[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="outset,4,indigo" type=1 line=1 align=center use=ex num="0,black"]
فمان الله يا مسافر على ديار بها الخلان= عليك الله وامان الله تبلغهم سلاماتي
أمانه بلغ أشواقي إلى أغلى وأعز إنسان= ترى صوته يناديني بروحاتي وجياتي
أمانه بلغ الغالي تراني من الوله ضميان= ومن زود الوله عانيت وصرت مخاوي دمعاتي
أمانه بلغه عني كلام ما نطقه لسان= عن أشواق عجزت أوصف معانيها بكتاباتي
عن أحلام كتبناها ونقشناها على الجدران= لجل تبقى لنا ذكرى تجي في كل ساعاتي
لجل تبقى لنا ذكرى تفرق غيمة الأحزان= بداياتٍ تبي تبقى معي حتى نهاياتي
حكاياتٍ تدفيني ليا من صرت أنا بردان= حكايات تواسيني وتخفف لي معاناتي
أمانه يا رسول أشواق قلب العاشق الولهان= أبي وعد وعهد منك تبلغهم تحياتي[/poem]
غيمة الأحزان ......
العرض العادي
