آسئل عن البنت إذا جيت تخطبها .. عكس المعادله ..!!

[تركـي]

السلام عليكم ....


من المعروف كما جرت العادات والتقاليد ..
آنه في حالة خطبة البنت في المجتمع السعودي ..
يكون قبل آجراء مرآسيم الملكه والخطبه .. ومن بعدها .. الزواج ..

سؤال ..؟؟

عن الخاطب ..
وتختلف العادات بين مناطق المملكة ..
منهم يهتم بالآستقامة والدين والصلاة وسؤال آمام المسجد
هل هذا الشاب يحضر للمسجد ويصلي ..
والبعض يهمه تأمين بنته .. من خلال السؤال عن مصدر دخله
والوظيفه اللتي يشغلها بغض النظر عن الأمور الآخرى ..
وشكله والبعض عن وسامته بطلب من البنت ..

والبعض يسئل عن .. العائلة المتقدم منها الشاب ..
وشهم من لحيه ووش آملاكهم وآيش موقعهم في الخريطه .. ؟؟

واذا .. صار مدخن .. بعييد لا يقربنا ..
بينما تجد .. هذا اللي يدمح الدخان سارق نص آملاك الدوله وحلال عليه وبينما الدخان بنظره .. جريمة وأن هذا المدخن .. من المسجلين الخطرر ..
أو اذا كان مسافر بشبابه ولو مع آصدقائه رحلة قنص أو أي رحلة بريئة ..
هذا .. راعي سوابق وراعي حريم وراعي مرآقص .. وجواز السفر .. حقه مجدد 4 مرات ..
وسوريا ومصر والمغرب والبحرين ودبي .. خط آحمر ..
هذا اللي رايح للدول ذي آنتبهو منه .. وكأنه داخل عليهم ومعه
رقاصه يوم يجي يخطب ..

يعني هذا الولي للفتاة ..
يريد ( صحابي ) ..
ونحن في عام 2012 ميلادي ..
والآ آحجر على البنت حتى تعنس .. والآ تخرج عن النص بفعل هذا التشدد .. وعموما هذا لا ينطبق على الكل ولكن هو مشاهد ووآقع ..
في بعض العوائل ..

نجي للبنت ..

في الشوفه الشرعيه وبعد ما آشوفها واذا آعجبتني ..
مايكفي الشكل .. وآدرعم .. على طريقة .. آكشط وآربح ..

يعني مثل ما أنتم تسئلون انا بسئل .. عن هالبنت ..
وش يدرين آنه تصلي .. جيبو لي ورقه من آمامة مسجد تشفع لها ..
جيبو لي فواتيرها .. حقات آجهزتها .. من تكلم .. يعني وحده بوحده ..
مو آنتم تسئلون عن سلوك الشاب ..
ويجب يكون معك جلسه معها .. بحضور وليها تشوف تفكيرها وتوجهاتها .. يمكن بعد تصير .. ترلللي ..
يعني من برآآ الله ومن جوآآ يعلم الله ..
الباقي ..
تعرف تطبخ .. تعرف تكوي .. تعرف تجملك بحضور ضيوفك ..
تعرف ترآعي مزآجك ..
آسئل ابوها وقل ماشاءالله سافرتو العام بالصيف ..
وين رحتوو ..
آسئله قل حضرتوو حفلة نانسي عجرم ..
وفيلم ..اللمبي الجديد اللي لسآآ مانزل ..
وبأي فندق سكنتوو ..
بيجي يقولك اي والله آستانسنا ..
نط فيه وقل يوم آنك تسئل عني .. وين سافرت يالسرسري ..
يعني حلال عليك وحرآم علينا ..
بنتك .. وش لابسه هناك ..
جينز سبورت ولثمه وعباية كتف..
والآ قميص روز وعباية ومدآسيس .. ؟؟

برأيكم آلم يحن الوقت للسؤال عن البنت خاصة في هذا الزمن .. ؟؟
وبظل الآنفتاح والتقنيات الحديثة .. ؟؟
والآ اللي سبقوك .. ماضرهم ..
مثل ماسوو توكل على الله وعلى اللي تجي عليه ..
يمكن بعد تصير .. دآعيه .. وآنتي ماتدري
ويمكن تصير ملكعه .. وفاهمه آحسن منك ..
يعني بكل الآحوال .. هي رآعية كيد وكسبانه والقانون معها بالسعوديه ..


عااد ترآآ هذي مو من هرطقاتي ولو آن فيها جزء بسيط ..
ولكن من هرطقات ( لورنس ) يوم رآح يخطب يقول بسوي كذاا ..
هل بعض السوالف فعلا نحتاجها .. ووآقعية ..
أم تروح على ضحكة .. ويادار مادخلك شر ..

دمتم بخير .............