السلام عليكم ورحمه الله وبركاته
هذي مقابلة صحفي من أحد الجرائد مع النقيب المحشش / منجطل بالمكتب ، حيث وردت أخبار بأن النقيب المحشش سوف يصدر بعض شروط تعليم القيادة في مدرسة دله ونترككم مع التفاصيل :
النقيب المحشش : طبعا بحسب خبرتي في سواقة الشباب السعودي نزلت شروط لتعليم القيادة :
أولا: الافضليه دائما للسيارات الاكبر حجما...فكلما كبر حجم سيارتك كلما كانت لك الافضليه في فعل مايشاااء.
ثانيا: عند الدوارات أو التقاطعات فإن الافضليه لمن يدخل مقدمة سيارته أولا.
ثالثا: إشارة المرور ماوضعت الا لكي تقطع! والا فماذا سيقطع الناس لو لم توجد اشارات المرور.
رابعا: استح على وجهك وخلك رجال ولاتربط حزام الامان لا بضحكون عليك الناس ويقولون مصدق نفسه
خامسا: اسقط من اليمين ومن اليسار ولا عليك من احد واللي في أمه خير يتكلم
سادسا: السرعه القصوى في الشوراع هاذي مانوضعت لك...هدي حطوها للي سياراتهم ماتسرع...أما أنت فادعس بنزين إلين ماتتك الدعاسة على آخر شي .
سابعا: من قالك ان أعلى سرعه تقدر توصلها هي 120؟ يعني اليابانيين والامريكان والالمان يتعبون نفسهم ويحطون سيارات بسرعه 200 ولا 220 ليه؟ ديكور! ولا علشان يكملون دايرة الطلبلون !! ادعس...ادعس حبيبي وماعليك
ثامنا: لاتدق اشاره قبل ماتلف...ترى مايدق اشاره الا الخوافين.
تاسعا: امسك المسار الايسر...واللي يرفض الصق في صدامه الين يفتح لك الطريق
عاشرا: المرايه اللي قدامك ماحطوها في ذيك الزاويه بالتمام الا عشان تشخص عليها وماله داعي تشوف فيها اللي وراك.
أحد عشر: عندما يأتيك يوم وانت مروق فيه..امسك المسار الايسر وامش 15 واللي موعاجبه يشرب من البحر.
اثنا عشر: خط المشاه؟؟!!اي خط مشاة يابو الشباب...بلامشاة بلا هم...اقطع وماعليك وماجاك بوجهي بعدين هم ليه يمشون مافيه تكاسي !!
ثلاثة عشر: ترى اللي خططوا المسارات ماعندهم سالفه..فإنت امش في الشاره بالشكل اللي تبيه...لو في النص بينمسارين...امشي بابا عادي اهم شي مايتعكر مزاجك ياروح ماما انت
أربعه عشر: اشارة قف؟؟!! أقول انتوا مصدقين أنفسكم من جد؟
خمسة عشر: اثنين احذر منهم التكسي والليموزين فعندهم القدره العجيبه على نقل سرعة السياره من 120الى صفر خلال ثانيه وذلك اذا شافوا زبون منزرع على الشارع يأشر لهم
ستة عشر: أهم حاجه انك تكون مثقف..فما فيه اي مانع انك تقرى جريده أو أي ورقه وأنت تسوق...أحسن من إنك تطالع الازفلت الاسود المعفن
وشكراً ..
أرجوا من الجميع عدم تصديق هذه الشروط لإنها من باب الهبال والذهاب إلي التهلكة .. شاكرين حسن إرهاق الدماغ بالقراءة .. تحياتي للجميع : د.ارجونــــان
النقيب المحشش /: منجطل بالمكتب ..
،لا تسرف في الحب ولا تسرف في العطاء،
العرض العادي
