العودة   منتدى بريدة > المنتديات العامة > همسات نواعـــم > مطبخ بريده

الملاحظات

مطبخ بريده سر الطبخه تجديه هنا

موضوع مغلق
 
 
أدوات الموضوع انواع عرض الموضوع
 
قديم 29-04-11, 08:50 am   رقم المشاركة : 1
رغــــيد
عضو مميز
 
الصورة الرمزية رغــــيد






معلومات إضافية
  النقاط : 10
  المستوى :
  الحالة : رغــــيد غير متواجد حالياً
Talking إن كان للسناعة عنوان ..ف رغيد عنوان السناعة << ذذ


[ALIGN=CENTER][TABLETEXT="width:90%;background-image:url('http://upload.up3.cc/uploads/images/up313040484001.jpg');"][CELL="filter:;"][ALIGN=center]
[/ALIGN][ALIGN=center]




مدخل /
قال صلى الله عليه وسلم : " إن الله ليرضى عن العبد أن يأكل الأكلة فيحمده عليها
أو يشرب الشربة فيحمده عليها" أخرجه مسلم في صحيحه .







السلام عليكم ورحمة الله
إن شاء الجميع بأحسن حال


أكلات متواضعه لعيونكم الحلوة .. وأعتذر إن كان منها متكرر لأن دخولي هنا قليل , و إن شاء الله تعجبكم مطاريسي ..~







● حلى الماركة < ختير أوي >:
تذوبين كاكاو خام , أو جالكسي بحمام مائي بعدين تحطينه بكاسات بلاستيك تقريبا سمكها ثلث سم .. وتدخلينها الفريز لين تجمد , بعدين تطلعينها ,, وتكونين مكسرة كيس شعيرية تكسير صغير مرة وحامسته ع النار إذا صار أشقر تبعدينه عن النار وتخلطينه بنستله وترجعينه شوي بس .. بعدين تحطينها بالكاسات فوق الكاكاو وتدخلينها الفريز .. إذا جمدت تطلعينها وتحطين طبقة ثالثة وهي بسكويت أوريو مغموس بحليب غمسة وحدة لا يذوب .. أو تطحنين الأوريو وتحطينه ع النار مع نص كاس حيب سايل لين يختلط زين وتكون هذي الطبقة الثالثة ..

أما الصور /



هذا شكل أول طبقة " الكاكاو" بالكاسات الورق أو البلاستيك ..
.
.
وهذا شكلها بعد ما تخلص :




صورة أقرب /



وبالعافية ع قلوبكم





● حلى الأناناس الكذاب :

هذي المقادير :



2 بكيت بسكويت السمسم / كاس جوز الهند / كاس حليب
1/2بيالة ماء / 1/2 بيالة زيت / ملعقة بكنج / فانيلا / 3 بيض
تخلطينها بالخلاط ثم تحطينها في صينية من تحت وفوق ..
بعدين تخلطين نستلة مع جبن كيري أو مثلث ثم تحطينه فوقه وتدخلينه الفرن شوي بس لين يجف لا يتحمر ..
بعدين تصفين عليه بسكويت السمسم ..
بعد كذا تجيبين نصف علبة سفن وتغلينها ع النار مع ظرفين كريمه ..
لين تغلي ثم تحطينها ع الصينية وتدخلينها الثلاجة ..
إذا تماسكت طلعيها وقصصيها بغطاء البكنج ..

هذي الصورة وهو في الصينية /




وهنا بعد ما قصصته وحطيته ف أوراق بيليسيه /



وبعافيتين





● حلى العلب /
عاد هذا حلى العجازين ..حلاي إذا صرت عجله هه
تطحنين أورويو و بسكويت جوزاء ... ثم تخلطينهم مع ظرفين كريمة وظرفين دريم ويب و سكر مطحون وقشطة وحليب جاف و شوي نستلة .. تجملينهم بالهيرشي أو فستق أو غيره وبث ..
والمقادير حسب اللي بدك تسوينه ..
هذي صورته /



