للنساء فقط ( توكلي على الله واقتلي زوجك )
--------------------------------------------------------------------------------
السلام عليكم ورحمة الله وبركاته
استانسوا يالحريم جبت لكم كم نصيحه حلوه علشان تقهرين زوجك لين ينتحر
نبدى الصبح اذا كان زوجك نايم بعطلة نهاية الاسبوع ماعليك الا تقومين وتشغلين الغساله
والمكنسه الكهربائيه والعصاره يعني خلي الازعاج يحوس بالبيت واذا قام زوجك يا حرام منزعج وبنام
قولي شسوي احس ان ريحت البيت غبار مع اني امس منظفته وكملي شغلك وانتي مرتاحه .
الغدى اذا اتصل عليك زوجك حاب ان ياكل منك طبخه هو يحبها في هذي الحاله عندك حلين
الاول ان ما تسووين الطبخه واذا سالك ليش ما سويتيها قولي نسيت من كثر شغل البيت
والحل الثاني انك تسوين الطبخه لكن تزيدين فيها الملح والبهارات وكثري كثري من الفلفل
علشان يكره الساعه اللي طلب فيها هالطبخه .
اذا راح زوجك االاستراحه وانتي يا حرام عيا عليك تروحي وضايق خلقك ما عليك الا انك ترفعين السماعه
وتتصلين عليه كل شوي وتقولينله تعبانه وما اقدر اقعد اكثر لازم اروح الطبيب واذا تمرد عليجك وقالك
اتصلي بخوك وروحي ما عليك الا نك تقولين ما اقدر اروح يا حبيبي وتسمعينه صوت كانك طحتي .
والحين دور الحمل ، اذا ثبت انك حااامل عيدي وستانسي لان بيصير هذا يوم المنى عندك ، اتشرطي كثر
ماتبين ، وقولي حبيبي ابي ماي مااقدر اقوم اخاف ، عمري مااقدر اطبخ لاني ما اتحمل ريحت الاكل ،
حياتي ما اقدر اغسل الصحون لاني ادوخ من الحمل ، وهلم جره
واذا ولدتي وصار عندك يولد نونو يقوم بالليل يبجي لا تطلعين من الغرفه حاولي تسكتينه وانتي بالغرفه
واذا انزعج زوججك من صوت الولد وقالك روحي الصاله او الغرفه الثانيه ، ردي عليه بكل براءه اغراض
البيبي كلها هناء يا حبيبي وما اقدر اشيلهم كلهم بروحي وبعدين انا تعبانه طول اليوم وانا اتحرك ابي ارتاح اشوي .
طبعا بعد كم سنه راح يصير عندك على الاقل طفلين مثل ما يقولون ، اذا رجع زوجك تعبان وهلكان من الدوام
، قولي حق العيال ان ابوكم مسوي روحه نايم ويبي يلعب معاكم روحوله ، ولما يروحون ويقوم الوالد منزع منهم
ويناديك ويسالك ليش خليتي العيال يدخلون عندي وانا نايم وتعبان ، ردي عليه بكل برود وقولي شسوي غافلوني وادخلوا الغرفه وما قدرت اصارخ عليهم علشان ما اقعدك من عز احلامك يا حبيبي
هذي كم نصيييييييييييييييييييييحه حق حريمنا الحلوين
اتبعيها اذا حبيتي تقضين على زوجك نيهاهاهااهاههاهاهاهاه
لا امزح لاتقولون البراق999 خرب بيوتنا تري مالي دخل انا اقول اللي تبي تقهر زوجها وعى فكره تراء المراه حلوه برقتها وبساطتها والرجل حلو بحنانه على زوجته
والرجال يكمل المراه والمراه تكمل الرجال ، قصدي ان كل واحد مال غن عن الثاني عدل كلامي
اكيد عدل دام انا اللي اقول نيهاهاهاهاهاهاهاهاهااه
منقول مع بعض التعديل
تبي ترسل لي أي شيء اضغط هنا 
العرض المتطور
