كل سيدة اعمال او كل سيدة حابة تفتح مشروع ياريت تدخل ضرررررررررررررررررورى

[مهندسة معمارية]

السلام عليكم
اولا مش هطول عليكم بسيت انى حبيت ان اطرح الفكرة دى على سيدات الاعمال ببريدة خاصا وبالقصيم عاما
كتير منكم عاوز يفتح مشروع استثمارى وتكون نتائجة ومكسبة حلو ودا فى حد ذاتية شىء كويس بس
هل كل واحدة فكرت اية المشروع الى ممكن يكون مختلف وفعلا محتاجة البلد دى
انا هقولكم انا مهندسة معمارية وديكور وعندى خبرة فى شغل الخليج لانى اشتغلت مع مكاتب هندسية هنا بس فى بلاد اخرى مش فى القصيم
لية مفيش سيدة فاضلة من اهالى بريدة او عنيزة فكرت انها تفتح مكتب تصميمات معمارية وديكور هنا فى بريدة ويكون مكتب نسائى كامل متخصص لخدمة السيدات خاصا ان السيدات هنا هى الى بتحب تصمم بيتها بنفسها ودا فى حد ذاتة شىء جميل لانها بتبتنى بيتها بنفسها وبمساعدة سيدة مثلها هتقدر تفهما وتقدر تجعل الى بتحلم بية حقيقة امام عينها
والله العظيم الفكرة دى مربحة جدا ومشروع فعلا محتاجة البلد هنا خاصا ان بريدة وعنيزة من البلاد الجميلة جدا بس ناقصها المشاريع دى وكمان لانهم هنا مش بيحبوا الاختلاط فكدا هيكون احسن واضمن للسيدة انها تعقد مع سيدة مثلها وتقول على الشىء الذى تريدة من ديكورات او تصميمات او اىشىء من ذا القبيل
الموضوع دا مهم جدا خاصا انة موجود فى بلاد كتير مثل الرياض والدمام وجدة والمدينة ياريت يكون فى هنا مثلة
فارجو من كل سيدة فاضلة انها تقراء الموضوع دا بجدية واهتمام وتفكر فى من كذا ناحية وان شاء الله انا تحت امركم والى تحب تستفسر عن شىء تراسلنى على الخاص وشكرا جزيلا