وبصحة وعافية



●حلى المثلثات < يمي يمي

تحمسين كوب وربع حليب لين يشقر ..كل ما تحمسين أكثر أفضل ..
بعدين تخلطين بالخلاط /
ثلاث بيض / فانيلا / علبة زبدة بدرجة حرارة الغرفة / ملعقة ونص بكنج
وقشطة / فنجان سكر ..
بعد ما تخلطينها تخلطينها بالحليب المحموس يصير لونه بني ..
تاخذين نصف المقدار وتحطينه بصينية وبالفرن من فوق وتحت ..ترى بسرعة ..فوق لين يجف تقريبآ لا تطولين عليه ..
بعدين تطلعينه من الفرن وتكونين خالطة بالخلاط /
نص كاس سكر / نص كاس حليب جاف / قشطة / 4 جبن
وتحطينه ع الطبقة الأولى تدخلينها الفرن لين تجف من فوق بس ..
تطلعينها من الفرن وتحطين باقي الطبقة البنية وتدخلينها من فوق لين تجف .. ثم تدخلينها الثلاجة .. عند التقطيع تقطع مربع ثم مثلث ..
هذا صورته /



وبالهناء



● حلى البطاطس ..
تسوين عجينه عادية بعد ما تخمر .. تكورينها .. وتكون مقاسات مو نفس التكوير .. وتحشينها بالكاكاو ..
بعدين ترشينها من كل الجوانب قرفة وتدخلينها الفرن ..




عاد أنا خليتها شكل واحد ولا بين مرة إن شكله بطاطس , وغير ذلك رشيته نستله لأننا نحب الحلا هه :



عاد هو شبيه تقريبآ ب : خلية القرفة .. واللي هي تعجنين عجينه عادية بعد ما تختمر .. تحشينها جبن و ترشين عليها قرفة ناعمة وسكر ناعم وتدخلينها الفرن .. بعد ما تطلعينها تصبين عليها نستله ..
هذي صورة الخلية ..بس لا تدققون بالنستله خبركم راعين حلا ههه :




وبـ صحتين





● حلى الزبادي :

بسكويت مطحون مع زبدة ترصينه بالصينية .. تحطين بالخلاط :
فنجان سكر / زبادي / ثلاث فناجين سكر أو أربع .. بعد ما تخلطينها تحطينها ع الصينية وتدخلينها الفرن مع فوق لين يجف بس ..
.. نص كاس ماء مع ظرف كريمة تحطينهم ع النار لين يغلي .. ثم تحطينه بشويش ع الطبقة البيضاء .. ثم تدخلينها الثلاجة .. شكلها /







● أقماع التورتيلا <

نجهز حشوة الأقماع :
تحمسين بصل + ثوم ..ثم تحطين عليه دجاج فيليه + فلفل بارد + فلفل حار + بهارات + ملح + جزر مبشور لين تنضج بعدين تسكرين عليها وتحطين بقدونس + شبت + ثلاث ملاعق جبن كاس :




.. التورتيلا طبعا إذا كان عندك بالفريز .. تطلعينه قبل بوقت ولا تحطينه بالميكرويف .. حرارة الجو تكفيه ..
تقطعين التورتيلا الدائري شكل + بيطلع لك أربع مثلثات ..
تسوين كل مثلثة ع شكل قمع وتسكرينها بالجبن المثلث ..
إذا خلصت الكمية .. عاد حشيها بالحشوة السابقة وصفيها ف صينية ..
وادهنيها بحليب أو بيض وحمريها شوي من فوق .. شكلها :



.. إذا كنت مستعجلة ولا مو رايقة .. لفيها لفائف , لأن القمع يمكن يآخذ عليك وقت .. مثل كذا /








● السبرنج رول ( يمي يمي بعد هه ):

