اللي يبي يهايط ويتهاوش يرفع اصبعه !!

[شاعر الاماكن]

السلام عليكم ورحمة الله وبركاته

اسعد الله مسائكم بكل خير ..

تم افتتاح هذا الموضوع يوم السبت

1/12/2012

فكرة الموضوه بسيطه جدا وهي :

حاب تهايط ؟ حاب تتهاوش مع احد ؟ حايمه كبدك من عضو ؟ حاقد

على احد من الاعضاء ؟ حاب تتهكم ؟ راز خشمك على الفاضي ؟

مالك خلق تكتب موضوع او ترد على موضوع ؟ شايل بقلبك على

واحد من الاعضاء من سنة جدي ؟ في راسك حب ما طحن ؟ ودك

تنتقد احد ؟ ودك تفش خلقك ؟ موعاجبك احد ؟ مسوي نفسك شي

وانت ماحولك احد ؟ حاب تستخف دمك ؟ لايعه كبدك من المنتدى ؟

فاضي ماعندك شغل ؟ رايق وفايق ؟ ودك تسولف ؟ تبي تقول شي

ومو عارف وش تقول ؟ في الطالعه والنازله تبي محارش ؟ حاب

تنكت ؟

لا تستغربون

من طرح الموضوع العجيب والغريب !!

بعض المواضيع في ( المجلس ) ملاحظ عليها اشياء كثيره ويمكن

انتم لاحظتوا هالشي ..

قلت انزل هالموضوع عشان ما احد يشوه المواضيع اللي يتعب

عليها كاتبها ويعصر ( مخه ) عشان تطلع معه وفي النهايه ( تخرب

) ومن اول رد تنسد نفسك من القراءه وتحس الموضوع دخل فيه

سواليف وهياط وتنكيت وخفة دم ويتشوه الموضوع ويتشتت فكر

الاعضاء والكاتب يطنش موضوعه ولا يرجع يرد والسبب ( بعض

الاعضاء الله يهديهم ويصلح حالهم مطفين النور وصايرين خارج

التغطيه ) ..

وسعوا صدوركم وتفضلوا كل واحد يقول اللي بخاطره اهم شي لا

يحط راسه على المخده الا وهو مرتاح ومطلع اللي بقلبه ..

شروط الموضوع



اتمنى من المهايطيه وحقين الهواش تبادل الهواش والهياط بأدب واحترام ..

قول اللي بخاطرك كله بس انتبه ( تسب او تقذف او تتكلم بشخص غايب ومنقطع عن المنتدى له فتره )

الموضوع مفتوح للجميع واهم شرط تهاوشوا بحترام وبأدب خلوا

الناس يقولون ما شاء الله عليهم كبار وعقلاء وحتى هواشهم بأدب

وذوق !!

الموضوع

ما اخص فيه شخص معين لا احد يجيني مطفي النور ويقول يقصدني . انا اتكلم عن المواضيع كامله وحتى مواضيعي ما سلمت من خفة الدم والملاغه يكتب الواحد موضوع ويجيك واحد يتكلم في شي خارج الموضوع

لكم المايك