ماهي وظيفة الجهاز المناعى ؟
اولا احب اقول ان الجهاز المناعى عبارة عن ملايين الخلايا المنتشرة فى الجسم . و تعتبر الجيش او الحصن اللى بيدافع عن جسم الانسان ضد اى جسم غريب سواء كان فيروس او بكتريا او فطر .
الجيش اللى اسمه جهاز المناعة هذا عبارة عن كرات الدم البيضاء و المفروض ان عدد كرات الدم البيضاء فى الانسان البالغ من 4 : 10 الاف . و النسب طبعا نعرفها لو عملنا تحليل cbp صورة الدم الكامل .
كيف اعرف ان عندى ضعف مناعة ؟
مثل ما قلت ان صورة الدم الكامل بتوضح عدد كرات الدم البيضاء . طيب ممكن اعرف من غير تحليل . ممكن .
*اذا كنتى بتحسى دايما بالارهاق او بتحسى بالاجهاد بعد ما تعملى اى مجهود و لو بسيط
* اذا كنتى سريعة التعرض للمرض او العدوى . ابسط مثال يوضح كلامى لو بيجيلك نزلات برد او انفلونزا كتير
*اذا كان جسمك بطىء الاستجابة للعلاج او بتكررى العلاج دايما بدون فايدة
لما كرات الدم البيضاء بتقل عن 4 الاف بيبدأ اقل فطر او بكتريا او فيروس يهاجم الجسم و يأثر فيه بشدة .
كمان فى ناس ممكن تكون عدد كرات الدم البيضاء عندها مناسب بس للاسف هى كرات ضعيفة ما تقدر تدافع عن الجسم ضد اى جسم غريب
طيب ماهي اسباب ضعف المناعة ؟
* كثرة استخدام المضادات الحيوية . و خصوصا للاطفال لانها كارثة على المناعة
*الاكل المشبع بالدهون . يعنى الاكل المقلى و المسبك و خصوصا اللى يتستخدم زيت عباد الشمس و الصويا و السمن اللى كلها زيوت مهدرجة . يا جماعة الزيوت هاذي على المدى البعيد خطر على القلب و الكبد . افضل زيت هو زيت الزيتون
* المعلبات و الشيبس و المقرمشات و اى اكل داخل فيه مواد حافظة لانها و العياذ بالله بتسبب سرطانات و بتضعف المناعة . يعنى انا بيصعب علي منظر الطفل اللى ماسك كيس الشيبس اطول منه
* الحلويات البسبوسة و التورتة و الحاجات دى لان السكريات من الاسباب اللى بتضعف المناعة . السكريات المفيدة للجسم هى سكر الفاكهة لانها سكريات اوليه زى التين و العنب و كده
* الزعل و النكد . الحالة النفسية السيئة بتأثر بالسلب على المناعة
* بعض الامراض مثل السكر
* اتباع دايت لا يوفر للجسم احتياجاته الاساسية . يعنى اللى تجوع نفسها علشان تخس و الا اللى تجرى تجرب دايت الدكتور الفلانى بغض النظر هل الدايت مناسب لسنها و لحالتها الصحية و لا لآ
طيب نلاحظ ان معظم اسباب ضعف المناعة راجعة لطريقة اكلنا الغلط . سكريات كتير , اكل مليان دهون , اكل فيه مواد حافظة , دايت من دماغنا . بس ما نقول اكلنا ممكن يكون داء لنا و ممكن يكون دواء لنا
كيف احسن و أقوى مناعتى ؟
* عسل النحل معلقة على الريق . و اتأكدى انه نوع أصلي
* حبة البركة . و عندى لكم معلومة خطيرة عن حبة البركة لو رشيتى حبة البركة على المخبوزات ماتستفيدي منهه . و لو طحنتيها زى البودرة ماتستفيدي . الفكرة انك تجرشيها , يعنى ضغطة خفيفة عليها علشان القشرة الخارجية تتكسر و نستفاد بالمادة الفعالة اللى فيها
إن هناك عدداً من الأعشاب التي أثبتت جدواها في الحد من الأمراض .
مع تمنياتي لكم بدوام الصحة والعافية ...
مهــــــــآآوي
اسباب ضعف مناعة الجسم وعلاج ذلك ....
العرض الشجري