حشوته أنا سويتها نفس حشوة التورتيلا , بإمكانك تسوين أي حشوة تفضلينها .. وإذا بتحشينها جبن ممكن وأفضل جبن مالح :
.. لف السبرنج له طريقتين / بس للأسف نسيت أصورهم ) :
~ إن شاء الله تفهمون شرحي لأن طريقتي باللف أسهل من الطرق المتداولة .. تخلين شريحة السبرنج شكل معين , بعدين تلفين أطرافه اليسار واليمين ع الداخل وتحطين الحشوة وتلفينها ..تسكرينها بعجين ..
الطريقة هذي أفضل من أنك تخلينها مربعة أمامك وتلفين جهة اليسار واليمين ع الداخل .. بعد ما تخلصين من الحشوة تقلينهم بزيت حار ...
وبالإمكان تسوين كثير وتدخلينه الفريز .. متى ما أردت تطلعينهم وتقلينهم .. هذي السبرنج /



.. دلعتهم بالفيونكة الحمراء

وبـ العافية



● شاورمتي المفضلة /

بصل وثوم يشوح ع النار لين يصفر ثم تضيفين دجاج مقطع شرايح طوليه + فلفل أحمر + أخضر + أصفر + فلفل حار بعدين صويا صوص + ملح + بهارات + صلصة + طماطم .. بعد النضج تبعديها عن النار وتضيفين : أصابع بطاطس مقلية + ملعقتين ما يونيز وملعقتين جبن كاس وملعقة طحينه وملعقة شطه وملعقة زبادي أو حسب الرغبة .. و بقدونس ..صورة المقادير :



بعدين لفيها .. >> الخبز الرهيف :



الخبز الصامولي < رغبة العائلة






● كفتة السمك :

سمك هامور فيليه يقطع بعدين تتبلينه > بصل + ثوم + كزبرة + ليمون + ملح + بهار سمك ( هذا إذا بتقلينها ع طول بدون ما تسوي كفته :




أما الكفته ما يحتاج تتبيل السمك لكن أفضل تبليه شوي .. ثم تسلقينه
مع السلق تضعين عليه ليمون + 2حبة هيل + بصل )
..تسلقين 2 بطاطس ,, بعدين تحطين السمك بعد النضج بطاحونة البصل .. بعدين تطحنين السمك مع البطاطس مع بقدونس وشوي كزبرة مع بيضة مع ملح وفلفل وبهار وفص ثوم ..
بعد ما تطحنينها تكورينها ثم تقلينها .. صورة أثناء القلي /



يالله النجاة من النار
.
هـنـآآ بالنهاية /



هذي بتاع جيراننا بدنا نذوقهم إياها .. نصها كفته ونصها سمك عادي والجزر الحد الفاصل بينهما



● التوست ( ) :

الحشوة اللي تفضلين /
تونة / حشوة دجاج / جبن وزعتر / جبن وخيار وطماطم ...الخ

هنا .. تقطعين التوست 2 مثلث تحطين الحشوة وتغطينها بالمثلث الثاني .. تدهنينها بالمايونيز وترشين عليها زعتر .. وتسوين عليها شكل الشبكة أو أي شكل بالجبن الشرايح < مضيقن علينا بالثلاجة قلت لازم أدور له وظيفة




ولاّ بدك تفردينه بعدين تقطعينها بالقوالب أي شكل :




أو تفردينه وتحشينها ثم تلفينها وتمسكين الأطراف بالمايونيز وتحطين من جهة بقدونس مفروم والجهة الثانية جزر ... أو جهه سماق وجهه زعتر ../







● السلطة المشكلة | رهيبة |
يقطع مكعبات صغيرة كل من :
الباذنجان / البطاطس / الزهرة / الجزر .. ثم تقلى ~
تسلقين معكرونه الأشكال اللي عندك ..طبعآ معكرونة صغيرة مرة ~
يقطع خيار وبقدونس .. ثم تخلطينهم مع بعض ..
وتخلطين بالخلاط / 3 ليمون + ملح + شوية أوراق نعناع ومايونيز + ملعقة ونصف طحينه + ملعقة صغيرة زيت زيتون ..بعدين تخلطينها بالسلطة ..:



