السلام عليكم ..... كل عام وأنتم بخير ......

[ولد فطيمه]

حمداً لله على سلامة << المنتدى>>


شكراً لك<< أبا نوره >> على الاعتذار والتوضيح ...



أشتقنا لكم يا << التاج.. البارق .. ابو تركي >> ......



أتمنى للجميع الاعضاء والمشاركين أن يكونوا << وفقوا>> في قضاء أجازة سعيده في << ربوع >> مصايفنا الداخليه << الرخيصه >> .....



أو بمنتزهات بريده الغناء << وما أكثرها >> ....



يارجال << حدك >> مخطط الرواف أو الدائري .............

أوتستأجر أستراحه بـــ <<500 >> ريال مادرى وش علىه هالغلا .. ماتقول مستأجر سويت بألانتر على شاطىء الريفيرا !!!!


الحقيقه مســــــاكـــــيـــــن................. من هم ؟؟

مساكين أصحاب الرواتب المتدنيه ... وحريمهم ماترحم ..... كل يوم بأستراحه وخذ يـــا << قطات >> هذا أجار الاستراحه وهذا حق العشاء ..



هذا غير مايحمل من البيت من صياني << الحلى >> والكراث وملحقاتها ... وأن سلمت صياني البيت لازم تمر بـــ << الحرم المصون >> على أصحاب الحظ السعيد << الارياف ... روز .... >> ومن هم على شاكلتهم


أنا ما أدرى وش << يبد >> عليه هالراتب ........... وأخرتها / أختي حصه بأبها ودنا نروح لمهم ....!!!!!



حسبي الله عليها .... من هي ؟؟



اللى ماترحم ولاتقدر وضع زوجها المادى .............



ولا هو مسكين ماله حيله !! لازم يرضيها !!!

[الرحـّـال]

وعليكم الســلام ورحمة من الله وبركاته0



هلا وغلا اخـــــي الغالي......................ولد فطيمة0



وشوق الكثير وانا احدهم لمواضيعك اكثر بكثير من شوقك للمنتدى00









تحياتي
و


تمنياتي لك وللجميع بالتوفيق...



اخوك ابو احمد

[التاج]

[c]يا هلا بالعسل والمسك والعنبر[/c]

[c]يا هلا بأخ الجميع ولد فطيمة[/c]

[c]اشتقنا لقلمك ولصولاتك وجولاتك[/c]

[c]أتمنى أن تكون قد استمتعت بالإجازة [/c]

[c]أما الراتب فهو الخاسر الأكبر من أي إجازة[/c]

[c]والاستراحات ما شاء الله لم ينقطع عنها الناس أبداً[/c]

[c]وبيت الأهل والإخوان والأخوات عامرة[/c]

[c]والمطابخ والمطاعم ومحلات الحلويات ربحوا [/c]

[c]كل ذلك على حساب ( مخباة ) رب الأسرة[/c]

[c]وقد يكون السفر إلى أحد المدن أقل كلفة من الجلوس في بريدة[/c]

[c]وأهم شيء الونااااااااسة[/c]

[c]تحياتي لك[/c]

[c]التاج[/c]

[الطشت]

اهلين ولد فطيمة.


يتضح اننا بالهوى سوء.


لكن الا تلاحظ ان اصحاب الدخل المحدود والذي نمثله يشمل شريحة كبيرة من

افراد المجتمع دائما هم الذين يتحملون الزيادات على الخدمات والسلع الاساسيه والكماليات التي يتم اعتمادة بالدوله


وبالمقابل منذ حوالي عشرين سنه لم يتم اعتماد اي زيادة على الرواتب التي

يتقاضونها .

