[ سيدتي ] لايردك إلا أوباما ..!

[أبوبسام]

الموضوع فيه سخرية،
ولعلنا نستفيد منه بجوانب أخرى مهمة ..!

[justify]

الخبر الصحفي يقول :
طالب سعودي مبتعث من أحد معاهد السعودية إلى أمريكا ترافقه زوجته وأبناءه .. واعتاد ضرب زوجته وشتمها في السعودية وفي مقر عمله الحالي .. وبعد أن طفح الكيل بها؛ اتصلت زوجته بالشرطة الأمريكية وخلال ( عشر دقائق ) وصلت أكثر من ( خمس دوريات ) .. وتم التحقيق مع الزوجين بشكل منفرد، وبعدما تأكدوا أنه اعتاد ضربها مراراً؛ تم حجز الزوج في الشرطة، ونقل الزوجة والأطفال إلى فندق مع حماية كاملة .. وتكفل الشرطة بأيصال الأبناء إلى المدرسة وأرجاعهم وصرف بطاقة تحتوي على مبلغ نقدي للزوجة لقضاء مستلزماتها، وأخذ تعهد على الزوج بعدم دخول الحي بأكمله أو التفكير في زيارة الأبناء سواء في المنزل أو المدرسة؛ حتى صدور حكم من المحكمة .. وبعد ثبوت الحكم بأن الزوج مذنب قضت المحكمة للزوجة الاحتفاظ بالابناء وطلبت تطليقها، وتم لها ذلك .. وبعد المحاكمة قامت الحكومة الأمريكية بتوفير سكن للزوجة بالمجان وبعد مدة، تتملك البيت وتم توظيفها براتب مقطوع ( 2000 دولار )، وتم إلحاقها بالجامعة بأمريكا لمواصلة دراستها، وتغيير تأشيرتها من مرافق إلى ( لاجئة )؛ مما يمنحها في المستقبل الجنسية الأمريكية ..!

[/justify]

[shahd2007]

ي حياتي ي اللي هنا يطقن ويلعن خامسهن محد دراى عنهن
ليييييييييييه هم كذا ...!!
وهالخبل مايخلي طبعه حتى وهو مبتعث يحسبه بديرته يضربه ويقطع شوشته وعقب يقولون له اصلحوا

زمييل ابوي ..
استدعوه للتحقيق ببريطانيا لان ولد عمره خمس سنوات فييه مخش بجبهته اكتشفته مدرسه الروضه وتقول يمكن عنده عنف اسري
وجلس يحلف لهم ان طاح من الكنب وهو يلعب ومحد طقه

وين ابتهال واريج ووووو اللي طقن لمين ماتن محد دراى عنهن

[shahd2007]

الموضوع فيه سخرية،
ولعلنا نستفيد منه بجوانب أخرى مهمة ..!

مدام موضوع وفيه سخريه عن المبتعثيين
واحد قبل مده انهوا ابتعاثه من امريكا ورجعوه للسعوديه لان عياله يلعبون بالشارع ههههههه يحسبونهم بالنسيم
ويقولون مزعجين بالحاره والجيران ملوا من ازعاجهم تراهم موب وشسمه

[فديكا التميمي]

ياسلااااام
من سنة كسره وانا اقولكم ابي اغير الجنسيه
بس محد لقالي وجه

[أبوبسام]

أحد التعليقات تقول :

أي حرمة عايفة زوجها؛ لا يردها إلا ديرة أوباما​​​​​ ..!

الله لايحيجنا لهم طرفة عين ..

