي يرضيه أما برا البيت فالأفضل أنها تسمع كلامه في نوع اللبس طبعا اللي ما يخالف شرعنا..

أما البنت تتفاهم عااد مع أبوها أمها أخوها على اللبس و تتناقش معاهم إما يقنعونها و إما لا..... لأن بعض بنات هالزمن صارن يلبسن كل شيء
( القصير و بدون أكمام.... ) حتى في البيت ... لا حول ولا قوة إلا بالله

المهم أساس الموضوع

التفاهم و عدم الغضب على أمور بسيطه تنحل بدون مشاكل

وشكرا على الموضوع[/align]

[أ هـ م : 001]

ألف شكر على مرورك

[روح الصمـــــت]

يسلمووو هنوف على الموضوع الرائع ............
دمتي بسعادة ...

[بكلا صديقة حكلا]

انا رايي الشخصي اني اقنعه بالهداوه واذا ماقتنع الشكوا لله هذا بالنسبه للزوج
اما بابا الله يخليه لي <<<شايفه نفسي عمري 3سنوات على كلمة بابا هههههههه
عادي اصلا ماعمره قالي شي بالبس لانه يعتبر هذا الشي من مسؤلية الوالده الله يحفظها

[قصيمي مدني]

رايك حلو يابكلا

[iiigil]

مراحب

والله يالهنوف كلامك حلو وقصتك قويه مع اني من القصه استنتجت انك توك صغينوطه .....

ياعمري انتي لاتتخيلين ان اي رجال يعامل زوجته او بناته مثل اي انثى ثانيه اخته بنت اخوه عمته خالته ....

لا الزوجه والبنات بسم الله على قلوبهن,,,,,

لاكن برضو اهم درس في قصتك ان الوحده ماتتنازل عن اشياء بسبب الحياء في بدايه الحياه الزوجيه وتروح بعدين تحسر ,,,,,


لاكن ياعمري اللبس ابدا ماهوب مبادئ واساسيات عشان يتحكم في الحياة الزروجيه او يسبب فيها مشاكل ,,,,,

بصراحه انا قد طلق واحد اعرفه زوجته عشان طريقة لبسها وعبايتها واحتقررررررررررررته هو وياها ...معليش يعني الي يوصل او توصل سن الزواج ويتزوج لازم يكون اعقل مقاس يقدر عليه ....