تـــراي شرهه عليكم

[shahd2007]

السلام علـــيكم ورحمه الله ...

تراي موب انا اللي شرهه بس ع كثر ماسمعته
صرت ودي اتشرهه واصير مثلهم واتشرهه

يجيك الواحــد منتفخ وماتدري وش فيه ..!
تتذكر وش انت مسوي ..!
تحرحر فيه تبي تعرف السبب ماتقدر <<تراه شرهه وانت ماتدري

تنجح /تتزوج /يجيك طفل <<مايبارك <<تراه شرهه

ترسل له مايرد
تعزمه مايوجب
مايحضر اجتماع انت فييه

تراه شرهه قووه ..

والسبب احيانا اشياء خاصه ليه ماقلت له عنها

طيب فيه اشياء ودي اقضيها بالكتمان حتى لو كنت قريب وعزيز وغالي

مــدري
داء التشره من غلاك عنده ولا تنكيد ..!
تعانون من هالداء ولا بس بعائلتنا

[تركـي]

شهد ..

هذه الظاهره ... التشره ..
صناعة وطنية خالص بدون أضافات ..
وتوزع مجانا ولا تباع ..

وتنطبق على المرأة والرجل في المجتمع ..
يريدون أن يكونو حاضرين بكل شيء .. حتى التدخل بخصوصيات الآخرين
وحرياتهم الشخصية ..
لا يفرقون بين حرية شخصية وبين حرية إجتماعية ..
الكل يبحث عن .. إهتمامه .. وتفريغ شرافته وملء فضوله ..
حتى أصبح البعض يتتبع الآخبار عن العائلة ..
من خطب ومن خطبت ومن نجح ومن رسب ومنهي اللي حملت وبأي شهر
ومتى بيسافرون .. وسمعنا أنهم بيشترون بيت .. وسمعنا أنهم بيسون عرسهم
بفندق .. ووووو ..
وساعدت ثورة الأتصال .. من الواتس والببي والأنترنت والتويتر ..
بسرعة تلك الأخبار ..

طبيعة بعض البشر .. يريد معرفة كل شيء ..
ولا تختص بجنس معين ..
وإذا عرف الخبر بعدين .. يبدأ بالتشره ..
ويعتبر الخبر من صيد الأمس .. مع أنه لا يخصه لا من قريب ولا بعيد ..

هي طبوووع .. ماركة مسجلة ..

[عزف الحقيقة]

ههههه حياك شهد

التشره سمه في مجتمعنا الكل يتشره

ليش سويت كذا وكذا أو شريت كذا ولا علمتن

المشكلة احيانا تكون محاصر

اذا علمت بشي قالوا اللي عندك ليش تعلم

واذا ماعلمت قالوا الثانين وراك ماعلمتن !!

شفتوا ان رضا الناس صعب ومستحيل !!

اذكر احداهن تتشره ليش فلانه خاطبه لولده

ولا علمتنا !

وش دعوى طيب لو علمك راح تصكينه لك

بشيك مساعده ؟

لا .. بس نفرح له ..

هالحين عرفتي افرحي له طيب ؟

لا وشو عقبه !!

مجتمعنا غريب ويهتم باشياء تافه لاتستحق .

[المنطق]

شرافه زايده حبتين ..

ودها تعرف عشان تنشرها ..


ابي اعلمك بس لا يدري احد ..


حب استطلاع ونقل الأخبار ..


اطمنك كل المجتمع هذه طريقته ..

[محمود حوا]

جمييييييييييييييييل

[shahd2007]

اقتباس:  المشاركة الأصلية كتبت بواسطة تركـي     شهد .. هذه الظاهره ... التشره .. صناعة وطنية خالص بدون أضافات .. وتوزع مجانا ولا تباع .. وتنطبق على المرأة والرجل في المجتمع .. يريدون أن يكونو حاضرين بكل شيء .. حتى التدخل بخصوصيات الآخرين وحرياتهم الشخصية .. لا يفرقون بين حرية شخصية وبين حرية إجتماعية .. الكل يبحث عن .. إهتمامه .. وتفريغ شرافته وملء فضوله .. حتى أصبح البعض يتتبع الآخبار عن العائلة .. من خطب ومن خطبت ومن نجح ومن رسب ومنهي اللي حملت وبأي شهر ومتى بيسافرون .. وسمعنا أنهم بيشترون بيت .. وسمعنا أنهم بيسون عرسهم بفندق .. ووووو .. وساعدت ثورة الأتصال .. من الواتس والببي والأنترنت والتويتر .. بسرعة تلك الأخبار .. طبيعة بعض البشر .. يريد معرفة كل شيء .. ولا تختص بجنس معين .. وإذا عرف الخبر بعدين .. يبدأ بالتشره .. ويعتبر الخبر من صيد الأمس .. مع أنه لا يخصه لا من قريب ولا بعيد .. هي طبوووع .. ماركة مسجلة ..