.. أنا حطيت جزر مبشور وطماطم .. لا تحطين أفضل يمكن :/




● معكرونة البيتزا × البشامل ..
تسلقين معكرونة .. بعدين تخلطين بالخلاط :
3 أو أربع بيض وهم بالخلاط تقطعين عليهم جبن كيري أو مثلث
تقريبآ 6 أو 7 حبات .. بعد الخلط ..تحطينهم ع المعكرنة بالصينيةطبعآ بعد ما تخلص .. بعدين تحطين عليها ملعقتين جبن كاس مع نصف قشطة مع بيالة كريمة خفق .. وتجملينه بالطماطم والفلفل والزيتون :/








خارج النص /









*~*~*~*~*

عاد هينآ الله يسلمكم أختي الصغنونة .. تعبت ودخلت المستشفى
رقدوها أربع أيام .. اسم الله عليها :



^^ القعدة المصونة

~ بعد ما طلعت سويت لها حفلة إقالي بفرحها .. لعلها ما دَرَت عن
بس أشوى عزمت عيال جيراننا عشان تتشجع ..
هذي من صور حفلتها /


>>>

>>>

>> هذاها ~ هداها الله وجلست






في إحدى الصباحات الجميلة ض1 :/



^^ هذي من الرواقة قاعدة أحتري الباص ما بغى يجي ,, أكرهـ هاللحظة ) :
< من قدك يا خالد المنيف سويت لك دعاية مجانية






أعذب تحية لكل من نورني













مخرج /

قال صلى الله عليه وسلم: إذا أنفقت المرأة من طعام بيتها ، غير مفسدة

فلها أجرها ، وللزوج بما اكتسب ، وللخازن مثل ذلك".أخرجه البخاري في صحيحه












رغـيد ~







[/ALIGN][/CELL][/TABLETEXT][/ALIGN]






التوقيع

..( فَوَرَبِّكَ لَنَسْأَلَنَّهُمْ أَجْمَعِينعَمَّا كَانُوا يَعْمَلُون )..

آخر تعديل اوكسجين بريده يوم 29-04-11 في 04:33 pm.
قديم 29-04-11, 09:53 am   رقم المشاركة : 2
لسعه الخير
عضو ذهبي
 
الصورة الرمزية لسعه الخير





معلومات إضافية
  النقاط : 10
  المستوى :
  الحالة : لسعه الخير غير متواجد حالياً

ماشاء الله عليك اسم على مسمى والله سنعه
حركة التوست صراحة روعه ربي يحفظك لي عودة







التوقيع

اللهم أيما امرئ شتمني أو آذاني، اللهم إني عفوت عنه ، اللهم فاعفو.
اللهم أنا عفوت عن عبادك فاجعل لي مخرجا أن يعفو عبادك عني.
قديم 29-04-11, 11:21 am   رقم المشاركة : 3
آبو بتال
مشرف عام
 
الصورة الرمزية آبو بتال





معلومات إضافية
  النقاط : 10
  المستوى :
  الحالة : آبو بتال غير متواجد حالياً

ما شاء الله
تسلم الايادي
موضوع سنع + متعوب عليه
بارك الله فيك
طبخات روعه
تستاهلين تقييم







قديم 29-04-11, 04:30 pm   رقم المشاركة : 4
رووونــــــآآآ
عضو ذهبي
 
الصورة الرمزية رووونــــــآآآ






معلومات إضافية
  النقاط : 10
  المستوى :
  الحالة : رووونــــــآآآ غير متواجد حالياً

ماشاء الله ابدااع وتنسيق وسنع
الله يعطيتس العافيه

.

.







التوقيع

ـآلععععقل ؛
. گ ـآشآره ـآلمرور
. يُرشد • ويحذّر • وينبّه ه :؛
. ولگنُّه ‏لآ يَمـنَع ْ

قديم 29-04-11, 05:13 pm   رقم المشاركة : 5
نجداوي
عضو قدير






معلومات إضافية
  النقاط : 10
  المستوى :
  الحالة : نجداوي غير متواجد حالياً

وش انت يالارياف عند رغيد !!

