يامساء الورد
أو ياصباح الورد
كل يوم نروح مدارسنا...جامعاتنا او مكاتبنا, نصادف اشياء مختلفة تضايقنا, نختلط بمجتمعنا..يحصل سوء تفاهم مع هذا...مشادة كلامية مع ذا...جدال مع هذول...نرجع بيوتنا حاملين كل هذه الضغوط الخارجية, نتوتر...نكتئب..يجينا احباط ونزعل..
بس فيه طريقة تخلينا ننفس عن اللي فينا ونخرج ضغوطنا...من غير اختصاصي نفسي او اجتماعي, من غير اي احد, بس احنا..بغرفتنا...وبزيوتنا العطرية
xxxxx
العلاج العطري
Aromatherapy
يعرف القاموس هذا العلاج بانه استخدام شذى الزيوت والسوائل العطرية للعلاجات النفسية والبدنية..
وشخصيا اشوفه انتقال افتراضي من عالمي الواقعي الى عالم ثاني مختلف
وممكن اي شخص يشوفه بعين مختلفه, المريض راح يشوفه نوع من العلاج...المهموم وسيله للهروب...المتوتر سبيل للاسترخاء, وغيرهم بيختلف
xxxxx
والعلاج العطري علميا هو الاستخدام العلاجي لمواد عطرية, وهو يغطي العلاج العقلي والجسدي...وغالبا ماتكون هذه المواد زيوت عطرية, بينما الاستخدام يكون حسيا عن طريق التدليك او المساج و الاستنشاق...والمساج العطري هو من انجح العلاجات للاسترخاء خصوصا اذا رافقه موسيقى هادئة واضاءه خفيفة..والغاية من هذا النوع من العلاج هو اعادة التوازن النفسي او البدني
وبدأ استخدام هذا العلاج منذ آلاف السنين وعلى مر العصور..وكان من الناحية الدينية حيث بدأ الهنود بأستخدام نوعيات معينه من البهارات تطلق روائح عطرية تستخدم في التعبد...ومع مرة العصور تحول استخدامه الى علاج فعلي, خصوصا في العصور المظلمة ومع انتشار داء الطاعون في اوروبا..وصولا الى القرن الواحد والعشرون حيث تنوع الاستخدام من طبي الى تجميلي (في المستحضرات والعطور) وحتى امتد الى المطبخ في بعض الوصفات...
الزيوت العطرية
Essential Oils
الزيوت العطرية هي الخلاصة النقية والمكثفة من النباتات...والنباتات تكون مقصوده لغرض عطري او دوائي...وفيه 90 نوع من الزيوت تعتبر (الاساسية) فقط..انا مارح افصل الا عن الزيوت الشائعه واللي تستخدم بكثرة
طرق الاستخدام
للبانيو او الساونا
بالنسبة للبانيو, حطوا 15 قطرة في الموية الحارة قبل الدخول بثواني...بعدين حركوا الموية شوية عشان يتوزع العطر والزيت
اما الساونا فممكن تجيبون بخاخ 90% موية وال10% الباقية تحطون فيها من زيتكم المفضل وترشوا غرفة الساونا
حمام البخار للوجه
نقطة وحدة لكل كوب يستخدم في الحمام البخاري بس...وطبعا الموية لازم تكون تغلي وبعدين حركوا الخليط شوية شوية عشان يذوب الزيت وحطوا منشفة على الراس وقربوا من البخار قد ماتقدروا بس تكونوا مرتاحين...
التدليك
اخلطوا 15 قطرة من الزيت العطري مع ملعقة كبيرة من زيت التدليك المتوفر, ودلكوا مايبيلها اي شرح
الاستنشاق
وغالبا لمحاربة الزكام..الصداع او السعال, 3 قطرات على منشفة يد صغيرة وتقرب من الانف ويتم الاستنشاق العميق...ولازم العين تكون مقفلة اثناء الاستنشاق
للموضوع بقيه ..
noOor
العرض الشجري