اللي يبي يهايط ويتهاوش يرفع اصبعه !!

[شاعر الاماكن]

السلام عليكم ورحمة الله وبركاته

اسعد الله مسائكم بكل خير ..

تم افتتاح هذا الموضوع يوم السبت

1/12/2012

فكرة الموضوه بسيطه جدا وهي :

حاب تهايط ؟ حاب تتهاوش مع احد ؟ حايمه كبدك من عضو ؟ حاقد

على احد من الاعضاء ؟ حاب تتهكم ؟ راز خشمك على الفاضي ؟

مالك خلق تكتب موضوع او ترد على موضوع ؟ شايل بقلبك على

واحد من الاعضاء من سنة جدي ؟ في راسك حب ما طحن ؟ ودك

تنتقد احد ؟ ودك تفش خلقك ؟ موعاجبك احد ؟ مسوي نفسك شي

وانت ماحولك احد ؟ حاب تستخف دمك ؟ لايعه كبدك من المنتدى ؟

فاضي ماعندك شغل ؟ رايق وفايق ؟ ودك تسولف ؟ تبي تقول شي

ومو عارف وش تقول ؟ في الطالعه والنازله تبي محارش ؟ حاب

تنكت ؟

لا تستغربون

من طرح الموضوع العجيب والغريب !!

بعض المواضيع في ( المجلس ) ملاحظ عليها اشياء كثيره ويمكن

انتم لاحظتوا هالشي ..

قلت انزل هالموضوع عشان ما احد يشوه المواضيع اللي يتعب

عليها كاتبها ويعصر ( مخه ) عشان تطلع معه وفي النهايه ( تخرب

) ومن اول رد تنسد نفسك من القراءه وتحس الموضوع دخل فيه

سواليف وهياط وتنكيت وخفة دم ويتشوه الموضوع ويتشتت فكر

الاعضاء والكاتب يطنش موضوعه ولا يرجع يرد والسبب ( بعض

الاعضاء الله يهديهم ويصلح حالهم مطفين النور وصايرين خارج

التغطيه ) ..

وسعوا صدوركم وتفضلوا كل واحد يقول اللي بخاطره اهم شي لا

يحط راسه على المخده الا وهو مرتاح ومطلع اللي بقلبه ..

شروط الموضوع



اتمنى من المهايطيه وحقين الهواش تبادل الهواش والهياط بأدب واحترام ..

قول اللي بخاطرك كله بس انتبه ( تسب او تقذف او تتكلم بشخص غايب ومنقطع عن المنتدى له فتره )

الموضوع مفتوح للجميع واهم شرط تهاوشوا بحترام وبأدب خلوا

الناس يقولون ما شاء الله عليهم كبار وعقلاء وحتى هواشهم بأدب

وذوق !!

الموضوع

ما اخص فيه شخص معين لا احد يجيني مطفي النور ويقول يقصدني . انا اتكلم عن المواضيع كامله وحتى مواضيعي ما سلمت من خفة الدم والملاغه يكتب الواحد موضوع ويجيك واحد يتكلم في شي خارج الموضوع

لكم المايك

[القلم الصريح]

مقال جميل وفوكرة ارررروع
لكن هناك ملاحظات بسيطه ع الموضوع جاءت كالتالي :
* لا يتناسب الطول والحشو في المقال مع اسم النك للكاتب !!
فاسم النك ( شاعر ) ومعروف عن الشاعر أنه ذكي جدا من خلال التالي :
1- عندما يتحدث يتحدث برمزية ولا يكشف أورارقه .
2- يطبق نظرية خير الكلام ماقل ودل بعيدا عن سطور تذكرنا بمنج
شرح ابن عقيل في الصق الثالث ثنوي معهد علمي .
3- حسب المتعارف عليه أن الشاعر كتلة إحساس ومشاعر رقيقة
وموضوعك يتنافى مع مسمى احاسيس ومشاعر ..
( تهاوشوا .. هياط ... صراح .. ) والحمدلله لم تقل
( تذابحوا .. سيلوا الدم من الركبة الى الركبة .. اذبح نربج !!

ولكن مع وجود هذه الملاحظات يبقى مقالك من النوع المتجدد
والفكرة الناجحة شكلا ( لك عليها ) تنفيذا .
شاعر الاماكن ..
تحياتي لك يابطل .