ابداع وفن

عبالي فقط طبخه واحده

طلع بوفيه مشاء الله تبارك الرحمن

شكرآ لك رغيد







التوقيع


قديم 29-04-11, 05:32 pm   رقم المشاركة : 6
بنت العاصي
عضو فضي
 
الصورة الرمزية بنت العاصي





معلومات إضافية
  النقاط : 10
  المستوى :
  الحالة : بنت العاصي غير متواجد حالياً

يسلم هالديات يارب
عوافي على اللي ذاقه
الف شكر /






التوقيع

اشتاق نومي لعينيك !
انا وانت انهكنا السهر وكتب اسمينا الليل بقائمة المشاغبين !!

^
اممم هوللحين ساري المفعول ؟
قديم 29-04-11, 10:09 pm   رقم المشاركة : 7
>ريانه<
عضوة قديرة
 
الصورة الرمزية >ريانه<






معلومات إضافية
  النقاط : 10
  المستوى :
  الحالة : >ريانه< غير متواجد حالياً

ماشاء الله روووعه

تسلم الايادي

والحمد لله على سلامة اختك







التوقيع


اللهم رب الناس أذهب البأس أنت الشافي المعافي لاشفاء إلا شفاءك إشفي والدتي وعافها يارب. آمين
قديم 29-04-11, 10:59 pm   رقم المشاركة : 8
جُـودي
عضوه قديره
 
الصورة الرمزية جُـودي






معلومات إضافية
  النقاط : 10
  المستوى :
  الحالة : جُـودي غير متواجد حالياً








رغيـــــــد وش هـآلــزييـــين
تسلم يمنـــــآك
لآعدمنـــآك يآلغـــــلآ
بـآنتظـــآرجديدك
دمتِ بحفظ آلرحمن
ـآمسسكي .













قديم 30-04-11, 03:50 pm   رقم المشاركة : 9
اوكسجين بريده
عضوة قديرة
 
الصورة الرمزية اوكسجين بريده





معلومات إضافية
  النقاط : 10
  المستوى :
  الحالة : اوكسجين بريده غير متواجد حالياً


/
/
أوووووووليه يً رغييد .. خيال بس المشوره ندخل ونطلع .. عندك أحد نسآي ولآ يتمقرص ..
/
/

/
/
هذي سههلللله بالمره .. مً يبغالها كلآفه آبد ..
/
/

/
/
أموووت على حاجه زي كذاا .. والله إدماان .. شهتين أعوذ بالله
<<وليه عاد أعوذ بالله
/
/

/
/
اهم شي الكوب رغيد
وألف الحمدالله على سلآمت خيتك .. والله يحفظها يً رب
/
صرااحه موضوعك فن فن مو معقول ماشا ءالله .... قمممه الروعه
لو بيدي كان حطيته مميز ..
مووفقه






التوقيع

ضَآقْ المِكآنْ ، بـِ حَنيَنِي والآنِتظَآرْ !
ولآعآدْ فِي آرضْ هَـ الكَونْ لِي مِكَآنْ

قديم 30-04-11, 10:04 pm   رقم المشاركة : 10
رغــــيد
عضو مميز
 
الصورة الرمزية رغــــيد






معلومات إضافية
  النقاط : 10
  المستوى :
  الحالة : رغــــيد غير متواجد حالياً

اقتباس:
 مشاهدة المشاركةالمشاركة الأصلية كتبت بواسطة لسعه شقااوة 
   ماشاء الله عليك اسم على مسمى والله سنعه
حركة التوست صراحة روعه ربي يحفظك لي عودة






مرحبآ بِ لسعة شقاوة / الله يبعد عنك الشقاوة ..
تبين تذوقين التوست ..ترى ما يغلى عليكِ ( :
نورتي يا قميلة







~






التوقيع

..( فَوَرَبِّكَ لَنَسْأَلَنَّهُمْ أَجْمَعِينعَمَّا كَانُوا يَعْمَلُون )..

