بدون موضـــــــــــــــــوع

[@ دامع العين @]

[poem=font="Simplified Arabic,5,black,bold,normal" bkcolor="transparent" bkimage="backgrounds/25.gif" border="double,4,gray" type=0 line=0 align=center use=ex num="0,black"]
بوقت من البطى وبليل تتراقص شياطينه = بعد شفت الضياء ينزع من ثياب المساء ثلثين
تحايلت المنام اللي مثل بيتك تمرينه = وانا اللي من تفارقنا وانا ماغمضتلي عين
غريبة كل حلم يمر في رقادي تزورينه = والاغرب كيف احلم الحلم وارجع احلمه بعدين
قبل يومين شفتك بالمنام وقمت من حينه = ونمت امس ورجع نفس المنام اللي قبل يومين
انا اللي قبل اسافر شلت قلبي من شرايينه = تركته في يدك مثل الامانه واحفظيها زين
ترى حفظ الامانه دين مجبورة تردينه = اجل مافيه احد كد قالك حفظ الامانه دين
مرد المقفي بيلفي ويستوفي وتوفينه = بعد ليله ثلاث اربعه عشره شهر شهرين
اذا انتي منتي بقد الكلام اللي تقولينه = حرام استامنك حاجة واذا جيت اطلبك تنسين
تخونين وتبين ارضى و احد يرضى تخونينه = انا لا جيت اخونك مع حبيبه ثانية ترضين
من اول ما رجعت من السفر ما شفتلك بينه = وانا اللي كنت احسبك قبل ادوس ارض المطار تجين
تكونين انتي اول شخص عيني تحتضين عينه = وكنت اتخيلك من زود فرحة رجعتي تبكين
واشوف بدمعتك حكيك واعرفة قبل تحكينه = واجيب احلى من اللي بتحكينه واتركك تحكين
تقولين الوطن نور واقول بنور مضوينه = تقوليلي غديت احلى واقول عيونك الحلوين
كلام نام بشفاهك وخفتي لا تصحينه = ذخرتيه الغرام اللي ينام ويتركك تصحين
تغافلتي غيابي لين رجحتي موازينه = تعلم من يدك لمس الكفوف وعلمك تجفين
وليتك لقيتيبه شيء ؟ فيني ما تلاقينه = ما هب غرور ... لكن خابرك مالك امل تلاقين
تغافلتي بغلا والا .. الحلى .. ما هب من زينه = تزينه الصور والا الصحيح ابن الحلال .. زوين ..
وانا ماني بناقص عنه يوم انك تبدينه = نصيبي هو نصيبي لو يسددها من الصوبين
قنوع بمظهري .. والسم .. ما يذبح ثعابينه = " على قول المثل ماني حلو .. لكن ماني شين "
اذا اهداك الزهر مره .. فانا اهديتك بساتينه = واذا الهاك بفرح ليله فانا تهت لبكاك سنين
واذا استضعفتك املاكه وشتتك ملايينه ؟ = " انا حتى فتات الخبز .. اقسمها معك نصفين "
طموحي بس اجي واظفر بشيء تستحقينه = تدينته .. تسلفته .. سرقته ! مو مهم منين ؟
كاني من كثر ما ارضى بكل اللي تمنيته = لو انك بتطلبين الله .. يعنيني .. بقول آمين
انا ما العب على الحبلين وقت الطيش وسنينه = تبيني الحين يوم اني كبرت العب على الحبلين
ترى عند .. البدو .. بالذات عيب اللي تسوينه = حلاتك لا عشقتيني تعشقيني ليوم الدين
غرام نسكن ضلوعه .. حشيمه .. من مجانينه = جفى يجمع معزتنا .. ولا عشق يذل اثنين
كثار اللي تحدوني !! وقالوا لي تحبينه = أمانه لا تخليني صغير في عينهم تكفين
لاني كل ماقالوا تخون اقول مسكينه = عليك الله وامانه علميهم منهو المسكين
انا خايف لا طاح الجمل تكثر سكاكينه = وانا ماعادت اضلوعي تحمل طعنت السكين
مثل ما قالوا المكتوب واضح من عناوينه = لو ارحل منك للغربة بسافر من ظلامك وين ؟
كفاية كل حلم يمر في رقادي تزورينه ! = كفاية من تفارقنا ما غمضتلي عين [/poem]

[glow1=FF3300]قبل يومين شفتك بالمنام وقمت من حينه ونمت امس ورجع نفس المنام اللي قبل يومين [/glow1]