حلم ظريف جدا جدا

[كاردكس]

[(( قصة طريـفة و يقولون واقعيـة ))*



جلس ذلك الرجل على السرير الأبيض ... في إحدى المستشفيات في بلدنا الحبيب .
وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه*
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزياره
وأنقز له على طول !
وأتشافا له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك إلا و ضحكهم واصل آخر المستشفى !
قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .
قال لي : طيـب ولا يهمك ... أنت مثل ما تشوفني مكسر ومربط بالشاش .
قلت له : أيـوه والله ... الله يشفيك .*
قال لي : يا طويل العمر أنا ساكن في شقه في الدور الثاني ، وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ... فلان بن فلان باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ... وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه 50 كيلو )) ، (( النار 100 كيلو ))
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ... وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل عالسواق وشفته معطيني ظهره ... هي أنت وين رايح ؟
قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني النار يا وجه النحس ؟!*
وألتفت لي ... طلع هو إبليس !!!
الله ياخذك . أنا من أهل الجنه .. ياحمار لا توديني النار .. أنا من أهل الجنه .
والله العظيم إني من أهل الجنه ، تو من شوي قايلين إسمي ، وقف ، وقف .
وهذا أنا أصارخ ... وهو بأنواع الضحكات الشريره هاهاها ... هاهاها ... هاهاها ...
قلت له : ياكلب وقف !!! أبي أنزل !!!
قال : والله الباص هذا مبرمج على انه ما يوقف إلا في النار ... تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ... في الحوش
!*


هههههههه*



*

[امرؤ القيس]

استغفر الله

يا أخي إذا كان الحديث نكته وليس بحلم حقيقي فلا يجوز الكذب بالحلم
[frame="1 80"]

كيف يكون الكذب في الرؤيا
كأن يقول الانسان بأني رايت في منامي كذا وكذا وهو يكذب في الاساس لم يرى شيئا

والدليل على تحريم الكذب في الرؤيا :
كما قال صلى الله عليه وسلم: (( من تحلم بحلم لم يره كلف ( أي : يوم القيامة ) أن يعقد بين شعيرتين ولن يفعل )) ، وعن النبي صلى الله عليه وسل مقال : (( من أفرى الفرى أن يري عينه مالم تر )) أخرجهما البخاري.
قال الطبري : ( إنما اشتد فيه الوعيد مع أن الكذب في اليقظة قد يكون أشد مفسدة منه .. لأن الكذب على الله أشد من الكذب على المخلوقين ، لقوله تعالى : { ويقول الأشهاد هؤلاء الذين كذبوا على ربهم } هود 18 ، ا ه. وقد ذكر الحافظ ابن حجر رحمه الله أن الكذب في الرؤيا من أعظم الأكاذيب .
[/frame]

فضلا على أن الحديث فيه سخرية بيوم القيامة وكيف يكون الحساب

[طقاقة بدون مايك]

اقتباس:  المشاركة الأصلية كتبت بواسطة كاردكس     [(( قصة طريـفة و يقولون واقعيـة ))* وألتفت لي ... طلع هو إبليس !!! *

نزيت يوم شفت ذي ...خرعتن ي آخي .



يمكن تنبيه له ..خصوصن إنه حنا برمضانوالاحلام مستحيل إنه تكون اضغاث احلام لانه الشياطين مصفدة ..إلا إذا كان يهوجس ب باصات والا بشئ زي هكآ فهو يصير حديث نفس والا الاقرب منها إنه حلم أو تنبيه.




آنـــــــآ آتخيل يوم الحشر وآرض المحشر كثيرآ ب المعلومآت التي عندنآ

آنه ستخرج نآر من أرض اليمن تسري لحدود الشام وسيكون أرض المحشر هنآك ...وخروج الدآبة مع إنطلاق النار ...كثير آتخيل الموقف هذ1 وكيف ووشلون ...يعني مو حلم زي خويك ..!



نسأل الله السلامة بس !

[طموحة بلا حدود]

هههههههههههههههههههههههه الله يرج عدوه

[عناية بالبشرة]

شكرا لمجهودك كاردكس...
هذا الطرح للفكاهه وطرح بالكامل منقول
مكانه الانسب الاستراحه ..كل التقدير لمجهودك ..










: