ملابس للأطفال حلوة بالمره

[شقرديه]

[align=center]

اليكم ازياء اطفال مرة حلوة واكثر ما اعجبني السا بعه

وانشاء الله ما تكونون شاييفنها قبل


























[/align]

[خزامى نجـد]

[align=center]يا زين البنوتات بس

ما تلاحظين يا شئوره ان البنات لهم حظ الاسد من الملابس
بينما الاولاد يا حرام !!

بصراحه كلها حلوه بس بنات هالايام ما يبون الا فساتين للعيد
ما يبون بنطلونات




تحياتي لذوقك
خزامى[/align]

[خـــــــــــــــالـــــــــد]

شقرديه

تدرين اني صرت دليل العائله في الملابس والاكسسوارات

الفضل بعد الله لك

فاول ما اشوف العنوان الرئيسي افتح الصفحة وانادي العائله كلها تتفرج وتاخذ خبره

بس لو الله يهديك وتسجليننا توصيل في هالمحلات كان تفكيننا من زن بعض ناس ودنا وجبنا لهالمحلات اذا شافوا بضاعتك

بس من جد ملابس راقيه

يعطيك العافيه

[شقرديه]

هلا خزامى

للأسف واقع الأسواق مخالف تماما لصور النت

فلا جديد في عالم ملابس البنوتات الصغيرات

لكن العكس صحيح بالنسبة لملابس الأولاد

تلاقين طقوم ولادية جنان

تدوخين تدورين على طقم واحد بناتي سواء فستان او بدلة لكن لاشيء يستاهل قيمته

وعموما اللي عندي تكره التايير((التنورة طقم مع بلوزه))

تفضل يا فستان او بدلة

لذلك للحين حايسين ندور طقم للعيد

هلا انا هنا

يسعدني انك تستفيد وتفيد العائلة من قسم المرأة

وعموما سوق بريدة بشكل عام بضايعه الفترة هذي حلوه خاصة النسائي منها

وهذا يساعدك كثير

لأنك لو توديهم اي محل بيلقون حاجتهم

تحياتي لكم كلبوكم

[الرمادي]

السلام عليكم ,,

الملابس الحلوه تعطي الطفل بعض الرونق والقبول لدى الآخرين بالأضافة لما قد يشعر به هو من إعتزاز بنفسه ..

ولكن المشكلة في الأسعار الخيالية والتي قد تكون غالبا مقابل الصاق شعار أحد الماركات العالمية على القطعة مع أن صناعتها غالبا ماتكون تايلانديه او ماليزية وطايحين هاليومين بالهند !!

وتصدقون العيد الماضي دخلت أحد المحلات فأردت شراء بدلة لطفل عمره أربع سنوات وعند سؤالي البائع عن سعرها جلس ذاك اللبناني يمدح ذوقي بالأختيار ويمدح البدلة وكل هذا مقدمة للأنفجار القادم !!

وفي الأخير قالي والله هذي البدلة بعد التخفيض !! بستمائة ريال فقط !!!

يعني ثلاثة أطفال بحسبة بسيطة يطلع المجموع الف وثمانمائة ريال !!وش دعوى عيال الحريري !!

المهم وأنا طالع من عنده ( طبعا خالي الوفاض !!) قمت أفكر واقول لو كل واحد من اللي يشترون مثل هذي البدلات لو أقتصر على بدلة بمئة ريال وتصدق بهالعيد على عدد من المحتاجين بخمسئة وش يصير ؟؟

والله يعز شارع الخبيب للي مثلي !!


وللجميع تحياتي ,,,,,,

[خزامى نجـد]

[align=center]بصراحه أخي الرمادي معك كل الحق

وفعلاً فيه استغلال كبير في اسعار الملابس

والمشكله اننا نلقى نفس البضاعه في محلات بيع الملابس الاستهلاكيه بسعر أقل لكن بدون ((استكر الماركه ))

واللي يقهر أكثر ان الملابس اللي تشتريها ((بالشيء الفلاني ))تلقاها آخر الموسم بتراب الفلوس عند نفس المحل وكل ٍ يشتري منها....

وش الحل بنظركم ؟؟ نقاطعهم ونجلس بخلاقيننا ؟؟ولا نخليهم يلعبون علينا ؟؟



تحياتي
خزامى
((عذراً لك شقرديه ..فقد استحوذنا على ((فترينتك لعرض شكاوينا ))[/align]

[خـــــــــــــــالـــــــــد]

عوده مره اخرى بعد اذن شقرديه ..

اخي الرمادي ,,,


البدله اللي بستمائه تعتبر الان في هالوقت معقوله ,,


وطبعا الماركه لها ميزات حتى لو كانت من الهند

انها لايمكن ان تخضع لتفاوت الاسعار الفظيع كالبضائع الثانيه لان مايبيعها الا محلاتها المعتمده

صناعتها جيده وتدوم معك زمن طويل حتى لو كانت هنديه او صينيه لانها تصنع لمحلات معروفه بمعايير مشروطه عليها من قبل صاحب امتياز الماركه

وفعلا التخفيضات فرص رائعه للشراء من المحلات المشهوره

[وائل]

وهذه مساهمة صغيره في أزياء الأطفال

[خزامى نجـد]

يا قلبي على هالحلوين

بصراحه يا وائل هذا عرض مماليح مهب عرض ملابس

لأني جلست أدلع في هالحلوين ولا طالعت ملابسهم

بس انت مركز على الاولاد !!

(( ما قلت لنا ايش رايك في الاسعار ))؟؟

>>>>أحس ان شقرديه ودها تهديني بكس مبكس


تحياتي لك
خزامى

[وائل]

أختي خزامى نجد ..


أسعار للماركات مرتفعة خاصة لما

يكون مكان التسوق المول ولا الفيصلية

وماجاورها ..

وأنا بالنسبة لي أشتري ماركات في

المناسبات المهمة ، ولنقل 3 مرات في

السنة ..

أما على طاري الممالحين فعندي المملوحة

رقم واحد في العالم ، ولولا الخوف من العين

وأدواتها الشهابه وكمان أخشى مصادرة

الصورة كان حطيت صورة غاليتي المغرورة

<<<<<< من شابه ........ فما ظلم

[شقرديه]

خزامى شدعوه العكس انتي اثرتي موضوع ولا اهم منه

خاصة بجملة عورت قلبي ::واللي يقهر أكثر ان الملابس اللي تشتريها ((بالشيء الفلاني ))تلقاها آخر الموسم بتراب الفلوس عند نفس المحل وكل ٍ يشتري منها....

هذا اللي غاثني

نشتري بذيك القيمة وبعد شهرين تلقينها على الكل بنص السعر

وموتي قهر

خالد انا هنا شدعوه ستمية عادي

لا والله موب عادي

ولد الطفة البكر صح يشترون له اهله وخاصة الام اذا هي موظفة بستمية واكثر

لكن اذا زادو عن اثنين صعبة شوي خاصة للي على وظيفة وبس لا تجارة ولا عقارات

انا اذا بشتري لطفل حدي ثلاثمية وتخب

اذا هو للعيد بس

والا لغيرة الله يديم عز سامرة وطقته

وفيه ماركات تخفض فترات زي مذركير اسعارهم معقوله ودايم يخفضون وبضايعهم كويسه

وائل من مداح العروسه؟؟أبوها ومشاطها

هالمرة موب امها

اقرا عليها الورد وهات صورتها ما عليك

حطها يوم نشوفها واحذفها على طول

<<تحمست بتشوف المملوحه

ملاحظة اخيرة

تقول خالد تدوم معك وما تتغير

يعني الطفل بشكل خاص يلبس اللبس شهرين اذا كثرت وبعدها يصغر عليه

يعني ما نبي شيء يدوم

وش راح اسوي بها بعد شهرين؟؟وخاصة ان قيمتها ستمية؟؟

تحياتي للجميع