... يا زيـــــــن الـبــزاريـــــــــن ..!!

[البكيراوي]

مساكم الله بكل خير ووناسة ..

وحيا الله المستانسين والمسفهلين ... واللي ضايقة صدروهم يوخروووووون

لان ضيقة الصدر مرض معدي ..

وحنا اليوووووووم الاربعاء ..يعني بداية weekend

ونبي نسفهل ونستانس .


.اييييييييييييييه الاربعاء

اليوم هذا هو اجمل ايام الاسبووووووع

لانه فيه الجمعات والوناااسة وجمعه الاخوان والاخوات ...

يعني قهوة المغرب ما تفووووووت .. خاصة اذا صارن البنات مدهرات ومزينات ذاك الحلا

ويا زين البزراااااارين اذا بدو يلعبوووون بالحوش يا ملحهم ....

وإلا البنات الصغار ...وهن يلعبن دوووووووور


عاد تصدقووون يالربع ...إني عندي ولد اخت .. ما اظن بالعالم .. فيه بزر مثله !!!

ياخذ العقل بعلومه وسواليفه وذهانته ..... >>>اكيد طالع على خاله

اذا جيت اناديه ادلعه .. اقوله

هشام ..هشومي .. الهمشه ..

عاد يرد علي ويقول

خالوا ..خلخولي .. خلخل ..

واحيانا يتميلح زود .. ويقولي خالوا علولي ..



عاد هالبزر اللي ما يجي طول رجلي ..

فيه عصبية .. ونزعة قومية .. غير عادية

لدرجة انه ياكل التمر ..ويصوع العبس يعني يحلتهن ..

ويقول هذي قرطاسة حلاو القصيم


عاد على طاري التعصب الاقليمي ..

هذي بنت صغيرة بالمدرسة يمكن انه برابع او بثالث إبتدائي

جت المُـدرسة ( المعلمة ) سألتهم ..

يا بنات .. من فيكم ما هي سعودية ؟

ومير ترفع اصبعـه وتقول بأعلى صوته

انا انا يا ابله ...

قالت له الابله هاه يا شاطرة انتي من وين ؟

قالت انا قصيمية ...


عاد وش رايكم بالهبنت هذا التعصب وإلا بلااااش


عالعموم هذا اللي عندي واتمنى اني اسعدتكم بهذه المشاركة ..

وانتظر منكم ... قصص وطرائف .. بس عن البزارين فقط ..

لكم التحية

[الناقد البصير]

اهلا وسهلا ,,,

فعلا البزران ملح ها العالم

بس معليش ودي اسالك سوال لو انه بجيح شوي

ولد خالك اسمه هشام صح

ابي اعرف وش عاجبكم بسم هشام؟

تحياتي ,,

[بنت الشرقيه]

الفاضل البكيراوي

مافيه مثل فصول البزارين وحركاتهم
ولو تبي اسولف لك عن عيال العائله كلها ماخلصت السواليف
بس من جد براءه فيهم

اقولك امه رافعه فوق الدولاب صمغ صغير جدا وقوي جدا اعتقد انكم تعرفونه
الولد اخذه ولعب فيه وجاء لم امه خايف اصابعه تلصقت في بعضها
قالت له امه من وين جبت الصمغ قال لها انا كنت مار جمب الدولاب وطاح علي

تخيل الام ماقدرت تقول شي كتمت ضحكتها وحاولت تخلصه من الصمغ



سالفه ثانيه هذي بنت مملوحه عمرها 5 سنوات
شافت خالتها تضرب ولدها الصغير
جت لمها تهاوشها تقول ياخاله حرام تضربين ولدك الصغير واحنا في العيد السعيد
واحنا فعلا كنا في عيد الضحيه
وصارت هالخاله كل ماكلمت ام البنت وردت عليها البنت تقول لها ياخاله لاتكونين تضربين ولدك


هذا ولد عمره 3سنوات كل ماقامت امه الصبح معه توجهه نحو التلفزيون وطلع البلي ستيشن
يقولها oban
يعني شغلي البلي ستيشن وهذا كله بسبب غيرته من اخوه الاكبر لانه يكون في المدرسه ويفضى له الجوا

هذه بعض مايحضرني

اكيييد راجعه

[البكيراوي]

هلا وغلا وفوقه مرحبا

حيا الله اخوي الناقد البصييييير

شرفت المشاركة يا الحبيب ...

ولا تغلط على الهمشه ..

ويكفي ان اسمه هشام بن عبد الملك..

تحياتي لك

[البكيراوي]

الرائعه والفاضلة

بنت الشرقية

نورتي الطرائف يا مشرفتنا

وسلمي لي على البنت الحنونة ..

اجل العيد السيعد

لكن تراي حاولت بذل قصار جهدي

وتشـغيل جميع محركات عقلي

علشان افهم وش قصده بـoban

لكن ! ما فهمت

لك التحية على الاضاافة الرائعه ..

[شقرديه]

قصة وحدة وبطلع

وحدة بزرة كلها ملح

اوريها صور واعلمها وشي الصور

عمرها سنتين

واقول قلم ترد وراي دلم

باب تقول باب

بيت تقول بيت

حصان تقول حيثان

جمل تقول دمل

كلب (اعزكم الله) قالت لا حلو

تحسبني اشتمة

تحتح