على ذاك الجدار اللي على حــــــد البيوت الطين

[بدر البشري]

[align=center]احبتي الأفاضل هذه القصيده اعجبتني كثير وأود أن ان انقلها لكم


[poem=font="Arial,5,darkred,bold,normal" bkcolor="transparent" bkimage="backgrounds/1.gif" border="double,4,darkred" type=1 line=1 align=center use=ex num="0,black"]

على ذاك الجدار اللي على حــــــد البيوت الطين=وقفت وهاجس الذكرى نفض فـــي قلبي غباره

وقفت أطلق مدى شوفي وأناظر مفرق الدربين=وأشوف الــــدار وعيوني تضم الدرب وجـــداره

أجل هـــذا الجدار اللي سهر يوم العرب غافين=أجل هــذا الصديق اللي ذكرته وأذكر أسراره

أنا أذكر يــــــوم يجمعنا يغطينا برمش العين=نسج ليله وسوى به عــــــلى عشاقه ستاره

حجر لكن أحـــــــي انه يحس بفــرحة القلبين=أحس انه نفس لكـــــن غدى جامد من أقداره

حجر يوم العرب تنسى اذا مــرت عليها سنين=حجر يوم العرب تنسى حبيب مبعـــــده داره

ولكن الجدار اللي تركته من هـــــذاك الحيـن=عرفني يوم قابلته وبلل دمعــــــي أحجـاره

جلست وهاجت الذكرى وقلت بخاطري مسكين=ثمان سنين فـي وحشه ولاأحـــــــد بيننا زاره

وفــــــي ذاك المكان ثبت ان الآدمي من طين=تخيل يــــوم لمستـه تنهد مــــــــــن شقا ناره

سألني قال أنا أذكركم تجوني بالظلام اثنين =بكيت وقلت صدقني رحــــل وانقطعت أخباره[/poem]


اخوكم : بدر البشري[/align]