صرااخ وضجيج

[زمن الغرباء]

صباحكم رضى وعافية //

العوايل ينقسمون لقسمين

القسم الاول
الهادين اللي ماتسمع لهم الا همسا
اصواتهم خاافتة وكل شي يزعجهم
الاصوات العالية واصوات الاطفال !
وحدث ولا حرج عن معاناة المعلمين والمعلمات من اصواتهم اذا قاموا يجاوبون
واجسامهم ومشاعرهم حساسة وبسرعة تنجرح

اما القسم الثاني
اه يازينهم
تبارك الله
صرااخ ولجة وصجة ودفاشة وجلافة
وينعشوون المكان اللي هم فيه ويستمتعون بالحياة صح
ومايزعلون بسرعة ولا يعطون الشي اكبر من حجمه

ربما يعجبوني القسم الثاني لاني انا واهلي من القسم الاول
بجد كل شي يزعجنا
اذا كنا عند احد وشغلوا التلفزيون
نبدا نتناظر وعلامات التعجب فوق روسنا :
(( غريبة مايسمعون ))
وهم يقولون عاادي مانسمع الا كذا !!!
لا
وبزاريننا اللي هم عيال اخوي
اذا بدوا يلعبون .....
1- اصصصص شوي شوي
2_ لاتطيحون
3- اقصروا صوت التلفزيون
ومن حسن الحظ ان زوجة اخوي الله يوفقها نفس الطينة ربما لانها بنت عمي

يعني لو جينا للخلاصة
اجمل مافي القسم الاول انهم يحترمون المشاعر وتعني لهم شي كثيير
ربما صح وربما خطا هالقاعدة لكني لاحظتها

واجمل مافي القسم الثاني انهم يستمتعون بالحيااة صح
وخاصة اطفالهم اللي اذا ماستمتعوا الحين مدري متى بيستمتعون

لكنها سبحان الله تبقى خلقة وسبحان اللي خلق هالاختلاف

طيب لو تزوج واحد من القسم الاول بوحدة من القسم الثاني او العكس
هل بينسجمون بحياتهم

بالنسبة لي اراها من جانب حلوة لانها تبي تغير حياة الانسان ويكون مخضرم
عاش زمن الهدوووء وزمن الازعااج ...

[مايا]

أنا وعائلتي من القسم الأول ...
لكن يعجبوني القسم الثاني أحسهم عايشين حياتهم ولا عليهم من أحد
وأعرف واحد من القسم الثاني تزوج بنت من القسم الأول على أنه قايل لأهله أبيه مثل خواتي لجلجة ولكن النصيب

اجمل مافي القسم الاول انهم يحترمون المشاعر وتعني لهم شي كثيير
ربما صح وربما خطا هالقاعدة لكني لاحظتها

الا صح يراعون المشاعر بعكس القسم الثاني يجدعون الكلمة وبس

مشكور/ة زمن الغرباء

[زمن الغرباء]

اقتباس:  المشاركة الأصلية كتبت بواسطة آنسة جحة     أنا وعائلتي من القسم الأول ... يعني مثلي لكن يعجبوني القسم الثاني أحسهم عايشين حياتهم ولا عليهم من أحد تشبهين وجهة نظري وأعرف واحد من القسم الثاني تزوج بنت من القسم الأول على أنه قايل لأهله أبيه مثل خواتي لجلجة ولكن النصيب اي والله النصيب يمكنها خيرة مشكور/ة زمن الغرباء

قصدك مشكوورة ياعزيزتي
ولك الشكر يالغالية
مرورك شرف

[shahd2007]

اممم عائلتنا وسط عند الناس الغريبين قمه الهدوء وكلامناهمس
لكن اللي نمون عليهم ونجتمع معهم كثير نصبح من القسم الثاني

عائله ابوي تنتمي للقسم الاول ...قمه الهدوء والثقل والاتيكيت الزايد عن حده <<وقسم اجتماع يوم العيد لو تطيح الابره سمعتيها الكلام بصوت هادي الجلسه لها طريقه الاكل له طريقه
طريقه السلام ..مختلفه عن خوالي

عكس خوالي اللي هم القسم الثاني ..
لجه وسوالف بصوت عالي تحسين بطعم الجمعه والوناسه عندهم
يعني نعيش تناقض كبير وخاصه يوم العيد لاننا نجتمع مع القسم الاول بالنهار والقسم الثاني بالليل لدرجه من نوصل حارتهم تدرين ان هالبيت فيه مناسبه .,,

اقتباس: طيب لو تزوج واحد من القسم الاول بوحدة من القسم الثاني او العكس هل بينسجمون بحياتهم

اذا تزوج القسم الاول من القسم الثاني تتعود غصب
لكن المصيبه بلعكس اذا كان الرجل من القسم الثاني كيف تعيش معه

مشكوره عزيزتي زمن الغرباء
.