[شوكولاته بنات]

والله انهم شي مو هناا يابعد عمري هي تتحمل الضرب والسب عشاان عياله
ولوتشتكي كاان قاامت القيامه وصاار كل شي فووق راسه بس اوباماا هو الي
يعرف لسعوديين طلع العين الحمراء وادبهم واخذ حق هالمسكيناات

[مليار]

[quote][وبعد المحاكمة قامت الحكومة الأمريكية بتوفير سكن للزوجة بالمجان وبعد مدة، تتملك البيت وتم توظيفها براتب مقطوع ( 2000 دولار )، وتم إلحاقها بالجامعة بأمريكا لمواصلة دراستها، وتغيير تأشيرتها من مرافق إلى ( لاجئة )؛
مما يمنحها في المستقبل الجنسية الأمريكية ..!
/quote]

عشان السعودين مهمين لهم وضع خاااص

[هنري]

الخطأ بالأصل على الأنثى اللي تقبل ب ( حيْ الله ذكر )!!؟
فبدلاً من أن نستفيد من أمريكا بحلول المشاكل وتقطيع أواصر الأسره علينا منع المشكلة بالأصل.

[زهرة نيسان]

الله اكبر خبر مفرح ربي معها خصوصا انها وحيده هناك

والله يصلح حال المسلمين والمسلمات ونسأل الله العافيه والسلامه

[زهرة نيسان]

مجرد تذكير

قال تعالى

وَذَكِّرْ فَإِنَّ الذِّكْرَى تَنفَعُ الْمُؤْمِنِينَ

وقد جاء في الحديث النبوي استنكار الضرب: ألا يستحي أحدكم أن يضرب امرأته في النهار ويضاجعها في الليل؟"


وفي حديث آخر: لا يضرب أحدكم امرأته كالعير يجلدها أول النهار ثم يضاجعها آخره. رواه البخاري

‏ ‏
عن عبد اللَّهِ بن زَمْعَةَ -رضي الله عنه- عن النبي صلى الله عليه وسلم قال : ( لَا يَجْلِدُ أحدُكم امْرَأَتَهُ جَلْدَ الْعَبْدِ ثُمَّ يُجَامِعُهَا في آخِرِ الْيَوْمِ ) رواه البخاري


تهديد للرجال إذا بغوا على النساء
من غير سبب

فإن الله العلي الكبير وليهن وهو منتقم ممن ظلمهن وبغى عليهن "
وقوله ( إِنَّ اللهَ كَانَ عَلِيًّا كَبِيرًا )


وكان رسول الله يضرب بسواك

[روح لايسعهآ جسـد]

عز الله انها بنت رجال وجابتها
واا اوباااامااااهـ
وينك تشوف حالي ؟

[هلاوين]

اذا وصلت للطلاق تحصله بالسعوديه وشووله باميا اوملوخيه هههه

دمت بخير بسام

[طقاقة بدون مايك]

صحيح مَآ نيب آد1نيه سواق الشيوخ ذا أوبآمه!...‘‘..‘‘!!~

بس الـ حق ينقآل :

يَ لبيـــــه بس!...‘‘..‘‘!!~

[تركـي]

يجب الآ نندفع بمجرد خبر ..
لا يعرف عن مصداقيته ..
والآمريكان معروفين بشدة كرههم للعرب ..
ولنا في حميدان التركي عبرة بما يفعلونه فيه ..

وعلى أي آساس يمشون لها راتب مقطوع 2000 دولار ..
كل هذا حمية للمرأة السعودية ..

يازين ديرتنا ..
بس ..

[لعيون دودي]

اقتباس:  المشاركة الأصلية كتبت بواسطة هلاوين     اذا وصلت للطلاق تحصله بالسعوديه وشووله باميا اوملوخيه هههه دمت بخير بسام

هلاوين ...
مع شخص بتلك الاخلاقيات لن تنال طلاقها بالسعودية والذي هو حق من حقوقها.. واتوقع بانك تعرف الاجابه .. استغرب من شخص يعيش في مجتمع له قوانينه التي لا تحيد لشخص دون الاخر وخاصه في المعاملات البشرية ومع هذا تطاول وعرض نفسه للمهانه امام نفسه وابناءه للاسف !! اتوقع ناسي يظن انه لا يزال بالسعودية