غيبـــوبة عبيـــــر ....!!

[بحر العطاء]

..غيبـــوبة عبيـــــر ....!!


[grade="0000FF 0000FF 0000FF 0000FF"]هنا حزن غنّا للطفله "عبوره"
منّا يجى منّا..
والدمعه مذعوره
هذا الورق خبزه
وإيدينى تنوره
أذكر يا"عبوره"
وإنتى تضمينى
إتطقطق ضلوعى
ألقّط دموعك
وأجمعها بدموعى
ياخيتى مظلم
مطفيّه شموعى


أذكر يا"عبوره"
وإنتى تلومينى
عن كثرة غيابى
لما يجى صوتك
وتتعطر ثيابى
غبتى ونسوا وينى
مامروا احبابى
اذكر يا"عبوره"
لما توصينى
لاتقطع اخبارك
ليتك تشوفينى
ماتضحك ازهارك
مجدب يسمونى
من غابت امطارك




اذكر يا"عبوره"
لاجيت ياخيّه
وكان الحزن طاغى
تهدينى حنيّه
ويتعطر شماغى
من غابت عيونك
صار الفرح لاغى



ليل الحزن مرك.. وغيّبتى ياخيه
.....أفتّح عيونى....... وتاخذنى غيبوبه


ارسم هنا ورده... تنبت لى بنيه
........تتشاقا هالفرحه والدمعه مشبوبه


من غبتى ....ياخيّه غيبنا حنيّه
.........خيّك غدا شايب والدنيا رعبوبه


هذا السفر طوّل دلينى ع الجيّه
....بس ارجعى لحظه وما أسافر التوبه


هذا الحزن خيّى وهذا البكا ليّه
.......أعدّل ايامى.... والقاها مقلوبه


بعدك ياعبوره هالضحكه منسيّه
...والدمعه من عينى مسكوبه مسكوبه


اجى ضيا عيونك والقاها مطفيه
....... بعيونى الدنيا مثلك بــ غيبوبه[/grade]


للشــاعر / عارف سرور