ماهو من اللي بالمجالس يهلّي

[عائض البشري]

السلام عليكم ورحمة الله وبركاته..
اسعد الله اوقاتكم بالخير والمسرات ..
مشاركة متواضعة ارجوا أن تنال استحسانكم ورضاكم..

[poem=font="simplified arabic,5,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black""]
جارٍ يجيب العار خلّه يولّي= ما ينبغى قربه عساه الذهابي
عقد حبالٍ عقدّها ما يحلّي = واصبح علينا اليوم هم وعذابي
ماهو من اللي بالمجالس يهلّي = يكثح على وجه السفيه الترابي
درب المراجل والمعزة معلّي = صعبٍ تطوله يا كبير العلابي
تشبه لثور بالمفالي مفلّي = ياكل ويشرب ما يهمّه عتابي
دايم على الجيران شرّه مدلّي = لو طبّ له ريضان صارت خرابي
يالله دخيلك قربهم ما يسلّي =عقرب وصرصارٍ وحيّة ودابي
عدّة سنينٍ جارهم وش حصلّي = ما غير واحدهم يهوش ويبابي
بيتٍ بلا سيسان ما يستظلّي = ينعق عليه البوم هو والغرابي
قلب العناء بين الحنايا يتلّي = يوم الخلايق جنبت لصوابي
كم واحدٍ في حفرة ابليس زلّي = يطرد وراء دنيا الشقاء والسرابي
من هو حسب يوم الترايب تهلّي = من فوق راسه وانتبه للحسابي
لاضاق صدر من همومك وكلّي = حطك زمانك بين ضرسٍ ونابي
حث القدم واحيا الهمم لا تخلّي = يغلب عليك اليأس وانته شبابي
شوف الفياض المزهرة ما يملّي = توِّه مساقيها حقوق السحابي
ممطر عليها عصيروالصبح زلّي = ليننّها فاضت شعاب وهضابي
ريح المطر مع طلعت الشمس حلّي = يذهب هموم القلب والجرح طابي[/poem]