[الهام الحب]

ههههههههههههههه حط عليك القلم الصريح م عنده وقت ابد ..
وادا شاعر لآزم يطلع الجانب الوحشي فيله وهو طلعه ..

موضوع شيق وممتع .. ودي اشارك وهيك بس تعرفو تاجره رايح يطيح برستيجي ..

وكمان اخاف اتحمس وصاحب الموضوع يختفي !!


موضوع جدا رائع اتمني من الاعضاء المشاركه والحماس ..

[انين الذكريات]

يسمح اصطحاب السواطير والخيزران بسبتدي شي اكثر من الكلام

[ألمــاس]

وعليكم السلام
خخخ حلوو الموضـوع
اما قولتك براسه حب ماطحن خخخخخخخخخ ذكرتني بسالفه اول مانزلت القصيم
خخخخخخخخخخخخ هذا حجي شيبان يالشايب
بالنسبه لي ماشلت بقلبي ع احد ولا لي عدائات مع اي شخص اهني بالمنتدى
با انتظـار الهوشات والتنكيت وكل ابوو شي
عووافي شاعر

[ابوهوبي]

يشات الي الاستراحه هذا الموضوع البايخ

قبل مايشات. انت اللي كاتب الاماكن وبعتها على منصور. ؟
والا انت. نفسوه. منصور.
صورك. ذي. ؟
اسلوبك قسم قديم. ماتوا. اللي يكتبون ستذا
لاني قاري الموضوع فبل كم سنه بس مدري وين.

يشات للاستراحه. ويتعهد العضو بعدم سرقه اعضاء انتقلو الى رحمه الله.

[شاعر الاماكن]

اقتباس:  المشاركة الأصلية كتبت بواسطة القلم الصريح     مقال جميل وفوكرة ارررروع الجميل حضورك لكن هناك ملاحظات بسيطه ع الموضوع اتشرف فيك واتقبل الملاحظات جاءت كالتالي : * لا يتناسب الطول والحشو في المقال مع اسم النك للكاتب !! الظروف تجبر اي كاتب واحيان لايصال فكره فاسم النك ( شاعر ) ومعروف عن الشاعر أنه ذكي جدا من خلال التالي : 1- عندما يتحدث يتحدث برمزية ولا يكشف أورارقه . الوقت هذا اختلف فيه الفكر وحتى الوقت احنا في عصر السرعه والدليل عطني قصيده سمعتها قبل سنه وباقي تحفظها ماعاد فيه رمزيه الوضوح هو اجمل شي لان الناس مو رايقه ولا فاضيه تفكر في شي اسمه ( المعنى في بطن الشاعر ) وعساهم يسمعون شعر عشان يفكرون بالمعنى 2- يطبق نظرية خير الكلام ماقل ودل بعيدا عن سطور تذكرنا بمنهج شرح ابن عقيل في الصق الثالث ثانوي معهد علمي . احيانا نحتاج للاطاله لان هناك عقول لا تفهم الا بتكرار الكلام واعادته مره ومرتين والف مره للفهم والادراك اما العقول الرزينه لا تحتاج الا لمره واحده وربما لا تحتاج للاعاده ولا الاستماع ولا القراءه لانها بالاساس تفهم وتعي وتدرك ومنها نتعلم 3- حسب المتعارف عليه أن الشاعر كتلة إحساس ومشاعر رقيقة وموضوعك يتنافى مع مسمى احاسيس ومشاعر .. الشاعر هو كذلك ولن يتغير والمشاعر الرقيقه والاحساس ينطبق على الجميع ليس حكرا للشاعر ( تهاوشوا .. هياط ... صراخ .. ) والحمدلله لم تقل ( تذابحوا .. سيلوا الدم من الركبة الى الركبة .. اذبح نربج !! معك حق بما تقول وهذا الموضوع فقط للبعد عن تشويه الصفحات والمواضيع الاخرى التي شبعنا من ( الهياط فيها ) فتحت الموضوع للتعبير عن الهياط والهواش في صفحه مستقله ولكن مع وجود هذه الملاحظات يبقى مقالك من النوع المتجدد شكرا لك والفكرة الناجحة شكلا ( لك عليها ) تنفيذا اتقبل النقد بصدر رحب . شاعر الاماكن .. تحياتي لك يابطل .

