كلنا نقرا ونكتب راح عصر الجاهليه
============= راح عصر الجاهلية وانتهض عصر الكتابه
ليتني في عصر قيس وعصر ليلى العامريه
===============كان لاحبيت ناس مايحسون ابغرابه
الوفا معدوم منهم والمشاعر سرمديه
================مايعرفون الغرام ومايعرفون الصبابه
اجذب الونات واجر اللحون السامرييه
================ واتفكر في زمان كله اوهام وكابه
واتهيض كل ماغنت بقربي راعبيه
================واتذكر كل هم عانق الصدر ولجابه
ياحسافه يازمان صار ضحك ومسرحيه
=============وينها سنين الرجال اللي لها قدر ومهابه
ناس تحفظ المراجل والديانة والوصيه
==============وناس اندثرت عوايدهم وكل صك بابه
والصديق اللي تحسب انه صديق انكر خويه
=============وكل ماجيته تشره قال من باب الدعابه
صار يكره جيتك له وانت تفرح في مجيه
==========للمصالح كل شخص قام هو يحسب حسابه
الاراصي والصحاري والدروب الجرهديه
==========ترتجي وصل المزون وترتجي وصل السحابه
يوم ساعدني زماني في هوى ذيك الصبيه
============قلت لاوالله تبسم عقب ماكشر بنابه
من قبيلة غيرلكن معتبرها اجنبيه
================كنها مني وفيني بيننا دم وقرابه
اشعر ان فيني عليها نار واشواق وحميه
==========واشعر انها حب غالي ماحد ايدنيس اترابه
احسب انها مثل طبعي واحسب انها عاطفيه
=============واحسب ان النوايا في عباد الله تشابه
اثرها تاخذ وتمشي ماتبي غير العطيه
=============استغلت طيب قلبي واذبحتني بالنهابه
جيتها بالطيب لكن جاتني بالعنجهيه
============وصارت قصور الوفا من فعلة ايديها خرابه
فسرتها ضعف مني واسرفت فيني الغبيه
===============ماتعرف ان التأني فن منفن الذيابه
النهاية صافحت كفي بحد الحضرميه
===========وتالي المعروف خنجر راح مع باقي نصابه
كل انسان بها الدنيا له ذنوب وخطيه
============سامح الله من تعلم مني افنون الذرابه
طبعها غير غلاها ولا حشاما هي رديه
=============كنها ذاك السؤال اللي بلا رد واجابه
لوعطتني من هواها وردتين نرجسيه
===============كان مايبكي غرام فاقد زهرة شبابه
وان لحقها ذنب مني يغفرالله للبريه
=============ويغفر الله ذنب حب مات ماكمل انصابه
شعر:حمد سعد العجمي
فـــــن الــــــذيــــــــــا بـــــــــــه!!
العرض الشجري