اول القصايد اليوم قصيده غزل للشاعر فهد عافت .. وياعيني على صباح الخير من شفايفها...وتقول:
مريم وتضحك يرق الما ويصفالي زماني ---- والمكان يطيب والرمان يتكدس هنيا
قلت رحلتنا تبي سكر وترنيمه اغاني ---- جاوبتني هات الاغاني واترك السكر عليا
من شفايفها صباح الخير شكل وطعم ثاني --- آه لو تدري وش تسوي صباح الخير فيا
تاخذ الما من ايديه توصله شط الاماني ---- واهنيي كلما مريم خذتني من ايديا
أذكر أول ماتلاقينا تسمرت بمكاني ---- حاولت عيني تشوف الدرب مير القلب عيا
الحلا فيها من اقصاها وما للزين داني ---- كل مافيها خلقه الله من طلعة محيا
كل ماعز الطلب عندي وقالت لي عشاني --- قلت من هاذي قبل هاذي وجابتني حميا
قبلها ماطاعت أقدامي طريق الا عصاني --- بعدها ماتم حلم أخضر بصدري ماتهيا
----------------------------------------------------------------------------
القصيده الثانيه لعبيد الرشيد وينصح باضرب على الكايد ليا صرت بحلان .. وتقول :
القلب على كثر الهواجيس قزان ---- مايستريح من الدهر ربع ساعه
ياغافر الزلات ياوالي الشان ----- تجعل من التقوى لنفسي بضاعه
أنا على لان وربعي على لان ---- متخالف رايي وراي الجماعه
ماني ولد شاوي يسرح الضان --- يفرح بتصنيف البهم والرضاعه
أنا ولد علي سلايل كحيلان ---- وربي خلقني للسبايا وداعه
عيب على اللي يتقي عقب مابان ---- وعيب طمان النفس عقب ارتفاعه
الناس ماتسقيك ليا صرت ظميان --- ولا يشرب المظمي حذا من ذراعه
أضرب على الكايد ليا صرت بحلان --- وعند الولي وصل الرشا وانقطاعه
إما تجيب عقود حص ومرجان ------ والا فبليس يطير بشعاعه
-----------------------------------------------------------------------
اتمنى انها تعجبكم
راعي الاوله
العرض الشجري