السلام عليكم
يقولون إن فيه هاك الرجال وزوجته ويمزحون مع بعض .. وكانوا مختلفين بين الرجال والنساء أياهم أحسن حيلة .. المهم ترااهنوا على جائزه للي يصدق دعواه ببرهان يعني يدعي شيء ويثبته بالبرهان ( بالحيلة طبعا ) بشرط إنه مايغضب خويه
وكان بيتهم عند الساحل ، فقامت الحرمه وملت الراويه ( زي القربه ) ماء وحطت فيها سمكة حية .. وكاانت الرااويه كبييره مررره ..
وصارت تتابعها إلا نقص الماء زادته وتعطي هالسمكه أكل إلين كبرت
عاد يوم شدوا في الربيع للبر ومعهم الراوية قالت لرجلها في أحدى الأيام : ظنك في هالمحل سمكة حية .
قال : لا هين مااااااااااااااااافيه
قالت : إلا فيه
ضحك عليها وقال يالله جيبيها ولتس جمل وإن ماقدرتي خذت جملتس .
قالت أبشر .. وطلعتها من الراويه
قال : حطي عليها غداء وأبلعب على الجماعه علشان أكسب رهانهم لإنهم مهب مصدقين
راحت الحرمه لمهم وقالت لهم ترى خويكم مجنون وعقله خفيف مدري وش جاه يقول إن فيه سمكه فيذا ولو أبي غديت الجماعه عليها ( هي تبي تقوي عزومهم علشان يراهنون زوجها )
صدقوا الضعيفين وراهنو رجلها .. يوم قام يجيب الغداء قالت أمسكوه أبجيبه أنا لياه ينحاش .. عاد هم صدقوا وضمنوا إنهم بيكسبون الرهن وضاعفوه ..
وجابت لهم الغداء وكسبت هي ورجلها الرهااان
وصارت الحرمه أحيل من الرجال
ههههه
العرض العادي