[البارق]

[c]

بولد فطيمة
اجازة سعيدة إن شاءالله
والله مشتاقين لك ولكتاباتك
والحمد لله يوم الله ((جابك ))

وبسبب ماذكرت من استهلاك واستنزاف رب الأسرة
سمعنا الكثير منهم يقول الله يجيب الدراسة ويفكنا من الإجازة
لكن انا اقول :
يا رجال اصرف وانبسط وردد (( أنفق مافي الجيب يأتيك مافي الغيب ))

وتقبل

[/c]

[السالمي]

مرحبا ياولد فطيمة وكل عام وأنت بخير



وشكراً على طرح هذا الموضوع الجميل والحقيقة أتعجب من المشرفين هذا الترحيب الحار لسعادتكم أكيد فيه شئ !!!!صياني حلى والله يمكن ماندري؟؟
عمومأ لاتنسونا .





تحياتي

[ولد فطيمه]

آمل مراعاة تجاوبي معكم حسب التسلسل ......


والله أحرجتموني أيما (( أحراج )) ووالله ماكان الانقطاع الالظروف الاجازه و(( التسحيب )) و(( العاقل يفهم )) .. والله لويستغللن مهارتهن التسحيبيه أن يروح(( الثنيان ومحيسن )) وطي ! !


أيام كنا (( طلاب )) كنا نفرح بالاجازه وننتظرها على أحر من الجمر وبعد أن ((كنا )) محبوسين داخل (( القفص الذهبى )) (( صرنا نطالب بتقديم (( الموسم الدراسي )) آمل منكم أحبائى تفسرون لى الوضع وخصوصاً أنت يــ (( الطشت ))

أسير الغربه/////

اشكرك كثيراً على شعورك النبيل وهو(( متبادل )) ولله الحمد


الـــــــتــــــــــــــا ج////////


العسل والمسك والعنبر (( أنت منبعه )) ونحن (( أرتويناه))
والله يالتاج من يوم قلت (( أهم شيء الوناااااااااسه )) عرفت أنك مابعد تورطت ... أذا صدق (( حدسي )) لاتنسانا بدعوات (( النشبه)) آسف قصدى (( العرس)) وأن لم يصدق(( حدسي )) فأنت توك بـ ((العسل)) ماوصلت للــ (( ......))


الطــــشــــت //////


ما تلاحظ أننا كلما أبتعدنا عن(( السياسه)) ترجعنا لها (( وش قصة أهلك )) يـــا طشت أو أنك مصدق أنك اداة (( للتنظيف)) لا ... لا ..... هالحين تدرى وين محلك ؟؟؟
العب بعيد ياطشت ...................................... بدون زعل ...


البارق /////

تواصلك وتجاوبك داعم لى ولزملائى للتواصل سر ونحن معك ومصلحة (( بريده)) هدفنا شكرى الخاص لك....


السالمــــى ////////


ياسالمى الحلى لو جبناه ماهو قدرك ...... بعين لايكون المشرفين (( يسترزقون )) وحنا ماندرى ...... وضح ياسالمي وياصلك كليجا (( عجوز أضراس )) وهذا (( حدنا)) بالحلى الى أن نجيب اللى تقول (( شو بدك .. عويناتك حلوات كتير ... )) وتشوف الحلى على (( أصوله )) .... شفر ياتاج !!!

[التاج]

أخي السالمي

وهل ترى أن ولد فطيمة لا يستحق هذا الترحيب ؟

بل أنت من يبحث عن مشاركاته دائماً

أم تبحث عن ( تبليشة وحدن منا ) !!

على العموم ولد فطيمة عزيز على قلوب الجميع

ويعتبر من أعمدة منتدى بريدة الخاص


أخي ولد فطيمة

توقعك قاب قوسين أو أدنى

وإني أظنك قادر على استبطان الأفكار من خلال الردود

(( أثاريك منت سهل ))

عاد لا تصدّق

وأبشر بيوم يجمعنا !!


تحياتي للجميع

التاج

[السالمي]

أخي ولد فطيمة
الكبير كبير ياولد وكلك أبو المفهوميه.
وبعدين مافيه أحد من الخوات الكرام ترد عليك وتوقفك عند حدك ياالنصراوي
( والله غريبة من الأخت شقردية)

التاج : بالعكس ياأخي والله يستاهل ونصف لكن خلوا شوئ من الترحيب لنا(مزحة) وألف مبروك ياولد فطيمة على هذا المديح















تحياتي

[ولد فطيمه]

ياسالمي من منا لايتمنى النصر والعزه للاسلام والمسلمين ..


