بسم الله الرحمن الرحيم
فيه سؤال يقرقع بقلبي من زماااااااااااااااااااااااااااااااااااااااااااااااا ااااااااان و ودي اعرف له إجابة
السؤال هو : ليه دايم يقولون عني منب صاحية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟<<<لاحضوا الف علامة استفهام
يا ناس قسم بالله طقت كبدي من كثر ما اسمع هالكلمة يعني أنا متى أصحى ؟؟؟؟؟
أصحى لا سرت نايمة ؟؟؟؟؟
كثير يقولون ايه صح اذا سرت نايمة أسير صاحيه
عاد فسروها
أما أهلي يقولون أبد
إني لا سرت نايمه ما يدرون انا نايمه ولا لا ..... لأني أنام وعيوني مفتوحة شوي <<<<نومة الاذكياء
مثلا بقولكم مواقف وانت احكموا
امس أبي أدخل أخوي المسبح وهو مايرضى الا اذا نزلت المسبح و انا ما اقدر وهو حكم قرقوش الا انزل معاه رفعت الجلابية ونزلت كرسي بالمسبح الصغير طبعا الحمدلله ما تنكشف عورتي لان سروالي برمودا <<<لا تصدقون تراه زي حق العجز القدامى
المهم ....
نزلت ودخلته و لو ادري لن وراي كوندليزا رايس(ماما ) كان ما دخلت بس العله
- الهوشه العاديه ليه نزلتيه
- ماما الحين انا المسكينه المظلومه اللي اضحي بنفسي وانزل وهو خطر علي<<<والله عشان التماسيح موجودين والا كان نزلتي ويسير اللي يسير
- اقول اطلغي بس الحين ........................<<<عادي كلام الظاهر متعودين عليه
- ماما بلا غباء انا مو كلي بلالماء بعدين شوفي الكرسي وبعد اذا مو عاجبك خوي علتك وفكيني انا وش لي بعيال ما جبتهم
- لا والله هذا اخوك
- اوكي مو مشكله بس لا تعاسريني اذا تبين حضرت الاخ ولدك وعلتي يستانس- اخذت نفس - مير احمدي ربك اللي نزلته والا طراش – اعزكم الله – (اخوي اللي يقاله كبير والاهو بزقه ماتم الـ20) اللي مب هامه غير نفسه
جدتي : يا بنيتي – على امي – تركيه هي ابخص بنفسه واخوه
امي : يمى ذي مب صاحيه تسوي أي شي اهم شي تستانس والله مب صاحيه
أنا: واللخ يا ماما حرام عليك انا مب صاحيه والله اني صاحيه اسم الله علي تف تف لا اله الا الله اللهم لا حسد اتفلي اتفلي
أمي: شفتي مب صاحيه شفت كل صدرها
- طيب يا ماما انا مالي بولدك انا مب مسؤله عنه
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
هذا موقف بالله تعتبروني مب صاحيه ؟؟؟
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
موقف الثاني بالمدرسه<<<لازم اغثكم بالدراسه
لاتعدونه اصبروا .....
كنت طفشانه من قلب ولا في شي اسويه وكان علينا معلمه كريهه كريهه كريهه من الدرجه الاولى وهي غبيه بعد المهم كالعاده ما عندي دفتر ولانيب جايبه الكتاب يعني وضع ثلاثة ارباع اللصلاب والطالبات وكان بعد الاختبارات (النصفيه / الشهريه) وتبي تعطينا الدرجات واللي مب حاله الواجب ماراح تاخذ الدرجه انا ولا حركت ساكن على بالها اني بزر والا تهمني الدرجات لان قاعدتي في الدرجات (ياخبر اليوم بفلوس بكره تلقاه ببلاش) ويوم جت من جنبي ولا شافتني حاله الواغجب قالت اوقفي قبل اغوصف لكم شكلي شعري ماسكته كني بالبيت بس رافعته وحاطه غرّه على وجهي ووجهي بس كحل وجلوس- اصلا حتى بالعروس كحل وجلوس لا يغركم – المريول عادي بس فاصخه الشراب والجزمه ومشمره اكمامي وماسكه مروحه يدويه واهوي روحي تعرفون الصروح العلميه السعوديه شلون وكيف الخدمات فيها متكامله
نرجع للسالفه ...