قديم 30-04-11, 10:06 pm   رقم المشاركة : 11
رغــــيد
عضو مميز
 
الصورة الرمزية رغــــيد






معلومات إضافية
  النقاط : 10
  المستوى :
  الحالة : رغــــيد غير متواجد حالياً

اقتباس:
 مشاهدة المشاركةالمشاركة الأصلية كتبت بواسطة آبو عبدآلرحمن 
   ما شاء الله
تسلم الايادي
موضوع سنع + متعوب عليه
بارك الله فيك
طبخات روعه
تستاهلين تقييم





الله يسلمك :/
شكرآ ع التقييم ..
وأشكر تواجدك أخي الكريم ,,





~






التوقيع

..( فَوَرَبِّكَ لَنَسْأَلَنَّهُمْ أَجْمَعِينعَمَّا كَانُوا يَعْمَلُون )..

قديم 30-04-11, 10:32 pm   رقم المشاركة : 12
بدرالوابلي
عضو قدير






معلومات إضافية
  النقاط : 10
  المستوى :
  الحالة : بدرالوابلي غير متواجد حالياً

ماشاءلله تبارك الله-

بس صراحه اشك انك من بنات ديرتنا ؟

مهوب قل عرف بهن بس انهن عجازات وملهن خلق بالشغل السنع وانا ادري هالسناعه والذوق ماجت منك عبث !

حدا ال2 ؟

يانك بك عرق ام شكيم ؟

او انك عنيزاويه ! لاني ماشوف هالحركتات الا لصارت عزيمه عند زملاي بعنيزه - نشوف هولاات بالحلا والمقبلات والطبخات ؟ وحنا لصارت العزيمه عندنا ياقربك يالارياف والخيام ):

وان انهبلن سون شاهي نعناع مالغ

ياحياتي هن - مالهن بشين ابد الا التحكوي عزالله خذ حريم-

بس ترا تحكويهن على قلوبنا عسل الله لايخلينا منهن <وش عقبه ؟







قديم 01-05-11, 03:09 am   رقم المشاركة : 13
amįЯЋ
عضو قدير
~| بعثرة آحسآس .!
 
الصورة الرمزية amįЯЋ






معلومات إضافية
  النقاط : 10
  المستوى :
  الحالة : amįЯЋ غير متواجد حالياً

مـآشآءالله تبارك الرحمن آهنيك ..
ذووق+ ترتيب + سنع+ آشكآل حلوه ورهيبه
تسلم الايادي وجآري تطبيقهم ..
الله يعيطك العافيه.







التوقيع


أآنتْ مثليِ [OVERLINE]’, [/OVERLINE]يتعبِك وقتِك بدونيِ!
قديم 01-05-11, 05:00 am   رقم المشاركة : 14
حفيدة خالد
عضو ذهبي
 
الصورة الرمزية حفيدة خالد






معلومات إضافية
  النقاط : 10
  المستوى :
  الحالة : حفيدة خالد غير متواجد حالياً

ما شاء الله تبارك الله
شغل حــلووو ومـــرتب ويـــشهي
تـــسلم الايادي
والحمد لله على سلامة اختك >>الله يــخليها لكم

الله يعطيك العافيه







التوقيع

ان كنت في ( حيره ) لأمر ما حصل لك فلا تفكر كثيرا لعل على ( الحاء ) نقطه.
قديم 01-05-11, 09:07 am   رقم المشاركة : 15
الحبيبـــة
عضو ذهبي
 
الصورة الرمزية الحبيبـــة






معلومات إضافية
  النقاط : 10
  المستوى :
  الحالة : الحبيبـــة غير متواجد حالياً

مـــــبدعة يا رغيد
أطباق مشهية ومفيدة وغاية في الترتيب والذوق
والحمد لله على سلامة العروسة وماتشوف شـــــر
ماقصرت بإنتظار جديدك
ترى طمعانين بإبداعاتك يا رغووووودة







التوقيع

[flash=http://www.m5zn.com/uploads/2011/5/6/embed/050611110520pcnbehle14zq6gip.swf]WIDTH=597 HEIGHT=391[/flash]
تحدوهاالبشر.الله يحرم ايدينك عن النار
موضوع مغلق
مواقع النشر
يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع
ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع
:: برعاية حياة هوست ::
sitemap
الساعة الآن 06:26 pm.


Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة

المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها

 

كلمات البحث : منتدى بريدة | بريده | بريدة | موقع بريدة