[align=justify]
ياهل الونيـت اللي تزايد عويـله#مكينته ذيب النصـارى شغلـها
حـــده وقود النــاروابعد مقيلـــه#شرق يريد العين وادنى جبلها
--------------------------------------------------------------------------------
راكب اللي من حفيــزه للحدودي#عقّب العشرين طبلون اميـتـيـنه
فرت نوع كلاسيكي ماله طرودي#ابيض في البيت الابيض فارقينه
يــــرفعــنّه نــايمــات بالعمـــودي#والهوى والنـار يرخنّ المكيـــنه
يوم مر خريص مع عرق النفودي#قاومه صــوت القيــامه بالمدينــه
--------------------------------------------------------------------------------
يامنير دوك الفرت واخذ الفواتير#افحــص عليــه ودخّله بالكراجــي
اللي يبى البنزين ركّب مواصير#واللــي تبــيه النار ركّب بواجـــي
--------------------------------------------------------------------------------
راكب اللي مخ رجليه خنزير وهوا#اشهب في مقدمه باقين وعكـــس تـــاج
متر في مترين مستــبرم كلـه ســـوا#حايفه حطاب ماسمكره راعي الكـراج
ان نعشـــته بالثلاثه مع اللـفه عـــوا#عوي ذيب محتــدينه مربـــية النعـــاج
ثـــابت مايختــلف كلّما لف انـــزوى#وارتفع ثم ارتخى مثل طايرة المـيراج
كن ضرب المرو في الويل قدام و ورا#ضرب هملول البردوان تقفاه العجاج
منوة اللــي مشفقن لهــله ولهــم نــوا#من بعد طول المسافه يبي فلة الحجاج
--------------------------------------------------------------------------------
واهني من ضفّ عفشه ولمّه للسفر#فوق هافن من قطع وارده يقطع رجاه
يةم لزّه بالثلاثه مع العرق الحمــر#شال صدره من عوا الذيب ماتفرق عواه
--------------------------------------------------------------------------------
الله على اللي شد ماهوب جابان#ابـــو ثلاث حلاق اس وحنـــيّه
اللي انبيره يعلن الحــرب فتّـــان#بينك وبين اللـــي بعيـــد نويّــه
ملفاك زيزوم المشــاكل كحيــلان#مهوب ذاك اللي طبوعه رديه
--------------------------------------------------------------------------------
ياهل الونيت اللي نوى مشتل البيب#مـادق صــدره بالخطـوط الغزيره
يوم تخـضّع في محـــير الاداعـــيب#يشـــدي تخنّـع جـادل في حريــره
لاتجربــونه مايبــي الفرت تجريـــب#قد جرّبه في البيت الابيض خبيره
--------------------------------------------------------------------------------
الله على اللي يهيض القلب منهاجه#من مصنع البيت الابيض ورده زيني
ليا عـــوت قربـــته ارتفـــع تـــاجه#ماعاد ابي اللي مع الطرقه يخاوينـي
--------------------------------------------------------------------------------
ياراكبن فوق صافي البلوفي#مقعد انبير الزيت نيم الحراره
فرّاق مابين القلوب الولوفي#فرت كما وبل السحايب غباره[/align]
العرض العادي
