عبره للبنات المتزوجات بس يالله واللي يبغاًيتزوجن

[نجداويه]

والله ماتـذوقين العشــا ؟؟ شوفـوا شنـو صـار !!

--------------------------------------------------------------------------------

قالهــا زوجهـا: والله ماتـذوقين العشــا ؟؟ شوفـوا شنـو صـار !!

فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت
قالها زوجها دقايق واكون عندك شوي واثاري زوجها قدامها
الرجال يوم شافها اعجبته لانه المسكين مايحصله يشوفها مرتبه الا في المناسبات
المهم طلبها زوجها تترك الزواج وتجلس معه وقال لها ابغى اخليها احلى ليله وراح اعوضك عن الزواج قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع راح الرجال مستعجل وجاب العشاء ودخل بيته وش شاااااااااااااف قدامه

الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته



الرجال عصب وسالها ليش غيرتي ملابسك وليش سويتي في نفسك كذا
قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توي احس في الراحه يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال والله ماتذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها شحاذه وتركها الين اخر الليل وكل الي في العرس شافوها هي اجلست في عبايتها ما فصخته
تحياتي الخالصة

[بتول القصيم]

هههههههههههههههههههههههههه حلوه منك نجداويه


بس مسكينه بجد ترحم ..!!


الله يستر بس!

[~مجنونه*بس*حنونه~]

ياحوووووووووووووووووووووووووووووول هالضعيفه والله انها تنرحم






بس الله لا يبلانا ساده عاد ياكافي يوم تمكيجت وقضت تجي تمسحه كان تصبرت لين يجي الرجال ؟؟؟



والله اني رحمت الرجل المسكين اللي متعب عمره ومسوي فيها ليلة رومانسية





تحياتي لك

[DeWDrOp]

احسن


قهر بصراحة حاقرته

زي وحده تزوجت
وبيوم عرسها يوم وصلت هي وزوجها الفندق عللى طول غسلت المكياج وفكت شعرها

وتهاوشوا من اولها


قهر بصراحة الزين للناس والشين له

[البوطه]

بصراحه هذه حال بعض النساءوالزوج يحب الزين لاكن مايحصله ولمشكلة اذا تزوج ثانية تكون الطامة والمشاكل في البيت والسبب هي الزوجة {جنت على نفسيها براقش} مشكورة الاخت نجداوية

[العندليب]

اقتباس: والله اني رحمت الرجل المسكين اللي متعب عمره ومسوي فيها ليلة رومانسية

ههههههههههههههههه منسمه مجنوه بس حنونه ...


الأخت نجداوية بصراحه القصة هذي سمعتها من قبل هذا يدل على إنها صحيحه والرجال بصراحه سوى اللي لا زم يسويه أي عاقل ولا بعد ليته يوم أخذها خلاه تنام بالمستودع ...

عموماً هذي الظاهرة ((ظاهرة التملّح)) صارت للعزايم والحريم ..
تقول الرجل ما دفع (50.000) ريال أو تقول جايته هدية ؟؟
بصراحة لازم أن يعطي الرجل حق الزوجة حقها وكذلك المرأة ..
وإلا حصلت المشاكل أو الطلاق ..
فالعاقلة هي من وضعت في رأسها أن زوجها هو من يستحق كل العنا والتعب ...



شكرا للأخت نجداوية على طرحك ...

[alnesf1]

اقتباس:  المشاركة الأصلية كتبت بواسطة نجداويه     قام الرجال يهاوش وقالها الزينه بس للناس وانا زوجك ما تهتمين لي

هذا مشكلة بعض الحريم يخلن الزينه للغير وهذا من اسباب الطلاق ؟؟

اقتباس:  المشاركة الأصلية كتبت بواسطة نجداويه     وقال والله ماتذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف

كفو والله هذا الرجل ولا بلا

[شحرورة القصيم]

السلام عليكم ,,,,

تبون الصراحه

تستاااااااااااااااااااااااااااااااهل اي تنرحم بالله ,, غبيه والا غبيه عشان تسوي كذا ,,
يعني مافهمته معقوله ,,,,,,

تسلمييييين نجداويه ,,,

[العبرى]

قلعته تستاهل!!!!!!!!

وش هالتصرف زاد؟؟

بس الرجال عطاها درس رهييييييييب...

الله لايبلانا!!!

سلاااااامي

[شعاع الشمس]

اول مره رجال يسوي شي صح

أمزح عليكم هالحين تشنقونن

من جد بعظ الحريم مادري الي يسوونه غباء ولا مادري وش يسمى
يعني لهدرجه الرجال مسكين ماعنده احساس
حشى ماكنه ولا جدار
بعظ الرجال الله يكون بعونهم