السلام عليكم ورحمة الله وبركاته ,,
مسائكم غفران من الله وبركات ,,
ابرز مايميز ( الطفولة ) _ في نظري _ انها ماوصلت للخط الاحمر من نواحي كثيرة
وفيه ناس يحبون الطفولة عشان الشقاوة والمرح بدون قيود
الغريب ..
على براءة هذيك المرحلة بعض الناس مايحن لها ولا يتلذذ بالرجوع لذكرياتها ..
بالنسبة لي اعتبر مرحلة طفولتي _ حلوة _ لكن مو تجنن !
رغم اني والحمدلله ماعشت قسوة او ظلم او شتات ..
كنت طفلة مسالمة وأخاف وأتنازل (ومازلت) ماأعرف اطالب بحقي لو يوخذ ,, خاصة لما يجيني هوش او تهديد حتى لو اكون مو انا الغلطانة وكنت استحي ومو جريئة وااجد ..
وكنت ماأبي احد يقولي شي او يرفع صوته بسرعة ازعل _ يمكن لأني اصلا ماأحب أغلط على احد _
وماكنت فرفوشية واجد .. وكنت حساسة مازلت اذكر الناس اللي جرحوني رغم ان المواقف ماتسوى مرة .. وبنفس الوقت مانسيت الناس اللي قالوا لي كلمة حلوة او تصرف حلو .. ياشين الطفل الحساس .
هل يمكن يكون الطفل الشقي هواللي يستمتع بطفولته اكثر !
عندي احساس انو هذا سر الاستمتاع بالطفولة ؟
اذا كان صح ماأقول الا الله يعوضني خير وكل الاطفال الهادئين والمسالمين ...
العرض الشجري