أنا كل خوفي أن أحبائي رواد المنتدى يروح با لهم لنصر (( أبو خالد )) والذي أنتهى من (( زمان )) رياضياً .......


وبعدين أنت قاعد (( تشيش )) على الحريم والبنات حتى بــ (( النت )) فكنا يالسالمي ترى اللي فينا كافينا !! والله أن (( تسلطن )) على بنات حواء لأتركن لكم (( الجمل بما حمل ))..



خلنا من (( الطشت )) وأنت حادر ........ بدون زعل يالطشت بس الصراحه أنك قاهرني من أسمك !!!!!

[ولد فطيمه]

أحبائي ......... أولاً أنا ولا فخر (( سي السيد )) بالبيت وهذا توطئه لما سيأتي .........


أثناء تصفحي لهذا الموضوع (( داهمتني )) وزارة الداخليه لاتروحون بعيد أقصد (( حرمنا المصون )) فلحظت مدى (( أرتباكي )) مما أسترعى انتباهها (( شرافتها )) فما كان مني ألا ومن باب (( الديموقراطيه )) ألا أن تركتها تطلع عل ما يحتويه المقال والردود


يا كـــــــــــــافــــــــــي .... على هذا الكم الكبير من (( الدواعى )) جمع (( دعاء )) ولكنه (( عليك )) وليس (( لك )) على كاتبه فهو يقصد (( تخريب )) الازواج على زوجاتهم وهي لاتعلم أن هذه (( الدواعي )) تنصب فوق الفقير (( زوجها )) الذى بدأ يردد (( أستغفرى يابنت الحلال )) دون جدوى !!!



وش وش (( أسنع )) ؟؟؟

[السكب روح الشفق]

ولد فطيمه


تصدق انا ماصرفت ولا ريال في اجازة هذا العام


يعلم الله ان ولد فطيمه من الشخصيات التي اتمنى ملاقاته

في هذا الدنيا الفانية واسئل الله العلي القدير ان يجمعني به في مستقر رحمته

قولوووو امين

[السالمي]

والله ماخبرتك ذروق ياولد فطيمة لكن الظاهر إنك تمشي على قاعدة من خاف سلم . (غريبة والله) قاعد تجرح وتتكلم عن الحريم ويوم دخلت عليك المرة خنيتها عجبي عليك يازمن .




عمومأ شباب بكذا إنفضح المسكين وكان كل همه يشب علينا الحريم وهو بعيد.
.
.
.
لاتصدقونه .....................لاتصدقونه










تحياتي

[ولد فطيمه]

يالسالمي ميحتاجن (( شب )) هن شابات شابات (( ليس جمع شابه أى صغيره )) ولكن شابات نار .........




والمشكله أننا (( ويجب عليك الاعتراف )) راضين بالهم والهم مارضي بينا .............



المهم ماودنا (( نوحش )) الشباب (( خلهم يتورطون )) وخصوصاً (( التاج )) والذى أتوقع أن يتحول بقدرة قادر الى (( دبله )) لا ولا يفوتك السكب ........ والذى شارك على أستحياء ..........


أعلنوها بالفم المليان حنا (( شباب )) هاليومين (( غير )) راحو راعين الصولات والجولات واللى باقي منهم عرف أنه لابد من مسايرة الوضع والمجتمع ............


عطنا (( الصدق )) يالسالمي بس لاتشوف (( المدام )) شيء

[السكب روح الشفق]

ولد فطيمه


بتكون انشاء الله على راس المعازيم الصيف القادم



وبعدها اسئل السكب هو يكره الاجازه او يحبها



اقول عين من الله الخير وتب الى الله وتزوج الثانيه



الله يستر عليك اليوووم ودوووم



لك شكري وثنائي