وعاليه التركيز بالقصمان

يموتون ع التشرهه موب حب فيك بس عن قوله سبق صحفي
محد يسبقهم بنقل الخبر
احس قليل الرجال اللي يتشرهون
لكن الحريم ماركه مسجله لهن ونادر حرمه مافيها هالصفه
يعني قصدك داء التشره من الفراغ
معقوله فاضين لدرجه ان ودهم يزعلون وينكدون ع اللي حولهم ..
من قبله ثوره الاتصالات من ايام التلفون الثابت
وهي تتصل وراه ي كافي ماعلمتونا عن خطبتكم <<يارب انه خطبه تفركشت هونا ماصلحنا

حياك الله تركي

[shahd2007]

اقتباس:  المشاركة الأصلية كتبت بواسطة عزف الحقيقة     ههههه حياك شهد التشره سمه في مجتمعنا الكل يتشره ليش سويت كذا وكذا أو شريت كذا ولا علمتن المشكلة احيانا تكون محاصر اذا علمت بشي قالوا اللي عندك ليش تعلم واذا ماعلمت قالوا الثانين وراك ماعلمتن !! شفتوا ان رضا الناس صعب ومستحيل !! اذكر احداهن تتشره ليش فلانه خاطبه لولده ولا علمتنا ! وش دعوى طيب لو علمك راح تصكينه لك بشيك مساعده ؟ لا .. بس نفرح له .. هالحين عرفتي افرحي له طيب ؟ لا وشو عقبه !! مجتمعنا غريب ويهتم باشياء تافه لاتستحق .

الله يحييك عــزف الحقيقه
والله البلشه وش هالحل كذا ..!
طيب فييه اشياء خاصه نبي نعلمكم بس بوقته
احيانا مايصلح ينشر قبل ماتتم
<<تجيك الخاله والعمه ي كافي وحنا اغراب
ههه ياكثرهم بنفرح له وندع له
اللي مثلهم ودك بااقرب مناسبه تطب عليه وتشرهه
وراك ماقلت لنا ووراك ماعلمتنا نفرح ..

حياك الله عزف

[shahd2007]

اقتباس:  المشاركة الأصلية كتبت بواسطة المنطق     شرافه زايده حبتين ..

اقتباس:  المشاركة الأصلية كتبت بواسطة المنطق     ودها تعرف عشان تنشرها .. ابي اعلمك بس لا يدري احد .. حب استطلاع ونقل الأخبار .. اطمنك كل المجتمع هذه طريقته ..

يعني سبق صحفي محد يسبقها بالعائله
الا موب حبتين ي المنطق

خيشيتين

كاثر التشرهه عندنا وخاصه من الحريم
واذا الرجل تشرهه تراه موب منه قايله له زوجته ومشيشته يتشره ويزعل
<<قسم موب منه ضعيف الله

حياك المنطق

[shahd2007]

اقتباس:  المشاركة الأصلية كتبت بواسطة محمود حوا     جمييييييييييييييييل

وين وشسمه تجي تشوف

[دِيم]

[FONT="Simplified Arabic"]









وحِنّا هذي سالفتنا ومحك مصايب النسوان : التشرّه ..
+ واللهي لازمني كم كورس بالتشرهات ، ودّي أضبط التشرّه مع صرّة الفم والنغمة تبعه ..
وكم جملة بالعظم ألقيها ع مسامع المتشرّه عليه ويطيح صريعاً[😂[/FONT

[شاعر الاماكن]

وعليكم السلام ورحمة الله وبركاته

حياك الرحمن شهد

عاد متشره عليك ليش ماقلتي بتنزلين موضوع !

ومتشره على كل اللي ردو ليش ماحد خبرنا بالموضوع !

ههههههههه

لا بجد بعض الخلق ماعندهم شغل وخصوصا بالتشره وتعال للمجالس واسمع ليش وليش وليش وكن مافيه سوالف غير التشره والحش في خلق الله ..

افضل علاج للانسان اللي يتشره الحقران ولو البوووووووووووووووز يمده سنه خلك على حقرانك ولا تسأل ابد عنه وطنشه ..
الناس تبي توسع صدورها بالجلسه الطيبه والسوالف وهذا البرطم ماده وكأن مكتوب عليه هذا الشخص متشره وبس يبي نغزه على شان يعلم بشرهته ..

احقر وطنش وخله يشره لين يموت ولو قال من غلاتك متشره افضل رد لا تغليني ولا تعزني واشره لين تقتلك شرهتك ..

[الكفاح]

الله يعينه على نفسه المشكله يصار يتشره على من لايهتم فيه .

[فـــارس]

التشره موجوده بكل مكان وزمان وهذه هي الحال
ولكن لابد ان نعرف ان لكل شخص اشياء خصوصية
مهما كانت العلاقه او القرابة فلااستطيع ان ابوح بها
صحيح مايمنع ان اذكر او اتحدث عن بعض الاشياء الخاصه بي
او ماحدث ،، ولكن اعتقد مثل الاشياء المستقبليه لشخص
يكون التحفظ بها افضل

[ألمــاس]

وعليكم السلام شهووده
اول كان مايجي التشره الا من واحد يغليـك
اللحين اشوفه صار هوايــه يمارسونها من وقت لوقت قطيــعه
ماكو التماس عذر او احسان الظن
الله يعين ع ذا العقليـات

[shahd2007]

[FONT="Arial Black"]

اقتباس:  المشاركة الأصلية كتبت بواسطة دِيم     وحِنّا هذي سالفتنا ومحك مصايب النسوان : التشرّه .. + واللهي لازمني كم كورس بالتشرهات ، ودّي أضبط التشرّه مع صرّة الفم والنغمة تبعه .. وكم جملة بالعظم ألقيها ع مسامع المتشرّه عليه ويطيح صريعاً[😂[/FONT

تصدقين عاد ديم صار فن
وبعض الحريم يتفنون فيه ويمارسونها كهوايه
لدرجه انك تحسين ان معهم حق ..
ويختمونها بكلمه كل مازاد الغلا زاد العتاب ..

شوفي هالفيس حاولي تقلدينه اول ماتشوفين اللي ودك تشرهين عليه

نورتي موضوعي ديم