[عاشق ديرتي بريده]

والله يانا مالي خلق اللجه

واللي مالي خلقه اذا قمت من النوم يجي احد يتكلم معي

ولو تزوج رقم واحد من وحده من رقم 2 اكيد مع مرور الوقت تبي تصير مثله لانها تبي تتكلم ولاتلقى احد يعطيه وجه

[&سفآنه&]

لله في خلقه شؤون
الهدوء بالأعياد والإجتماعات ماأحبه
سبحان الله كنا نتكلم أنا وأختي قبل يومين عن هالعاده الشينه والرسميه الزااايده
مليااانه الغرفه حريم ولا كأن فيها أحد
من الهدوء
*
يمكن يرجع طبع العائله غالبآ لطبيعة الأب
يعني اذا كان عصبي ومزاجه صعب يبي يصير أهل
البيت هاااادييين غصب
وإذا كان يحب المزح ووسيعن صدره
يصيرون ونااسه وصجه ولجه ماعندهم مشكله

[&سفآنه&]

أتوقع لو تزوجت وحده من رقم 1بواحد رقم2
صعععبه على الزوج انه يتقبل طبعه بسهوله لأنه
بتكون هاااديه وحسااااسه وهو ماتعود على كذا
والمرأه غالبآ تتأثر بسرعه بطبع الزوج بس يبيلها صبر,
لكن اذا تزوج هااادي بوحده رقم2 يتقبل طبعها و
يؤثر فيها بطبعه
مشكوره زمن الغرباء وآسفه لإطالتي

[الأرجوانه]

حنا وسط
بيتنا هادي لأن ماعندنا بزران يلجون ويصجون
بس اذا جت اختي , اعياله قلبو البيت كلله
واذا جتمعنا مع عماني عادي مافيه ازعاج مره لكن يبقى صوت الحريم من أول ماتدخلين الأستراحه
تسمعين السالفه هههه , والبزارين يتهاوشون وتسذا
اما خوالي الحريم عادي مافيه ازعاج مره ولا هدوء , والبزران بهم حقهم ب اللجه

يعني خوالي وعماني يميلون للهدوء اكثر ( =
وعن نفسي ماأحب الأزعاج , خصوصا لا صار ببيتنا
لو بأستراحه ممكن لكن بالبيت ماأحب الأزعاج ابدددداً يسببلي صداع
لكِ ودي

[Miss Tala]

الوسط زين ...
بس احيانا فيه طلعاات غير رسميه افضل فيها الفله والوناسه ..

بس ذولا الللي بيتزوجون مشكله ؟؟!!من وجهة نظري الرجال عادي عنده الحرمه تصير هاديه حتى لو هو راعي فله وازعاج لكن العكس غير صحيح احس الحرمه تمل ...اذا ماتعودت

[بريداويهـ]

تصدقين عاد اني مدري وش انا ؟!

تقدرين تقولين اخذه من هنا وهناك
من القسم الاول الحساسيه محب اجرح احد ومستحيل ارد على احد حتى لو غلط علي
الا اذا طفح الكيل ونادرا مايطفح

واكره ماعلي الازعاج
لكن صديقاتي يسمنن " خّـــرشه "

لكن من كلامك اطلع من القسم الول
تزوجت رجل ازعاج هو وعيالي
التلفزيون يحط على اخر شي
الراديوا على اخر شي
حتى اني اشك احيان انه مايسمع

يحب اللعب
وانا احبه ايه بس ما احب كثره

يعني لو رحت ملاهي لعبتين يكفنن ويتخمنن
لكن هو واهله لو يلعبون من اليوم لبكرى ماملوا

احس كثير اني سلحفاة قدام عجلة اسرته

واتضايق من البزران لما يجون كل شوي يطلبون لعبه
احس مب كذا الحياة
اللعب زين لكن بحدود

خاصه اني اعتبر الالعاب الالكترونيه والملاهي تغيير مب شبعه
والاصل باللعب هي الالعاب الي تحرك عضلات الجسم هذي لو يلعبونه ليل نهار مو مشكله

تحياتي

[فديكا التميمي]

امممم حنا تقريبا من القسم الثاني لا الخوال ولا العمومه ومن الصجه
لا بدينا نسولف ماندري من اللي يسمع ومن اللي يتكلم كلهم يسولفون جميع هه

[بحر العطاء]

بنت عمي

انا لا دخلت بيتكم احس ب راحه نفسية ..

