منزل بمساحة ( 29.7 ) متر مربع ..!

[أبوبسام]

منزل على شكل المثلث ..!
إنه منزل على شكل مثلث، يقع فى ( طوكيو ــ اليابان ) .. وتحتل مساحة البناء 29.7 متر مربع .. ومع صغر المساحة؛ إلا أنك ستجد به كل ما يمكن أن تحتاجه للإقامة .. حيثُ تم تصميمه على عدة خدمات وجهات منها : منطقة لتناول الطعام والمطبخ، وتقع فوق الدرج مع وجود سقوف عالية ومساحة المعيشة منخفضة السقف، وفتح نوافذ كاملة على كلا الجانبين للإطلال على النهر، وهناك أيضا غرفة احتياطية للزوار .. وتبدو الترتيبات الداخلية لهذا المنزل لتكون الحد الأدنى من الإقامة وحسن الذوق وجمال الديكور ..!
\
\
\
\
\
\

\

\

\

\

\

\

\

\

\

\

\

\

\

\

\

\

\
\
\
\
\
\
\
الله يخلف بس ..!
الحقيقة حنا ماراح نبني مثله والظروف ( الروتينية ) ماتسمح .. لكن ليش بيوتنا على مساحة 700 وبعضهن على 1.200 متر مربع، وأسوأ تخطيط، والتكلفة بمئآت الألوف، وعدم استفادة لكثير من المرافق التي أصبحت مهجورة لتجميع ( الجن ) والسحا ..!

[قـتـالـه]

اقتباس:  المشاركة الأصلية كتبت بواسطة أبوبسام     وه ضاق نفسي ياشين شكله بالليل والله ياأمي بتطيع نحط غرفتها بالزرب القدامي :| بتقول وآآغربالي وان تصاغا وأول مايرتكز بالقاع راسي أصبحت مهجورة لتجميع ( الجن ) والسحا ..!

ازين كلمه قيلت بالموضوع

[shahd2007]

طيب وين مدخل الحريم ومدخل الرجال
ومجلس الحريم ومجلس الرجال
ووين يقلطون الذبيحه ولا يأخذون استراحه
موب زين يجيب الكتمه لا حوشه ولا ملاحق ولا سطح تقل بيت فاره

[شمووخ اثنى]

تصميم رائع

ياريت لو يرسل هذا النموذج الى وزير المالية ياهو راح يفرح فية

,.

[عمآآآد]

جمييل شكل المنزل

بس أحس من داخل أكبر حجم من خارج ..

[أبوبسام]

هلابكم جميع، مقدر لكم التواجد معي هنا بهالبيت اللي تقل ( جُبنة ) ..
تذكرون منول بيوتنا ( وأغلبها موجود الآن وربما عُدَل منه الكثير ) .. احسبوا معي المساحات : بلكونة عدد (2)، أسياب أو ارتدادات دار مادار على البيت، مقلط (1) مجلس حريم، مجلس رجال، صالة وش كبره وحوله سبع بيبان، تقل بيوت أرانب، وغرفة خاصة للأب، من غير غرفة النوم حقته مع الأم، مكان الدرج مساحته وش كبره، الحوش حدث ولاحرج، الطاية أقصد السطح على كبر مساحة البيت ) وغرفة للبنات وأخرى للعيال ... إلخ .
هذا تخطيطنا منول، وكأننا نبي نعمَّر ألف سنة .. وراحت مساحات على الفاضي تصل إلى 150 متر بدون فائدة، وبالنهاية تلقاهم متحرجمين كلهم بالصالة ..!
والآن كما نشاهد في المناظر استغلال حتى لـ ( المتر الواحد ) بما يفيدهم وينفعهم، وبعض البيوت فيها أماكن شبه مخفية يستغلونها كمستودع صغير أو خزانة جدارية، وحتى السقف المستعار يُستفاد منه بكل شيء ..!
وراحت ألحين قولت تعالوا بالبيت نجتمع أو قولت ودي أعزم أخوياي، يالله ويالله توقف المسألة على تجمع بعض الجارات من النساء المجاورات لربة المنزل، وألحين الواحد بلشن بروحه، لاعاد يجمع الناس في بيته، إلا عاد اللي له ملحق خاصة منعزل أو شبة نار معتادة عنده، والآن الاستراحات والشاليهات بمتناول الجميع للتجمعات أو المناسبات الصغيرة أو الكبيرة، وبعض الناس بدأ يُفكر ويستغل الأرض شيئاً فشئياً فبدأ يستفيد من هذه الصور أو من غيرها .. فلو فكر الواحد في حاجته للبناء أو الأماكن اللي يحتاجها لـ كفتنا أرض مساحتها 350 متر .. يعني ( ربما ) مع تقدم الزمن تبدأ القطع السكنية عند ( منحها كثر منها ) أو توزيعها في المخططات أتوقع 100% أنها ستكون صغيرة غير النظام الحالي، وبدلاً من أي كون البلوك الواحد 20 قطعة يكون 30 قطعة بسبب الاستغلال السليم من الناس في بنائهم بيوتهم ..!



