طيف بعينى طاف والناس غرقا === بالنوم واحرمنى ابلذات الاحباب
لج الهوى بى من جنوب وشرقا === ونشقت عرف طاف من فوق الاطياب
حبه رقا فى ضامرى كل مرقا === له فى صعود القلب قصر ومرقاب
له لسعة في لاجى الروح زرقا === وسم المحبه ينقضى كل ما طاب
كل اجروحه تنتداوا وترقا === وانا على الفرقا تزاود ولا طاب
قربه امعيش وان بذا منه فرقا === عفت المنام وطيب عيشى والاشراب
والله لولا الخوف من حضر ورقا === يدرون باسرارى معاريف الاحباب
لا قحص على طولى على الرجم وارقا === وانوح من حبه ورمى بالاسلاب
يارب تجمع بعد بعده وتلقا === وتلمنى وياه يارب الارباب
من صاحب شرواه ما عاد نلقا === بالقوم من كل الطوارف والاصحاب
هو نقوتى من جملة البيض طبقا === إن قيل خذهم واتركه قلت ما ناب
مانيب من يجزا الحسانى ابدرقا === أيضا ولا ينسا عشيره إلى غاب
حبه صبغ للقلب طرق بطرقا === فلو محيته بارزق الدمع ما ذاب
خل نطيب طيبه ونشقا === من حادث الدنيا إلى ناب له ناب
فامنن على قلب ملكته ابعتقا ===لاناسي عهدك ولا لغيرك حاب
أذر وسامحني ترى القلب مشقا === وصل وصلك الله مع كل الاسباب
وصلاة من يفنى الخلايق ويبقا === على رسول الله وآله والاصحاب
+++++++++++++++++++++
من صاحب هذة القصيدة ؟؟ ولكم شكررررررررررري وتكررررررررررراري بسؤال ؟
العرض العادي
