ما بقى !
يمكن يخلينا .. اصدقاء ..
وط صوتك حبيبـي .. السمـاء تسمعـك !
ليه تفضـح زعلنـا البارحـة لـالمطـر .
ماتخاف إن لمحك تصيح .. جـاء يتبعـك
وتغرق هالمدينـة .. مـن سبايـب قهـر
صب كـل الحكـي بإذنـي ترانـي معـك
وإن سكرت .. إعرف إن عيني تحسبك خمر
ولا تقول الهبـوب اللـي مسـح مدمعـك
والله أن أربط يديـه .. بيديـن الشجـر ..
ما يمسّح دموعك .. غيـر مـن يمنعـك
ومن يبي يمنعك غيري .. مدامك سحر .. !
خلني بيـن قلبـك وبيـن نحـف أضلعـك
يمكن إن شافني قلبـك .. يـدور عـذر .
كنـك الرجـم .. وإيدينـي تبـي تطلعـك
وآتمايل وأصيـر .. معلـق ٍ فـي حجـر
لا وصلت لغـلاك .. ولا قـدرت أجمعـك
ولا بقى بيـن هالثنتيـن .. غيـر الصبـر
يا كبر قـدرك بقلبـي .. ويـا مسرعـك !
لا تمشيت مـع دمـي .. وأشوفـك تمـر
يوم كنت تحكي لي .. كنت أبوس إصبعك ..
ويوم طال الكلام .. شـوي قلـت : أنتظـر
لا رقيت لخدودك .. مـن يبـي ينفعـك !!
مـا يـرد الظـلام .. الا طلـوع الفـجـر
وط صوتك حبيبي .. لـو أنـا ماأسمعـك
مابي أحـد ٍ يشاركنـي .. بصـوت القمـر
يسمح لباقي مشاعرنا ..
بأحاسيس ولقاء !
(لشاعر .. عبدالله البكر)
العرض العادي