توافقوني ..؟

[ملاعب الأسنة]

ضاقت انفسنا ..فلما ضاقت اثرت سلبا على بيوتنا ....وساكنيها ,,,,,,,زرت بعض الدول الاوربية مثل بريطانيا ..فرنسا المانيا بلجيكا هولندا ,,,,,,فرأيت منازل صغيرة بحجمها ولكن كبيرة بحسن ذوق مصمميها ,,,,,,,

[القمر كله]

خطيييييييييييير بس لو هو اكبر اشوي

[شاها]

ياقنينه ودي آجرعه هه وس ذا
والله البيت ياخي آذآمو كبير ويطرد الخيل فيه
وهواء ربي وشموسه تدخله كل دقيقه
مالنا مقعد البر آرحم من 350 مو عاد علبه التونه حقت اليابانيين
آنا معك آن نصفه اذا مو ثلاث ارباعه مايستخدم لكن يشرح الصدر ويؤنس
عاد آآنتم يالرجال لو ودكم غرفتين وفوقهن شينكو من القهر بلاكم ماتنغمتون زيينا .

[كروومه]

والله ياخوي ابو بسام يوم شفت البيت

جتن كتمة وضيقه صدر تخيلت اني ساكنه فيه

حتي منضره من برا ضيق خلقي

اما كان البيت والحوش يتطارد به الخيل مب بيت

الله يرزقنا القناعه وحسن التدبير !

الف شكر اخوي ابو بسام على الصور !

[أم سلطان]

مادري به العساف ..

[فتاة غير]

منيـــــــــح بس شكله ضيق ويحشر

[شمووخ اثنى]

لا يوجد مقارنة بيننا وبين اليابان
لعدت اسباب نذكر بعضها
1- مساحة اليابان صغيرةواغلبها سلسلة جبلية ممتدة من الجنوب الى الشمال والمساحات المنبسطة قليلة جدا وحسب مساحتهم وامكانيتهم تكون منازلهم
2- المراة والرجل اليابانيين يقضون اغلب اوقاتهم خارج المنزل لانهم عمليين ولا يجتاجون المنزل الا وقت محدود للراحة
3- اليابانيين شعب مهدد بالانقراض لا يحبون الانجاب والحكومة تحاول في اقناع نساء اليابان في اهمية الانجاب اكثر من طفل
يعني المنزل الياباني لا يوجد به اطفال الا ماندر يوجد عائلات قليلة لديها ابن واحد ذكر او انثى فلا توجد زحمة وارعاج في البيت الياباني
4- الحكومة اليابانية متفانية لرفاهية شعبها ابحث عن نماذج افضل وتعال قارن

السعوديين1- مساحة السعودية واسعة وكبيرة جدا وعدد السكان قليل مقارنة بغيرنا
2- المراة السعودية تقضي اغلب وقتها بين اربع حيطان ويا الله تتنفس
من الحوش والرجل السعودي في الاستراحات والبر والمقناص
فليس من الانصاف ان تنسجن في متر في متر
3-العائلات السعوديةتتكون من 7 وما فوق ولا تعتبر غير مكتملة غير البعض لة زوجتان او اكثر وكل وحدة معها من الاطفال 7 اطفال
هذا يسبب زحمة في البيت وازعاااااج والبعض ياتي لزيارة والدية ومعة عدد كبير من الاطفال ويقضي اجازة عن والدية لاتقل عن اسبوع ولنا تصور الحال

4-المفسدين في السعودية يتجاوزا عدد اليابانيين وليس لدينا تموذج نقدمة للعالم لا المفحطين

[نواهل]

روعة العائلة تكون ملمومة وبالنسبة للعزايم بالاستراحات..
لا شغالة ولا شيء

[قـتـالـه]

حنا مشكلتنا بنا ثقل دم وبدن وقشنا ماهنا كثروه :|
يوم وريته امي قالت بلاهم الواحد لبدا يمشي تقل خوصه ههه
رجلنا عن اربع رجال منهم