ياللي طعنت القلب إرحم ضريرك !

[ميمي نايس]

.. مساء الخير ..

يا منشغل عنـّي بغيري من الناس
ماعاد يعنيني من الناس غيرك

لو ساق قلبك بالهوى شوق وإحساس؟
إعلم انا كلي تراني مصيرك

ما يلتهي قلبي بستـّين هوجاس
فضآي مامرّه [هوى] غير طيرك

ولو ينتشي عقلك مع ألفين خناس
هذا القدر مكتوب مع خط سيرك

كمّ هزّني بَعدك من البُعد وسواس
خوفي أنا والقلب نفقد ضميرك

عاشر من اللي تعْرف أشكال وأجناس
دامه يساوي عندي فيّك / هجيرك

ياكيف أعبّر عن حنيني بكرّاس
تدري خلاص / وكثـّر الله خيرك:

روّح ولوّك كنت للرّوح أنفاس
هذي جروحي نازفه من حريرك !

خل التعاطف إقرب وبوس هالراس
لجل المحبه / لجل يرضى صغيرك !

وخل المكابر حطّ فالبال نبراس
ياللي طعنت القلب إرحم ضريرك !

اللي مقدم لك زمرد وألماس
ماأشغل أفكاره من الناس غيرك !

رااقت لي

[فـــارس]

كلمات وابيات رائعه
لاهنتي ميمي نايس

[المنغره]

جميله جدا

الف شكر
~

[بسومة بريده]

كلمات بسيطة ومعبره...

شكرا لك..

[إحسآسهآ رآقي]

صح لسان شاعرها

و سلمت أنآملكِ عزيزتي

أبيات جميلة وراائعة

و ننتظر جديدك بَ كل شووق

خالص تقديري لكِ

[ملكه بعز الخوالد]

صوت انسكاب عطر قلمك طغى

فـ لحرفك رنين اناقه وتالق

سعدت بالقراءه لك