[frame="10 80"]
أدورك من مدة .. هــــــــــــلا فيك جيـــت منين
هـــذا منزلك بين المعاليق مـــــــــــاشلته
تصبرت عنك في وعـــــــــــــود الليــالي لين
ذبحني غلاك وموعدك طال مــــاطلته
أبي أقــــول كل اللي على خاطري الحين
وأنـــــــــــا خابر إني بجرحك حيل لاقلته
قبل يــاخذك مـــــاكنت بالشوف تملا العين
وحتى كلامك لاسمعته تثــــــاقلته
وبعد ماخذاك وغبت عني ولا أدري وين
كبرت بعيــــــــوني والجفــــــا مــــــاتـحـملـته
اثر قيمة اللـــي في يدينك إن خسرت تبين
وهو قبل عندك في يدينـك وتجاهلته
أحبك كثر مـــاكنت ســــــــــــــالي مع السالين
كثر مــــــــــــابكاني دمع عينك وهملته
تصــــــــــــدق بديت أحس بمــفـــــارقك بعدين
عذاب الطريق اللي مشيت وتساهلته
ذكرتك وأنـــا من عـــادتي مااذكر المقفين
زمــــــاني بدونك كارثه مـــــاتقـبلـتـه
أنا اذكر تعـــاهدنا ودعيت إنت وقلت آمين
عسى حبنـــا بــ أعلى المراقيب منـــزلته
أنـــــا وإنت مــــــاننسى بعض دامـــــــــــنا حيين
هـــذا عهدنـــا ولا إنت نـــــاسي وبدلته
عمومــــاً أنــــا مــــاقلت هذا عشــــــــان تلين
نصيبي حصل لــــــو كان مابيه حصلته
فمان الكريم وجعل ربي بعدك يعــــــــيــــن
فداك الخطا كله مـــن اخــــــــــره لآولته
مرد الليــــــــــــــالي كان شانت معاي تزين
يــــــــــاكم واحد راضته قبلي امزعلته
يجيب الزمـــــــان غالي يكفي عن الغالين
ينسيك كل النــــــــــاس من يوم قابلته
وإذا كـــــان ليه دين عندك فداك الدين
وقلبك من العهد القديم إنت حلـلـته
أنا قلت كــل اللـــــي على خــــــاطري الحين
ولاعاد باقي شي للحين مـــــــــاقلته
[/frame]
قـلبـــــك ... مـن العـهـــــد الـقــديــــــم إنت حـللـتـــــه......................
العرض الشجري