السلام عليكم ,,,,
يقولون إن المراهقة أحيانا تبتل مع الواحد الين ياصل فوق الأربعين !!!
وأنا الظاهر إني اليوم زايرتن المراهقة بس مالقيت امارسها إلا هنا >>>> بس مو معنى هذا اني واصل الأربعين ...!!!
المهم أني امس طاحت عيوني على بيتين شعر أعجبني بالمره مع أني ماأحب الشعر ..
ومن قريتهن وانا كل مامسكت قلم قعدت أكتبهن بأي شئ قريب من حتى الظاهر اني بتوقيع الحظور كتبتهن >>>>>> ماقلت لكم مراهقه !!
ومن كثر ماأشغلنن وأدوخنن قلت ياولد >> توي مراهق ... مالك إلا تكتبهن لك بجدار وترتاح منهن !!
بس والله يوم فكرت واثره والله فشيلة إن واحد بهالعمر يبي يمسك بخاخ ويقعد يكتب بالجدران ...!!
وبعدين لو شافن أحد أخاف يقولون هذا اللي يبخخ على لوحات الأعلانات >>> وأنا وراي إعيال يبونن ..
طلعت برأسي فكره تكلمت عنها مره في أحد ردودي السابقة عن لعبة شفتها بأحد المنتديات وهي وضع مشاركة عبارة عن مساحة كبيرة لكل الأعضاء يكتبون فيها اللي يبون وهم يتخيلون أنفسهم معهم بخاخ وواقفين قدام جدار أبيض جديد ماهنا زينه يخليك تكتب به غصب عليك >>>> طبعا اذا كنت مراهق ...
ومن ناحيتي فانا ابتبرع لكم بهالجدار وأصبغه على حسابي وأبحط لكم عنده رف به أنواع البخاخات >>>> ياويلي من ابو نورة !!!
وماعليكم وأنتم تكتبون تخيلوا انه جدار بيتنا وتراي مانيب اقول لأحد شئ >>> حبيّب بحلال غيره ...
ويالله بس أنتم ورونا همكم وأفكاركم ومشاعركم والأندية اللي تشجعون >> بس لاأحد يطق لي علم !!
وترى عندي جائزة رائعة للي يكتب أحسن كلمات بهالجدار >>> وأذا المشاركات طلعت حلوه ممكن نخليهن ثنتين ..
والترشيح يبي يصير عن طريقكم أنتم بعد ماتوصل المشاركات >>>> كم نقول الف وإلا الفين ..... بس تدرون أخليكم أنتم اللي تحددون العدد
يالله أنا بإنتظار الجميع .......
ويارب إنه ماتنتهي إلا لاطلع الراتب >>> علشان ماابلش بتدبير الجائزة
العرض الشجري