Mexican Day ...

[حُـلم]

مسآآ الخير يآحلوين ...


مآلنآ بالطويله < به نوووم
< آمدآتس تكتبين شي
^
^

اسوي تمويه عشآن مايقولون تحب الهمق


طبعآ متصفحي اليوم غير شكل ..

بالعآده انا تخصصي الحلا .. بس آحيانا ولتغيير خطة تكتيك المدرب < الوآلده

يصير من نصيبي اسوي سلطآت .. < مآدري وشو الحكمه

الموهيمز ...

احب السلطآت المكسيكية عمومآآ .. متبله ولهآ طعم ..حتى الوآنها مغريه ...
فقلنآ نتملح عندكم ..

سلطة التآكو ../

خس أمريكي مقطع مربعآت
ذرة
فلفل آخضر آعوآد رفيعه
واذا حابين فآصوليآ حمرآ ..< مآحبهآ كثير بس لونهآ يعطي جو بالسلطه ..

<< تخلطينهم مع بعض وتحطينهم بالخبز الي بتجيكم سآلفته .. < زحمه

* صدور دجاج مقطعتهآ مكعبآت معتدل مقاسها ..
تتبلينهآ قبل طبعا < كلن وتتبيلته < عجزه تشرح
بس احسن شي ليمون.. .ملح . بهآر ..ثوم .. فلفل اسود وكركم شوي

عقب ماتبلتيهآ .. اشويهآ بالصآجه او بالحمآصه < بس بتخرب عليك لأن اليمون يفسدهآ < مآحد امه هاشته عشآن تسذآ



احرصي ان الشوي مآيطول معاك < لأنها اسااسا الدجاج ذآيب فما راح ياخذ وقت عشآن مايتيبس معاك ومايطلع له طعم

من يشقر خلاص شيليه من على الصااج ..


الصوص /
3 زبآدي
2 ملعقة مآيونيز
شوي ليمون
ملح / فلفل اسود


* الخبز .. تورتيلا الرآشد انا آخذه من مخابز الراشد نفسه ..
المقآس الكبير ..
تاخذينه وتحطينها بالقآلب هذآ





< أوب صحننآ ترى هذا هههههه
دورتها لكم بالنت وحصلتهآ ..


تدخلينهآ الفرن لأقل من عشر دقآيق ..بس عشآن تاخذ شكل القالب اوب عشآن تتحمر !

وبكذا اذا خلصتي القوآلب ..

تحطين السلطه ..همين الدجآج .. همين الصووص < والاحلى تخلطين الدجاح بالسلطه عشان ياخذ طعمه

وهيك يكون شكلهآآآ < ترى هذآ قبل نقدمهآ على السفره
اذا بتقدمينهآ .. حطيهآ بصحون صغيره جمب صحن الأكل تبع كل فرد ويآليت مآتحطين سلطآت معآها < عشآن ارتب للسفره وكمآن لتوزيع الأطبآق على الطآوله ..





< ترآه تصوير جوآل .. مو وآضحه حيل .. بس عشآن تكونون بالصوره هههههه


سلطة مكسيكة /

ملفوف مقطع شرآيح رفيعه مره
جزر مبشور
خس شرآيح رفيعه
بصل شرآيح رفيعه
فلفل آخضر كمآن شرآيح



< الكميه على حسب صحن التقديم ..

وترتيب الطبقآت على حسب مآأنا رتبتهآ < لازم

* زهره .. تقطعين الوردآت من كل غصن بحيث يكون كل زهره كبيره شوي < ان شالله يكون الشرح وآضح ههههههههه
يعني مآنبيها صغيره زي حق الفته .. لا نبيهآ كأنها بحجم النآقت

تسلقينهآ بمويه ومآجي < حول 8 دقآيق بس او حتى اقل عشآن ماتذوب وتخرب عليك
همين تصفينهآ
وتحطين عليهآ ( نص كاس طحين / ثوم بودره / بهآر شوي / ملح / فلفل اسود / مويه )
< بحيث يصير الخليط سآيل ثخين ..
وتصبينه على الزهره ..وتخلطينه بشويش عشآن ماتتقطع

ثم ترجعين تقلينهآ < تاخذين كميه بسيطه عشآن ماتتلصق معاك وهي بالزيت ..
* الصوص /

هو صوص السلطه الأولى بالضبط وتقدرين تتحكمين فيه على حسب مقاس الصينيه

وراح يكون ترتيب السلطه هيك /
1/ ملفوف 2/ جزر 3/ بصل 4/ فلفل اخضر5 / خس 6/ الزهره المقليه 7/ الصوص




وبالأخير ...
كل مآاهتميتي بشكل التقديم ..يغطي آحيانا على النوآقص الي تصير بالطبق < محد ينتبه عليتس
هههههه

فإحرصي على الإثنين .. الطعم والشكل ..


آتمنى يروق لكم شغل يدآتي
ويطيب لكم الذوق المكسيكي