اهلا بك اخي الكريم تشرف بك

[شاعر الاماكن]

اقتباس:  المشاركة الأصلية كتبت بواسطة الهام الحب     ههههههههههههههه حط عليك القلم الصريح م عنده وقت ابد .. وادا شاعر لآزم يطلع الجانب الوحشي فيله وهو طلعه .. موضوع شيق وممتع .. ودي اشارك وهيك بس تعرفو تاجره رايح يطيح برستيجي .. وكمان اخاف اتحمس وصاحب الموضوع يختفي !! موضوع جدا رائع اتمني من الاعضاء المشاركه والحماس ..

اهلا بك اختي الكريمه :

بالعكس القلم الصريح رده رائع وجميل والنقد شي صحي ونرحب بالجميع اذا كان النقد بناء وهو هنا تكلم بشي فيه الكثير من الصحه وله حرية الرأي وباقي الاعضاء كذلك لهم حرية الرأي ..

النقد وحرية الرأي والتعبير بحترام وتوجيه هذا الشي الذي نطلبه وهو مطلب للجميع ..

بالعكس نتشرف بك وبجميع الاخوه الاعزاء

[شاعر الاماكن]

اقتباس:  المشاركة الأصلية كتبت بواسطة انين الذكريات     يسمح اصطحاب السواطير والخيزران بسبتدي شي اكثر من الكلام

السواطير لا نسمح بها وكذلك الخيزان لسبب واحد ..

هواشنا راقي وهياطنا ارقى ههههه

يعني بأدب واحترام

[شاعر الاماكن]

اقتباس:  المشاركة الأصلية كتبت بواسطة ألمــاس     وعليكم السلام خخخ حلوو الموضـوع اما قولتك براسه حب ماطحن خخخخخخخخخ ذكرتني بسالفه اول مانزلت القصيم خخخخخخخخخخخخ هذا حجي شيبان يالشايب بالنسبه لي ماشلت بقلبي ع احد ولا لي عدائات مع اي شخص اهني بالمنتدى با انتظـار الهوشات والتنكيت وكل ابوو شي عووافي شاعر

اهلا بالكريمه :

الموضوع مفتوح للجميع وهو لعدم تشويه باقي المواضيع الجميله ..

نحمد الله سبحانه وتعالى انه لا يوجد عداوه بين الاعضاء ولكن بعض الحماس يدفعهم للرد وصدقيني ان بينهم ود ومعزه ولكن الشيطان عندما يحضر يجعل من الا شي اشياء .. وكم من صداقه هنا كبرت بعد ( طقاق وهواش )

في انتظار الهياط والهواش ههههه

حياك الرحمن اختي

[شاعر الاماكن]

اقتباس:  المشاركة الأصلية كتبت بواسطة ابوهوبي     يشات الي الاستراحه هذا الموضوع البايخ قبل مايشات. انت اللي كاتب الاماكن وبعتها على منصور. ؟ والا انت. نفسوه. منصور. صورك. ذي. ؟ اسلوبك قسم قديم. ماتوا. اللي يكتبون ستذا لاني قاري الموضوع فبل كم سنه بس مدري وين. يشات للاستراحه. ويتعهد العضو بعدم سرقه اعضاء انتقلو الى رحمه الله.

نعم انا شاعر الاماكن

ولكن الاماكن غير الاماكن الاغنيه ..

فتش عني وبأذن الله تجدني قريب منك ..

بخصوص الموضوع لامانع لدي من نقله وحذفه ولن اتضايق بالعكس هو موضوع للمشاركه والنقد ولكن بـ احترام وادب واخلاق ..
انت تقول انك قرأت الموضوع سابقا ..

وانا هنا امام الجميع اقولها وبكل ثقه ( اقسم بالله العظيم ) اني كتبت الموضوع اليوم بعد ما وجدت الردود الخارجه عن المواضيع وقلت في نفسي افتح موضوع واسميه هياط وهواش واللي براسه شي يكتبه هنا ولا يشوه باقي المواضيع بالردود ومضايقة اصحابها ..

في انتظارك تقدم رابط الموضوع الاساسي وصدقني لا اتهمك بالكذب ربما كتبت شي انت تراه يشابه احد المواضيع ولكن هذا الموضوع انا من كتبه ..

اهلا بك اخ كريم ولك الشكر والتقدير على ردك الجميل وابداء رأيك للقراء الاعزاء ..

ولك الحريه المطلقه بالرد والكتابه هنا وتم الرد عليك ..


لك انت وغيرك من الاعضاء الاعزاء النقد ولكم الحريه المطلقه بالكتابه وانا كذلك يحق لي كما يحق لكم ..

[تركـي]

هلا فيك .. شاعر الأماكن ..

الهيااط والهوشات .. ميزة في القسم لبعض الآعضاء
وحلاتهم في هوشاتهم ..
طبعا الهوشات الحوآرية اللتي ينتج عنها أفكار .. تظهر بنفس اللحظة ..

لكن ما يكون فقط مجرد هيآآط زآيد .. هو يعبر عن صاحب المعرف ..
ويعبر عن رأيه وفكره .. ..

ونحن هنا آعطينا لكل الآعضاء كامل الحرية ..
مالم يكون هناك شخصنة أو تعدي على الحقوق ..
وهنا يأتي دور الضوابط بضبط الغير منضبط .. < وش رأيك يصلح بيت شعر .. !!

ونتمنى من جميع الآعضاء .. ضبط الآعصاب وتقبل الآراء والأفكار ووجهات النظر ..
وليتذكرو بأن كل عضو أو عضوة يعبر عن نفسه وفكره ..
ويمتعونا بأفكارهم الجميلة .. والوجه الآخر الذي يمتع المتابعين ..

شاكرين لك تفاعلك .. ووجهة نظرك ..
وكل التقدير لك ..

[امرؤ القيس]

فكرة جيدة وجديدة منك أخي شاعر الأماكن

وبطبيعة الشعراء مرهفي الحس فهم لايحبوا رفع الصوت والحوارات الساخنة

أخي يمكن أنا أحد المعنيين بهذا لكن الأمر لايتعدى كون تصفية من يتعدى محيطة ويقفز على محيط الآخرين عندها يأتيه أرصة ودن غير مثيرة للغبار لا أكثر !!

فتعود الحياة طبيعية

[شاعر الاماكن]

اقتباس:  المشاركة الأصلية كتبت بواسطة تركـي     هلا فيك .. شاعر الأماكن .. هلا بك اكثر اخوي تركي الهيااط والهوشات .. ميزة في القسم لبعض الآعضاء وحلاتهم في هوشاتهم .. نرحب بالجميع طبعا الهوشات الحوآرية اللتي ينتج عنها أفكار .. تظهر بنفس اللحظة .. هذا هو المطلب الخروج بـ افكار لكن ما يكون فقط مجرد هيآآط زآيد .. هو يعبر عن صاحب المعرف .. ويعبر عن رأيه وفكره .. .. موجود كثير من هذا النوع ونحن هنا آعطينا لكل الآعضاء كامل الحرية .. جميل جدا اعطاء المساحات والحريه للاعضاء للتعبير .. مالم يكون هناك شخصنة أو تعدي على الحقوق .. وهنا الاجمل وهنا يأتي دور الضوابط بضبط الغير منضبط .. < وش رأيك يصلح بيت شعر .. !! لله درك من شاعر > اشتغل الترفيع ونتمنى من جميع الآعضاء .. ضبط الآعصاب وتقبل الآراء والأفكار ووجهات النظر .. وليتذكرو بأن كل عضو أو عضوة يعبر عن نفسه وفكره .. ويمتعونا بأفكارهم الجميلة .. والوجه الآخر الذي يمتع المتابعين .. بالفعل نتمنى ظبط الاعصاب وتقبل الرأي الاخر بصدر رحب شاكرين لك تفاعلك .. ووجهة نظرك .. وكل التقدير لك ..

الشكر لله من قبل ومن بعد
شكرا الف تركي

[وَ مَـآذَآ بَعْدّ ♛]

هههههههههههه .. الخ ، موضوع رائع جداً
اتحفتنا شاعر الاماكن صراحة =))

ألف شگر على الفگره الجهنميه >> رازتن خشته ّ/-.-\ّ

فاجتن خشتي احتري اي هياط علشان اخطم *