ومازالو بنات النياده هم الافضل

[بدر بريده]

السلام عليكم

قصه قد تحسبونها من قصص الف ليله وليله الا انها حصلت بالكويت من شهرين في اكبر عوايل

المهم تم زواج ما بين اسرتين من اصول نياده ومن اكبر الاسر المعروفه بالكويت واحدى الاسر

لها مؤسسه خيريه معروفه وكان من المقرر لزوج ان ياخذ زوجته للفندق الا غير رايه اثناه الزفه

وطلب من زوجته الذهاب الى بيته بدل الفندق فوافقت بدون تردد وعند وصوله للبيت اخذ زوجته

للمطبخ وقال لها شوفي هذا السمك الزبيدي منظف وجاهز وهذا باقي المواد ابيك تطبخين

مطبق ازبيدي الزوجه وقفت مبهوره من كلام زوجها هل هوه يتغشمر او هيه تحلم اشوي

والا اهو يستعجلها بسرعه انا يوعان انا بنزل الديوانيه معه الربع وانتي طبخي واذا خلصتي

دزي مسج لي وراح وخلاها بفستان الفرح مصدومه ولما صحت من صدمتها اتصلت بامها

تشكي لها الحال ردت امها عليها انها تجهز حالها بتمر عليها وتاخذها من البيت

البنت ما اقتنعت برد امها واتصلت باختها الي اكبر منها ردت الاخت وقالت اول شي اتصلي

بامي وقولي لها لا تمر عليك وقولي لها زوجي يتغشمر وبعدين كلميني وانا اعلمج

اشلون تطبخين المطبق الزبيدي وماقصرت الاخت الكبيره علمتها لما كملت الطبخه

وبعدها ارسلت مسج لزوجها بانه العشاء جاهز حضر الزوج واخذ الجدر ونزل في لدوانيه وهي

دخلت غرفه النوم والحيره شاغلتها معه التعب مزرد ما وضعت راسها على المخده اخذها النوم

وبعد فتره احست في شي يلامس وجها لما فتحت عينها رات اوراق من المال فئات العشرين

والعشره دنانير وشافت زوجها بالقرب منها وسالت زوجها عن سبب رمي الفلوس عليها فقال لها

هذا قيمه العشاء الي طبختي عشره الاف دينار لك وهاذي يحايتها ارويها لك

قبل زواجي بك دار حديث بينه بالديوانيه عن افضل النساء البعض يقول الاجنبيات والبعض يقول

بنات الديره افضل ثم ذكر احد الشباب بانه لو طلب الزوج من زوجته في ليله عرسه تعمل شاي

لا تعمل له بينما الاجنبيه ممكن تعمل عشا ء كباب له رديت عليه بانه بنت الديره لو طلبت منها

بليله زواجها تعملك مطبق زبيدي تعملك فقال انا اتحداك انت راح تتزوج من بنات الديره واحنى

مستعدين نشتري عشاها بعشر الاف دينار بشرط لا تخبرها فوافقت وهاذي حكايه المطبق
الزبيدي

وسلامتكم