ولا[all1=FF9933] الضالين
موقف ماراح أنساه كنت داخل المسجد وقت صلاة المغرب ومتأخر والأمام يقرا في سورة بعد ماخلص من الفاتحه وكان الميكرفون متعطل المهم دخلت متحمس وبالحق على الصلاة معهم الا وعلى دخلتي أسمع الامام يقول (ضالين) وانا على دخلتي كبرت وقلت آمين...الا واللي في الصف الاخير ماتوا من الضحك وقطعوا صلاتهم...وانا احسب الامام في الفاتحه وهو يقرا سوره ثانية.. وسكت الامام شوي وكأن وده يضحك..وانا ماعلي قاصر ضحكت معهم.. المضحك اني كنت متحمس.[/all1]
الشغالة
اتصلوا علينا المطار قالوا ترى شغالتكم وصلت.. وعلى شأن نفتك من تفويض استلام رحت بنفسي أخذ الشغاله..المهم وصلت المطار واخذت الشغاله بطبيعة الحال معها شنطه فيها ملابسها..استلمت الشغاله وطلعنا للسياره فتحت شنطة السيارة على شأن تحط شنطتها..تفاجأت..أن الشغاله مدت رجلها بتركب قدام العالم.. وانا مامسكت نفسي ماقلت لها ( لا ) ، وقعدت اضحك مامسكت نفسي وقمت أشر لها على شأن تنزل والعالم تضحك..امهم في الاخير نزلت من الشنطه..بس بعد ماكل الموجودين جاهم مسيل الدموع من الضحك..
مطر مفاجىء
وحده يوم عرسها بعد ماخلصت من التجميل والتسريحة.. يوم جاءت تطلع على الحريم والرزة على المنصة..شافت بعض (الحمرة) في يدها دخلت تغسل وفتحت الحنفية.. ومادرت الا والدش يصب على رأسها..
المديرة
تقول أحدى المدرسات ان طالبه بالصف الاول الابتدائي كانت بنت للفراشة اللي بالمدرسة.. ولدت أم البنت وكانت بعض المدرسات مجتمعات عند مديرة المدرسة
(هدى) .. نادوا البنت وسألوها عن حال أمها؟ ووش جابت؟..قالت البنت جابت أمي بنت وبنسميها (المديرة).. وكانت تقصد بنسميها (هدى)..
بـــــوه
تقول كانوا جيراننا مناهل القصيم..أشترينا مره تمر قصيمي من النوع السكري..وقام ولدي يأكل منه ويقول أيه على شأن أصير قصيمي مثل ولد جيراننا.. وبعد شوي سمعته يردد:فيه فيه.. وسألته وش فيه؟.. قال: أقول فيه.. ليش ماصرت أقول بوه..
براءة
تقول رن هاتف المنزل وردت أختي الصغيرة..وسالتها المتصله:وين الوالدة؟ قالت أختي وببراءة..ماعندنا أحد والد اليوم.
توني شاربة
تقول: مره جلست جنب عجوز كبيرة واعطتني ميراندا..وقالت:خذي أفتحيه،قلت: شكرا شكرا توني شاربه.. قالت:خذي أفتحيه لي أنا!!.. وقتها ضاع وجهي وقلت : الحمدلله اني مافتحته وشربته.
طفولة نفسية
تقول : عندما بدءت التدريس..وفي الاسبوع الأول واجهت صعوبه في تغيير شخصيتي من المرح والفكاهة إلى الجدية والصرامة، ومن ذلك انني رأيت أحدى أطفال الروضة، فدنوت منه لا أداعبه فهرب من أمامي، فما كان مني الا أن جريت خلفه وأخذت أطارده بكل ما أملك من قوه حتى أمسكت به أخيرا ثم حملته واخذت ادور به كالمروحه... وحين التفت خلفي وجدت طابور من طالبات الأبتدائي والمتوسط ينظرن إلي بدهشه!! لملمت شعري المتطاير... وجمعت كتبي المتناثره.... وأنسحبت بهدوء.....
الصدق زمان
تقول فتاة عن جدتها عندما سافرت بالطائره لأول مرة...حيث جاءت المضيفه وقدمت لها الطعام،فما كان منها الا أن قالت : والله لو أدري اني بكلف عليكم ماجيت..
تضامن شديد
تقول بعد تخرجي من الجامعه عينت ( مرشدة تربوية) في أحدى المدارس، وفي اول عمل لي جاءتني طالبة وأخذت تحدثني عن شعورها تجاه فقدها لأمها التي توفيت من سنوات،وأخذت تشرح لي شوقها اليها، وافتقادها لها في كثير من المواقف التي تواجهها، وانها.... وقامت الطالبه عن مقعدها، وامسكت بكتفي وهي تحاول تهدئتي، وتطلب مني التوقف عن البكاء
م
ن
ق
و
ل
العرض العادي