شكلي شكل بنت مهووووويه
المعلمه الكريهه الحجازيه : يا بنت فين الواجب
أنا ومن غير نفس لاني من جد طاقه وبتوقفني ولا رح اقدر انام على راحتي : نسيت احله امس رحت عرس ولا امداني احله
- ماشالله عرس ودوبك مخلصه اختبارات
- استاذه انتي ما سمعتي عن شي اسمه الترويح عن النفس الواحد لازم يروح عن نفسه
- بس مو على حساب درجاتو بعدين مين هادا الشخص المهم اللي تحضري لو جواز فنص الدراسة ؟؟؟
- اول شي استاذه بجاوبك على الشطر الاول من السؤال لا ماينفع احس اني قلبت عربي فصحه
- بنت انتي بتستخفي فيا
- لا يا استاذه ما عاش من يستخف فيك بس يعني لازم احضر عرس صديقي وهذا شخص مهم بالنسبة لي هذا يوم كتابة كتابه بعدين اخاف عليه يغمى عليه والا شي خصوصا انه نحييييييف ولا ياكل ياعمري عليه مسكين وعشان لو حصل له كذا ينادوني ببكس واحد اصحيه عرفتي يا استاذه
الاستاذه حست اني استخف دمي عليها
- يا بنت يا كدابه صديقك قالوا لك نحنا فامريكا
- لا لا يااستاذه بس هذا كان صديقي عاد هو اللحين مسيكين املك تصدقين عاد ( انا اسوي هالحركه عشان اظيع الحصه والخبله الاستاذه داخله جو بهالقصه ) توه بزر بزقه عمره 22
- ايش بزقه
- على رواية جدتي تفاله أي تفلان الله يعزكم
والدلخه نست ان مابقى على الحثه غير 35 دقيقة
- طيب فين الواجب ؟؟؟
- الف مره قلت لك ما حليته يا استاذه حرام عليك والله تعبت امس
- خلاص ما في درجة الاختبار
- الله يوسع عليك يا استاذه ريحتيني قسم بالله ما ودي اخذها مالي خالق تهزيء اليوم و مناقر
- لا راح تاخذيها اليوم
- يوه لازم استاذه
- يا بنت عطيني رقم جوال امك
- امي ما عندها جوال <<< والله من الفقش المحترم
- يا بنت لا تكدبي
- بقول الصدق امي ما عندها جوال و امي ما تهتم بدرجاتي <<<كثري منها
- طيب يا هنوف
- أستاذه تبين رقم امي خوذيه 05192837465<<<لو لاحظتوا الرقم من رقم من اليمين ورقم من اليسار غير انها 11 رقم ولا اصلا موجود هالرقم بس هي خبله
بس في بنت نذله اكتشفت وقالت لها
- يعني يا هنوف بتكدبي عليا
- استاذه منب حافظته بس اتوقع كذا
- اسالي فطيش هي اخبر مني برقم امي
- هنوف بطلي لعب بزوره بعدين انتي ايش فيكي انتي مو صاحيه باله قولي لي كم تتوقعي جبتي في الورقه
- صفر واله وزين بعدين يا ختي انا صاااااااااااااااااااااااااااااحيه
- امشي بس عن وشي ( وجهي)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
ممكن تعلمونن ؟؟؟؟
مــــــــــــــــــع خــــــــــالــــــــــــــــص مـــــــــــــــــــحــــــــــــــــــبــــــــــ ــــتـــــــــــــي.......
**الـــــــــــــــــــــــــــــــــهــــــــــــ ــــــــــــــــنـــــــــــــــــــــــــــــــــ ـــــــوف**
[/align]
العرض العادي