لاني احب القسم الاول ..


تكون الحياة افضل

لما تكون الطبائع مختلفه

لايمكن الهادي يعيش من الهادية

او العصبي مع العصبيه

او البارد مع البارده

احس لم يجون مختلفين الطبع تمشي حياته افضل




اتوقع ب

[زمن الغرباء]

اقتباس:  المشاركة الأصلية كتبت بواسطة shahd2007     اممم عائلتنا وسط عند الناس الغريبين قمه الهدوء وكلامناهمس لكن اللي نمون عليهم ونجتمع معهم كثير نصبح من القسم الثاني عائله ابوي تنتمي للقسم الاول ...قمه الهدوء والثقل والاتيكيت الزايد عن حده <<وقسم اجتماع يوم العيد لو تطيح الابره سمعتيها الكلام بصوت هادي الجلسه لها طريقه الاكل له طريقه طريقه السلام ..مختلفه عن خوالي عكس خوالي اللي هم القسم الثاني .. لجه وسوالف بصوت عالي تحسين بطعم الجمعه والوناسه عندهم يعني نعيش تناقض كبير وخاصه يوم العيد لاننا نجتمع مع القسم الاول بالنهار والقسم الثاني بالليل لدرجه من نوصل حارتهم تدرين ان هالبيت فيه مناسبه .,, ماشاء الله تبارك الله ربي يعينكم ياشهد لازم يصير عندكم نفسيتين عشان تتأقلمون مع العايلتين اذا تزوج القسم الاول من القسم الثاني تتعود غصب لكن المصيبه بلعكس اذا كان الرجل من القسم الثاني كيف تعيش معه مشكوره عزيزتي زمن الغرباء .

تتأقلم وتاخذ عليه مع طول الزمن

ولك الشكر الجزيل ياغالية

[زمن الغرباء]

اقتباس: لله في خلقه شؤون الهدوء بالأعياد والإجتماعات ماأحبه سبحان الله كنا نتكلم أنا وأختي قبل يومين عن هالعاده الشينه والرسميه الزااايده مليااانه الغرفه حريم ولا كأن فيها أحد من الهدوء * يمكن يرجع طبع العائله غالبآ لطبيعة الأب يعني اذا كان عصبي ومزاجه صعب يبي يصير أهل البيت هاااادييين غصب وإذا كان يحب المزح ووسيعن صدره يصيرون ونااسه وصجه ولجه ماعندهم مشكله

ماأظن طبع الاب لحاله اللي يأثر
كل شي يلعب دوره

اقتباس: أتوقع لو تزوجت وحده من رقم 1بواحد رقم2 صعععبه على الزوج انه يتقبل طبعه بسهوله لأنه بتكون هاااديه وحسااااسه وهو ماتعود على كذا والمرأه غالبآ تتأثر بسرعه بطبع الزوج بس يبيلها صبر, لكن اذا تزوج هااادي بوحده رقم2 يتقبل طبعها و يؤثر فيها بطبعه مشكوره زمن الغرباء وآسفه لإطالتي

انا اختلف معك
ارى ان كل الزوجين له تأثير على الاخر مالاحظت ان تأثير الزوج اقوى

هو في بداية الزواج راح يكون فيه حساسية اذا كانوا مختلفين وماراح يتأقلمون مع بعض بسرعة لكن مع الزمن يتعودون ويكون الوضع طبيبعي ايا كان الاختلاف

منووورة عزيزتي

[زمن الغرباء]

اقتباس:  المشاركة الأصلية كتبت بواسطة الأرجوانه     حنا وسط بيتنا هادي لأن ماعندنا بزران يلجون ويصجون بس اذا جت اختي , اعياله قلبو البيت كلله الله يصلحهم ويخليهم واذا جتمعنا مع عماني عادي مافيه ازعاج مره لكن يبقى صوت الحريم من أول ماتدخلين الأستراحه تسمعين السالفه هههه , والبزارين يتهاوشون وتسذا اما خوالي الحريم عادي مافيه ازعاج مره ولا هدوء , والبزران بهم حقهم ب اللجه يعني خوالي وعماني يميلون للهدوء اكثر ( = وعن نفسي ماأحب الأزعاج , خصوصا لا صار ببيتنا لو بأستراحه ممكن لكن بالبيت ماأحب الأزعاج ابدددداً يسببلي صداع ربما لعدم وجود اطفال لكِ ودي

ولك والود والتقدير
منوورة يالحبيبة